Kolosi 2:5 - Telefol

⁵ Kale niyo ipso albaali kuta minte, nimi aget fugunin uta, ipso albi ulutap o agan-bii kale, nimi deng taban-bii uyo, niyo itamita, alugum mangkal ninggil ibo maak imi titil dep tala tala ke titil faga-bom-nilip e, Krais imi ilak uyo fomtuup duga-bom no ke-bilip kalaa age-nilita, deng kup taban-bii ko.

Kolosi 2:5 Iomraidhean Croise

Aposel 2:42

Kale Yesus imi ilak dolin iyo dital faga-bom-nilipta, Yesus imi kalaan tinum bilip imi weng uyo tinangka-bom-nilip e minte, negal kabelal maagup ke-nilip e, iman uyo dagaap unan-bom-nilip e, God imi aman duga-e-bom no ke-bii-silip ko.

Aposel 20:21

kafale-bom-nili e minte, Juda kasel so Grik kasel so ipmi maagup fomtuup bogobe-nili e, ‘Ibo fengmin uyo kupkaa aget fupkela ko-nilipta, God imi ilunom-nilipta, numi Kamogim Yesus imi ilak dolin o,’ age-nilita, baga-e-bom no ke-bii-sii ko.

1 Korin 14:40

Kale alugum ipmi kuguup boyo tambaliim kup ke-bom-nilipta, ipmi ulotu kemin kuguup boyo tambaliim kup waafuu kwep tebe-bom-bilipta o ageta ko.

1 Korin 15:58

Agelu kale, atin ki nimi duubal ibaa. Ipkil utamsip kale, ipmi Kamogim Yesus imi ogok kwiin kiim ke-bilip boyo tegep daak abelan-temaalu binim kale, ibo bamban keng keng kemin ba kale, titil fagaa mo-bom-nilipta, suun kup ipmi Kamogim Yesus imi ogok uyo dital fagaa waafu-bom-bilipta o ageta ko.

1 Korin 16:13

Kale ibo tele utama-bom-nilipta, Yesus imi ilak dugamin boyo dital fagaa waafu-bom-nilip finanin ba kale, titil fagaa mo-bom-nilipta o ageta kale,

Kolosi 2:1

Kale ipkil utamin. Niyo ki ipso abiip Laodisia kasel so alugum nimi tibit kun utamamin binim so ibo bong kup faga-bom dong daga-em tebesi ko.

1 Tesalonaika 2:17

Nugumal ibaa. God imi waasi ita tebe nuyo fot tebelipta, ibo imkaa ti-sulup kale, kulota kwep tal kaa diibelup koyo, nuyo ibo imkaa amalap tebe man imkaa tal simanim e tilin tap ke-sulup kale, nuyo aget iluum tebebebu ko. Kale bole dam nuyo simanim kal na na kebup kuta, nuyo ipmi aget uyo suun kup fugun-bom-nulup e, i-filin-bom no ke-bom-nulupta, bong faga-bom dogonubeta no itamum o agan-bomup kuta minte, dogonubeta no tolomup binim kale minte,

Hibru 3:14

kamaki kutop uyo nuyo Krais imi ilak uyo dosup kale, imi ilak dosup bomi aget uyo fomtuup kobe-nulupta, tam tam abe-bulupta unanbu top numi kaanan-temup kwek diliit kemum o ageta kale, kanube bom kanumup umdii, nuyo Krais ilami fen unang tinum ke-nulupta, boyo kanuman-temup ko.

Hibru 6:19

Kale God imi tebe mufekmufek sang maak bogobe-nala, “Fen-bilipta o,” age-se boyo numi tiinemin tonamin umi dong dogopmu titil fagagamin umdii kulbu ko. Kale minte numi tinum fen tebesup iyo Yesus ita kale, Yesus beyo tinum amem miton ko age hetpris ita kup ilim kaal afaligen kup-diisip umi magaang tem ku-tele tam God imi abiin amem unan-nuuba ulutap ke-nalata, tam God imi tibit kun diim tam un-se ko.

1 Fita 5:9

Kale alugum ipmi duup Kristen unang tinum imi kafin kaa kutufosu komi albip iyo ipmi kaal fuyap kugan-bilip ulutap ke-bilip boyo ibo utamsip kale, ibo atin God imi ilak uyo do-nilipta, titil fagaa Saatan iyo fot tebelip yak iine-balata o ageta ko.