Jon imi tebe Yesus imi sang dola kosa uta ko 18:24 - Telefol

²⁴ Kale siin uyo waasi dinan-kalin tinum iyo Yesus iyo sok de dep no daalip siit-kalata, kota Anas iyo bogobela duptamo tinum amem imi kamok miton ko age hetpris Kayafas imi finang unip ko.

Jon imi tebe Yesus imi sang dola kosa uta ko 18:24 Iomraidhean Croise

Matyu 26:57

Kale Kayafas iyo tinum amem imi kamok miton ko age hetpris kale, ulo utamsip tinum sino minte Juda kasel imi kamogimal so iyo tal bemi am kal afeta-bilip kale, tinum Yesus aafuu de dolip bilip iyo tebe dep no Kayafas imi diim ku daalip ko.

Luk imi tebe Yesus imi sang dola kosa uta ko 3:2

alol Anas sino ilami muuliim Kayafas sino umdim iyo Juda kasel imi tinum amem ko age pris imi kamogimal miton kelip no kale, kota Sekaraya imi man Jon iyo tinum binim iibaan kugol bom-balata, God iyo Jon ulaa du bogobe-nala e, “Nimi weng uyo kwep no unang tinum imi baga-emal o,” agela e,

Jon imi tebe Yesus imi sang dola kosa uta ko 18:15

Saimon Fita iso okumop man maak sino alop iyo Yesus imi daang begepmip kale, tinum amem imi kamok miton ko age hetpris iyo okumop man maak beyo atamsa kale, beyo Yesus so tam hetpris imi am daam tem una ko.