Jon imi tebe Yesus imi sang dola kosa uta ko 9:28 - Telefol

²⁸ tele baga-e-bom-nilip e, “Umbae. Kabo kanupmin bemi okumop man kale minte, nuta Moses imi okumop man kuba.

Jon imi tebe Yesus imi sang dola kosa uta ko 9:28 Iomraidhean Croise

Matyu 27:39

Kale tinum mep so ko tiinan-bilip iyo Yesus iyo aban dii-e-bom titul weng baga-e-bom-nilip e,

Matyu 5:11

“Ibaa. Ibo nimi okumop man kale, unang tinum dogap ita niyo nitafinonip umdii, bilip ita tebe ibo weng mafak uyo kupka-e-bom-nilip e, kuguup mafak mafak uyo kupka-e-bom-nilip e, bisop weng uyo kupka-e-bom ipmi win uyo kufak daga-e-bom no kem-nuubip kuta, ibo deng tebeman-temip ko.

Jon imi tebe Yesus imi sang dola kosa uta ko 7:19

Kale sugamiyok uyo Moses iyo ulo ko age weng kwep daasa kuta, alugum ibo ulo boyo tele waafusaalip binim ko. Kale ibo, intaben o ageta nangkolum o agan-bilip o?” agela e,

Jon imi tebe Yesus imi sang dola kosa uta ko 9:34

Falosi isiik bogobelip, “Kabo fengmin man aligaap kale, kabo, numi kafaleman o age-nalapta aga o?” age-nilip e, ulotu am kutam kal fot tebelipta, tam iina ko.

Fol tebe Rom kutam imi suuk kon dola kobesa uta ko 2:17

Kale Juda kayaak kapde a? Kabo baga-e-bom-nalap, “Niyo Juda kayaak o,” age-nalap e, “Niyo Moses imi ulo uyo waafu-nilita, tambaliim nuubi kale, niyo God imi tinum o,” age-nalap e,

1 Korin 4:12

nugol bong faga-bom mani uyo kulep mek to iman uyo saan-bom unan-bulup e, kek kek iyo nuyo weng mafak mafak uyo kupka-e-bom no ke-bilip kuta, nuta yan kebe weng tambal kup kupka-e-bom-nulup e, kuguup mafak mafak kupka-emip uyo imkalup kanu-e-bilip e minte,

1 Korin 6:10

minte tinum yuguut unin min, ipkumal imi mufekmufek umi mok une-bom daga-emin min, ok mafak unan-bii ilum ilum kemin min, ipkumal weng mafak baga-emin min, ipkumal imi mufekmufek kalan kegal aa-bom daga-e-bom kemin tinum bilip iyo tam God imi abiip uyo unon-temaalip binim kuba.

1 Fita 2:23

Kale iyo tebe weng mafak uyo kupka-emsip kuta, yagal maak tebe-nalata, imi weng mafak kupka-e-bilip boyo, maak yan kebesaala binim e minte, iyo kaal fuyap ogen uyo umtal daa-se boyo, isiik tinum bilip iyo finanin weng umaak kobe-nalata, tinum tebe kaal fuyap kupkane-bilip bomi yan uyo maak kelan o agesaala binim, kale utamata, God beyo tele utama-bom weng telelmin tinum kalaa age-nalata, boyo kwaala yak God imi sagaal diim abe-suu ko.