Kolosi 3:6 - Telefol

⁶ Kale tinum iyo God imi weng uyo kwaasule-bom kanupmin kuguup boyo waafula umdii, God iyo olsak kup kobe-nala e, bomi yan ke kaal fuyap kobelan-tema ko.

Kolosi 3:6 Iomraidhean Croise

Fol tebe Rom kutam imi suuk kon dola kobesa uta ko 1:18

Kale abiil tigiin kayaak God imi olsak tebemin kuguup kafalebela utamsup uyo kulbu kale, tinum iyo God imi kuguup uyo umik ugobe-nilip e, ilimi kuguup mafak mafak uta ke-bom-nilip e minte, fen tol weng uyo kupdaak tamagamip umdii, God iyo tebe bilip imi kuguup umi yan uyo kwaala malaak bilip imi diim abelu ogen abin so uyo utaman-nuubip kale,

Efesis 5:6

Kale unang tinum iyo God imi weng uyo kwaasule-bom yang fengmin sang ko bagan-bii boyo fengamip umdii, bomi kalan uta fen God iyo olsak tebepmuta, kaal fuyap uyo kupka-eman-tema kale, ibo tinum bisop bagamin imi weng uyo tinangkulip imdep yang kuguup mafak mafak tem uyo tilimin ba e minte,

1 Fita 1:14

Kale ibo mitam God imi man ke-silip kale imi, “Bota kanubelin o,” agan-be uta kup waafu-bom-nilipta o ageta kale, ipmi siin Yesus Krais imi weng tambal bomi utamin-tem bom-nilip fomtuup kuguup mafak mafak kemum o agan-bom waafu-bii-silip boyo ibo asok maak so yang kanumin ba kale,

2 Fita 2:14

Kale kafalemin tinum mafak bilip iyo, unang so fengmin uta kemum o agan-bom-nilipta, unang imi tiin tem uyo kek fenin kup ke-bom-nilip e, bilip imi aget fugunin uyo, fengmin aget uta kup atin ugaa kwaasip kale, dogobeta boyo kupka-nimip binim kale, bilip iyo tebe unang tinum mitam Krais imi ilak dosip kuta, atuk atuk kem-nuubip iyo imdep meng daalip iso feng-bom-nilip e, kafalemin tinum bilip iyo ipkumal unang tinum migik imi mufekmufek tinginemin uyo kanubeta kanumin kalaa agesip bomi kuguup uta atin fomtuup waafuu no kesip kale, God iyo bogo-nala kano, “Kanupmin tinum bilip iyo atin mafak kale, ifak daalan-temi o,” agesa ko.

Revelesen 22:15

Kuta minte niyo imkalita, tinum kuguup mafak waafu-bom ban dugamin so, tinum ok kikit ifol-bom timon daga-bom bil duga-bom no kemin so, sa dagamin unang tinum so, tinum aamin tinum so, tinum men amem so mufekmufek umi sinik telela kosip so umi deng uyo tebe-bom aman duga-emin so e minte, tinum suun weng bisop bagamin so bisop bagamin kuguup kanumin so iyo maak mitam nimi abiip uyo mitam tolon-temaalip kale, iyo tam sep kugol nan-temip ko.