Luk imi tebe Yesus imi sang dola kosa uta ko 10:27 - Telefol

²⁷ ulo utamsa tinum iyo bogola, “God imi weng uyo bogo-nulu e, ‘Kabo ki atuk atuk kemin ba kale, kapmi aget aa bubul aa tiin aa titil aa uyo alugum kwaalap yak Bisel kapmi God imi diim abelu atin imi ilak kup duga-bom-nalapta o,’ age-nulu e minte, ‘Kabo kalapmi kaal umi ilak do tambaliim tiin mobap ulutap ke kapkumal kek kek imi ilak uyo do telelemal o,’ age no kesu o,” agela e,

Luk imi tebe Yesus imi sang dola kosa uta ko 10:27 Iomraidhean Croise

Matyu 19:19

kabo kapmi kogen kaalap imi weng uyo kwaasulemin ba kale, imi weng uyo tinangka-bom kuguup tambal uta kup kupka-emal o,’ age-nulu e minte, ‘Kalapmi kaal umi ilak do tambaliim tiin mobap ulutap ke kapkumal kek kek imi ilak uyo do telelemal o,’ age no kesu uta o,” agela e,

Luk imi tebe Yesus imi sang dola kosa uta ko 10:26

Yesus iyo bogobela, “God imi weng sugayok dola kosip uyo ibo tikim-nuubip kale, uyo, intaben o agesu o?” agela e,

Fol tebe Rom kutam imi suuk kon dola kobesa uta ko 13:9

Kale nugol utamsup kale, ulo uyo bogo-nulu, “Kabo tinum digin unang digin iyo sa dagamin ba. Kabo tinum iyo angkolap kaanamin ba. Kabo yuguut uyo unan-kalin ba. Kabo kapkumal imi mufekmufek uyo tinginemin ba o,” age no kesu kale, ulo kuso minte ulo migik migik kwiin tagang albu so alugum bomi magam miton uyo maagup kale, magam miton boyo bogo-nulu e, “Kabo kalapmi kaal umi ilak do tambaliim tiin mobap ulutap ke kapkumal kek kek imi ilak uyo do telelemal o,” agesu kale,

Galesia 5:13

Duubal ibaa. Dam kale, God iyo ibo olabelata, te tam Moses imi ulo waafunamin bomi ilep uyo kupkaa sok de imolin binim ilitap ke-silip kuta, ibo ilipmi aget uta fugun-bom-nilip e, “Nuyo nugol nulumi aget uta kup fugun-bom mufekmufek kemin tinum ke-sulup kale, kanube nuyo siin kuguup boyo kanubelum o agelup uyo kanube-numup o,” agan-kalin ba kale, ibo ipmi ipkumal imi aget uyo kobe-nilip e, ilami bon tem kup kiit fen-bom dong dogobina tala ke-bom-nilipta o ageta ko.

Hibru 8:10

Kale Bisel nita weng uyo maak so bogolan o ageta kale, son-temu nala am ko daanan-temu uyo mitam tuluta, niyo Israel unang tinum iso weng migik maak uyo de kolan-temi kale, weng bomi magam uyo kulbu kale, nimi alugum ulo umi sang uyo kwep yak imi aget tem uyo daabe kwegal dola kobe-nilita, nita imi God keli e minte, ita minte nimi unang tinum kepne no kelan-temip ko.

Jems 2:8

Numi Bisel God iyo imi suuk kon tem weng kwek uyo bogo-nala e, “Kabo kalapmi kaal umi ilak do tambaliim tiin mobap ulutap ke kapkumal kek kek imi ilak uyo do telelemal o,” age weng kwep daasa kale, ibo atin kanumip umdii, boyo kuguup tambal keman-temip kale minte,

1 Jon 3:18

Numi mulup tan ibe. Numi nugumal iyo aget kobelup ko age bisop weng uta kup baga-emin ba e minte, bon uta kup tagamin ba no kale, numi aget aa bubul aa uyo ki i-filin daa-nulupta, numi nugumal bilip iyo ki inal o age telele-bom dong daga-emum o ageta ko.