Jon imi tebe Yesus imi sang dola kosa uta ko 3:31 - Telefol

³¹ Abiil tigiin ilo malaak ti-se beyo alugum iyo kubaganipta, win tibin ke ita ita kesa kale, nule kafin diim tinum kale, kafin diim komi mufekmufek uta kup utamsup kale, bomi sang uta kup bagan-nuubup ko. Abiil tigiin ilo ti-se beyo alugum iyo imkan ke ita ita kesa kale,

Jon imi tebe Yesus imi sang dola kosa uta ko 3:31 Iomraidhean Croise

Matyu 28:18

Yesus iyo tal imi mep so tolom-nala e, bogobela, “Nugumal ibaa. God iyo ulaa nimdu-nala ilami titil uyo alugum kopnelata, kafin diim sino abiil tigiin sino umi mufekmufek uyo alugum tiin molan o angbi kale,

Jon imi tebe Yesus imi sang dola kosa uta ko 1:15

Jon iyo unang tinum imi ole-bom baga-e-bom-nala e, “Tinum bemi sang uyo niyo siin uyo bogobe-nili, ‘Nisiik tilita, tinum maak aaltam mitam unang tinum imi diim kemanan-tema beyo sugayok uyo niyo namolin-tem bom-bilip uyo, beyo nuubata kale, beyo win tibin e minte Kamogim no kuta minte, niyo ilatap ba kale, niyo bisop tinum o,’ age-sii iyo beta o,” age-se ko.

Jon imi tebe Yesus imi sang dola kosa uta ko 1:27

siin uyo bogobe-nili, ‘Nisiik tilita, tinum maak aaltam mitam unang tinum imi diim kemanan-tema o,’ age-sii iyo beta kale, beyo kamok miton kale, ita ita ke niyo kubagani nimkasa kalaa age-nilita, fitom tebepnebu kale, niyo fen tinum kale, niyo bagang-kale yang bemi miit tem uyo yang-nilita, imi yaan ilom sok uyo tiila kopmomi binim o,” agela ko.

Jon imi tebe Yesus imi sang dola kosa uta ko 1:30

Niyo bemi sang uyo bogobe-nili e, ‘Nisiik tilita, tinum maak aaltam mitam unang tinum imi diim kemanan-tema beyo sugayok uyo niyo namolin-tem bom-bilip uyo, beyo nuubata kale, beyo win tibin e minte Kamogim no kuta minte, niyo ilatap ba kale, niyo bisop tinum o,’ age-maansi kale,

Jon imi tebe Yesus imi sang dola kosa uta ko 3:30

Bemi win uyo mitam senganu e minte, nimi win uta daak afak tem unu no kelan-temu uyo tambaliim o,” age-nala e; Jon iyo bogobela ko.

Jon imi tebe Yesus imi sang dola kosa uta ko 6:33

fen suun nin umi iman God imi kobe-se uyo ki, God ita kwaala abiil tigiin ilo tal-nuluta, kafin diim kasel unang tinum iyo telela imolu mitam suun nin unang tinum kem-nuubip o,” agela e,

Jon imi tebe Yesus imi sang dola kosa uta ko 6:51

Kale niyo nagal abiil tigiin umi suun nin umi iman kale, abiil tigiin uyo kupkaa ti-sii kale, tinum iyo waantap ita suun nin umi iman bo unelip umdii, bilip iyo suun kup nan-temip ko. Suun nin umi iman ko kobelan-temi uyo ki nimi at diim kaan-nili nimi dam ilo kolan-temu uta kale, kobelan-temi boyo kafin diim kasel ipmi ilim bobelita, suun nin unang tinum kelan-temip o,” age kam agela ko.

Jon imi tebe Yesus imi sang dola kosa uta ko 8:23

Yesus isiik bogobe-nala e, “Ibo kafin diim tinum kale minte, niyo kafin diim tinum ba e minte, ibo tiil tinum kale minte, nita isal tinum no ko.

Aposel 10:36

Ipkil utamsip kale, God iyo Israel kasel numi bogobe-nala e, ‘Yesus Krais beyo alugum unang tinum imi Kamogim maagup kale, unang tinum waantap ita Kamogim bemi ilak uyo dola umdii, Kamogim iyo tebe telela dolata, bemi aget tem uyo bilili age-nalata, tambal kup nan-tema o,’ age-nalata, God iyo weng tambal koyo kwaala ti-suu kale,

Fol tebe Rom kutam imi suuk kon dola kobesa uta ko 9:5

kamaki tinum miit kutop imi man ilop iyo kulbip kale, ilimi diim ku-tele God imi ulaa dula kamok kesa tinum Krais iyo mitam tinum ke-se kuta, kwiin tagang iyo Krais iyo dupkegemsip ko. Kale Krais iyo alugum mufekmufek umi dubom kesa kale, beyo atin God kale, imi tok uyo suun kup bagamin kup bom-bulupta o ageta ko.

Hibru 9:1

Kale God imi weng kamaki de kosa uyo ulotu kemin umi kuguup iip maak maak uyo Israel kasel imi, “Kanumin o,” age bogobelata bole, ulotu am uyo kafin kugol kanu-bom-nilipta, dinan-bii-silip kale,

1 Fita 3:22

Yesus Krais iyo no abiil tigiin no-nalata, God imi sagaal ipkuk diim ilo keng kal bom-balata, alugum ensel ko age atin igilimi titil migik migik kulin iyo imi afak tem iinipta, ita tebe-nalata, tiin mosa ko.

1 Jon 4:5

Tinum bisop bagamin bilip iyo kafin diim komi tinum kale, kafin diim komi mufekmufek sang uta kup baga-bilipta, kafin diim kasel God imi ilak dolin binim igil imi weng uta kup tolong dugan-nuubip ko.

Revelesen 19:16

Kale imi ilim diim so imi ung kun diim so uyo dola bogo-nilip e, “Keyo alugum kamogimal imi kamogim e minte, keyo tinum afalik afalik imi kamok miton no o,” age dola kosip ko.