Jon imi tebe Yesus imi sang dola kosa uta ko 8:20 - Telefol

²⁰ Kale Yesus imi weng ko baga-e-be boyo ulotu am miton umi mani tet abumin am kutam kal weng kem baga-e-be ko. Kale bilip iyo, aafulum o agan-bilip kuta, Aalap God iyo utamata, nimi Man imi kaanan-tema am uyo daanin-tem albu kalaa age-nalata, fegelebela imola dupkalip ko.

Jon imi tebe Yesus imi sang dola kosa uta ko 8:20 Iomraidhean Croise

Matyu 26:55

Kota Yesus iyo tinum tal aafuu de duptamo unum o age tilip imi bogobe-nala e, “Niyo no ulotu am miton kugol ton-bom unang tinum iyo suun kup kafalem-nak-bii kale, ibo tii tal kugol naafuta de namo-nimip kale minte, intaben o age-nilipta, ibo kupkasipta, kamano kota ibo tinum ipkumal aa-bom mufekmufek daga-emin tinum imi aafuu de dupkabip kulutap ke-nilipta, benat so ulin so uyo kulep talta, de namolum o ageta tilip a?

Matyu 27:6

Kale tinum amem ko age pris imi kamogimal iyo utamipta e, tuumon uyo segela kulula daak abiin abelu kalaa age-nilip e, daak tuumon uyo afeta-bii ko-nilip e, ninggil bogolip, “Nuyo tuumon koyo kulu-nulupta, tinum angkolip kaanan-tema imi kun mobup kale, boyo mani mafak ko. Sugayok uyo Moses imi ulo uyo bogo-nulu e, ‘Ibo tinum aamin umi kun ko age mani uyo kulu God iyo kobe kulep ulotu am miton uyo tomin ba o,’ agesu kale, mani koyo kulu intap nulan-temup o?” age

Mak imi tebe Yesus imi sang dola kosa uta ko 12:41

Kale Yesus iyo ulotu am miton kutam kal yang God imi mani kulep tal abumin umi tet mep so kugol ton-bom-nala e, unang tinum imi kuguup uyo uta-bom-balata, mani uyo kulep tal tet tem abumip kale, mufekmufek soyaap kwiin tagang iyo mani afalik uyo kulep tal to-bilipta,

Mak imi tebe Yesus imi sang dola kosa uta ko 12:43

Kale Yesus iyo ilami okumop man iyo olabela tal tamip e, bogobe-nala e, “Ibo unang kaluun boyo utamip a? Unang tinum migik bilip iyo mufekmufek kwiin tagang so kale, ilimi tuumon atuk katip ita kup dulep tal God imi kuga-e-bilip kale minte, unang kaluun bota mufekmufek binim minte, umi tuumon katip iman saan-bom unan-kalin ita kale, ko alugum ditang age dulep tal God imi dobelu kale, niyo dam weng bogobelan-temi kale, ibo tinangku-silipta. God imi tiin diim uyo unang kaluun mufekmufek binim bomi kuguup uyo uta uta keluta minte, unang tinum migik imi kuguup uta kubaganu o,” age Yesus iyo ilami okumop man bogobela ko.

Luk imi tebe Yesus imi sang dola kosa uta ko 20:19

Ulo utamsip tinum isino e minte tinum amem ko age pris imi kamogimal so iyo utamipta e, Yesus iyo ilimi sang uta felep yak ku to do weng kup baga-e-be kalaa age-nilip e, kota yuut dubak kobe-bom aafuu sok de dolum o agelip kuta, unang tinum Yesus ilami weng tinangkan-bilip imi atul uta finano-nilipta, sok de dolin-tem dupkalip ko.

Luk imi tebe Yesus imi sang dola kosa uta ko 21:1

Yesus iyo ulotu am miton kutam kal ton-bom-nala e, unang tinum, tuumon God imi kopmum o age-nilip kulep tal tet kiim tem abu-bilip uyo dagak diibe-bomta e, mufekmufek so kasel isiik tuumon uyo kulep tal tet tem abula abula ke-bilip kalaa agan-bomta,

Jon imi tebe Yesus imi sang dola kosa uta ko 10:39

Asok Juda kasel imi kamogimal iyo, Yesus iyo aafuta sok de dolum o agan-kalip kuta, imkaa tambaliim daagina ko.

Jon imi tebe Yesus imi sang dola kosa uta ko 2:4

Yesus iyo bogobela, “Nimi ogok waafuu ke-bom-bili unang tinum nitaman-temip umi am uyo daanin-tem albu kale, kubo bogopneta, ‘Kabo kemal o,’ agan-kalin ba o,” agela e bole,

Jon imi tebe Yesus imi sang dola kosa uta ko 7:14

Kale ifin am daanbu uyo biniman tal-buluta, Yesus iyo tam ulotu am miton tam-nalata, unang tinum kafalema ko.

Jon imi tebe Yesus imi sang dola kosa uta ko 7:30

Kam agelata, sagaal togobe aafulum o agelip kuta, imi kaanan-tema umi am uyo daanin-tem albu kale, God ita fegelebelata, tinum iyo maak sagaal togopmomip binim kelip ko.

Jon imi tebe Yesus imi sang dola kosa uta ko 7:44

Tinum iip maak maak iyo, Yesus iyo aafulum o agan-bilip kuta, tinum iyo maak Yesus iyo aafu-nimip binim kelip ko.

Jon imi tebe Yesus imi sang dola kosa uta ko 7:8

Kale kamano koyo ipkil ifin am uyo utaman Jerusalam unin a. Kale minte nimi am uyo daanin-tem albu kale, kamano koyo nita ifin am koyo no utaman-temaali o,” age-nala e,

Jon imi tebe Yesus imi sang dola kosa uta ko 8:2

Seta, kutim mililep kota Yesus iyo asok ulotu am miton una e, unang tinum kwiin tagang iyo tal fufala dolip e, daak ton-nala e, weng kem baga-e-bom kafale-balata,

Jon imi tebe Yesus imi sang dola kosa uta ko 8:59

Agela e bole, daak tuum ku-nilip e, angkolum o agan-kalip e, God iyo tebe Yesus iyo uksulata, atamin-tem kelipta, ulotu am miton uyo kupkaa tam iina ko.