Jon imi tebe Yesus imi sang dola kosa uta ko 7:42 - Telefol

⁴² God imi suuk kon tem weng uyo bogo-nulu e, ‘God imi tinum ulaa dula kamok ke tolon-tema iyo Devit imi man ilop o,’ age-nulu e minte, ‘Devit imi abiip miton Betleam kugol dolan-temu o,’ age no kesu o,” agelip no ko.

Jon imi tebe Yesus imi sang dola kosa uta ko 7:42 Iomraidhean Croise

Matyu 1:1

Yesus Krais imi olal imi win uyo kalbu ko. Yesus beyo King Devit imi man ilop, minte Devit iyo Abraham imi man ilop no ko.

Matyu 2:5

bogobe-nilip e, “Provins Yuudiya komi abiip katip maak Betleam kugol dolan-temu kale, sugayok uyo God imi profet ko age weng kem baga-emin tinum maak isiik tebe bemi sang uyo dola ko bogobe-nala e,

Matyu 2:6

‘Betleam kasel ibaa. Ibo kafin Yuudiya kugol albip kale, son-temu uyo, ipmi tinum maak ita mitam kamok ke-nalata, nimi unang tinum Israel kasel bilip iyo alugum tiin molan-tema kale, kelata, Betleam kasel ipta win tibin ke-nilipta, Yuudiya kasel migik iyo kubaganip imkalan-temip o,’ age-nalata, dola ko-se o,” agelip ko.

Luk imi tebe Yesus imi sang dola kosa uta ko 2:11

am daanbu kota, mep yang King Devit imi abiip kugol unang maak uyo man dolu kale, man beyo ipmi telela imkamin tinum e minte God imi ulaa dula kamok kesa tinum e minte Kamogim no ko.

Luk imi tebe Yesus imi sang dola kosa uta ko 2:4

Kale Josep iyo King Devit imi man ilop kale, Provins Galili umi abiip maak Nasaret kugol nuuba uyo kupkaa daage no ilami abiip miton ko age imi afalik Devit imi abiip una kale, abiip boyo Betleam o agan-nuubip kale, Provins Yuudiya kugol albu ko.

Jon imi tebe Yesus imi sang dola kosa uta ko 7:27

Umbae. Nuyo utamupta, beyo ku-tele talba kalaa agebup kale minte, God imi ulaa dula kamok kesa tinum imi tolon-tema uyo, utamta, ku-tele talba kalaa agon-temaalup o,” agelip ko.