Luk imi tebe Yesus imi sang dola kosa uta ko 11:10 - Telefol

¹⁰ Kanube tinum iyo mufekmufek sang uyo God iyo dagalip umdii, yagal tinum dagagan-bilip bilip iyo alugum kopman-tema e minte, tinum iyo mufekmufek fen-bilip umdii, mungkup God yagal dong dogopma fen-bom utaman-temip e minte, tinum faal dok dok keman-temip uyo, God yagal mungkup faal bitobe imdep meng ilami miit tem daalan-tema no kuba.

Luk imi tebe Yesus imi sang dola kosa uta ko 11:10 Iomraidhean Croise

Matyu 5:42

Kale mungkup kanube tinum iyo kapmi mufekmufek dagala uyo, kupka-emin ko. Kale kanube tinum iyo, kapmi mufekmufek uyo maak kopnelapta, kwep unan siit-nilita, asok kupke tolon o agela uyo, kabo, ‘Waago o,’ agan-kalin ba o,” age Yesus iyo ilami okumop man imi baga-ema ko.

Matyu 7:8

Kale tinum dok ita mufekmufek sang umaak God imi dagala umdii, God iyo suun kup yan kebe yakyak keman-tema ko.

Luk imi tebe Yesus imi sang dola kosa uta ko 11:11

“Aalabal ibaa. Nimi weng koyo tolong dolin. Kanube kapmi man iyo daga-nala, ‘Aatum kabo aniing maak kopnelapta, unelan o,’ age dagala uyo, inap mafak uta kobelan-temap aga? Umbae. Aniing uta kobelan-temap ko.

Luk imi tebe Yesus imi sang dola kosa uta ko 11:9

“Ageli kale, nimi weng bogobe-nili, ‘Ibo bota kanumin o,’ agelan-temi bota kanumin ko. Ibo dogonupmin mufekmufek uyo duumatanbup kalaa agelip umdii, suun kup God iyo dagaga-bilipta, yagal kupka-emak o ageta kale mungkup, mufekmufek umaak utaman o age-nalap fenap uyo God yagal dong dogopmata, utamin o ageta kale, aa mungkup, faal dok dok kemin ulutap ke suun God iyo dagaga-bilipta, dong daga-e-balata o ageta ko.

Luk imi tebe Yesus imi sang dola kosa uta ko 18:1

Yesus iyo ilami okumop man iyo bogobelita, daal tebe-bom God imi beten kemin uyo kupkaa no kemin ba kale, beten uyo suun kup ke-bilipta, God iyo imi beten weng uyo yan kepmoma o age-nalata, tam do weng maak baga-ema ko.

Jems 4:3

Ale minte mufekmufek sang dagalip umdii, ibo aget dagal fugun-bom ilipmi mufekmufek sang uta kup dagaga-bilipta kale, kupka-em-nuubaala ko.