Jon imi tebe Yesus imi sang dola kosa uta ko 16:22 - Telefol

²² Kale kamano koyo ibo unang kumun so bomi aget iluum ulutap kulan-temip kale, siit ilugolin tap ke-nilita, tal ibo itamita, ipmi aget tem uyo deng afalik kup tebeman-temip kale, ipmi deng so ifup so boyo waanta fegelebelan-temaala binim ko.

Jon imi tebe Yesus imi sang dola kosa uta ko 16:22 Iomraidhean Croise

Matyu 28:8

unang alop iyo tinangku finan-bom-nilip e minte, deng tebe-bom no kem tolom-nilip e, tuum tem boyo kupkaa yuut daage no Jerusalam no-nilip e, okumop man iyo mufekmufek tambal bomi sang uyo baga-em unip ko.

Luk imi tebe Yesus imi sang dola kosa uta ko 10:42

kubo kuguup maaksinon maak umi aget uta kup ilumano kupkaa boyo duumatanapta, Maria uta utamuta e, kuguup ilumano kupkabap boyo nimi weng tinangkamin uta kalaa age-nuluta, bota nimi weng uyo tinangku kubaget dagan-bo kale, dok ita tebe God imi weng kubaget dagan-bo boyo kupkan kepman-temaala binim o,” age Yesus iyo bogobela ko.

Luk imi tebe Yesus imi sang dola kosa uta ko 16:25

Kale Abraham iyo bogobe-nala e, ‘Nimi man kabaa. Kabo aget fugunolal. Siin kapmi tiin kafan bom-nalap uyo, mufekmufek tambal kup kuga-balap e minte, Lasarus ita mufekmufek mafak uta kup kuga-bala no kem-nuubip kale, kota Lasarus iyo abiip tambal kagal ton-bom deng taban-be kale minte, kapta kaal fuyap afalik waafubap kuba.

Luk imi tebe Yesus imi sang dola kosa uta ko 19:26

king iyo imi weng yan kebe-nala e, ‘Weng maak bogobelan-temi kale, tinangku-silipta. Tinum waantap ita ogok tambal ke-bom-nala e, imi kamok imi weng tinangka-bom no kema umdii, bemi kamok iyo tebe ogok uyo maak so kobelata, ogok kwiin kiim uyo ke-bom-nala e minte, mani kwiin tagang uyo kwaa-bom no keman-tema kale minte, tinum waantap ita ogok uyo mafak ke-bom-nala e, imi kamok imi weng uyo kwaasule-bom no kema umdii, bemi kamok iyo tebe fot tebelata, ogok umi tisol uyo maak so kwaaman-temaala o,’ agan tolom-nalata minte,

Luk imi tebe Yesus imi sang dola kosa uta ko 24:41

ninggil iyo atin ugaa kwaa deng kup taban-bilip kuta minte, imi aget fugunin maak uyo, “Bota fen bele, bisop deng umaak tebe-numup bele o?” agan-bilip kalaa age-nalata, Yesus iyo bogobela, “Ibo koyo iman umaak albu aga o?” agela e,

Jon imi tebe Yesus imi sang dola kosa uta ko 14:1

Kale Yesus iyo ilami okumop man imi bogobe-nala e, “Ibo aget mafak mafak kemin ba kale, utamipta, God ilami weng bogo-nala, ‘Bota kanubelan-temi o,’ agesa boyo fen kanubelan-tema kalaa age-nilip e minte, mungkup nimi weng bogobe-nili, ‘Bota kanubelan-temi o,’ age-sii boyo fen kanubelan-tema kalaa nage no ke-bom-nilipta, waafulin kup ke-bilipta o ageta ko.

Jon imi tebe Yesus imi sang dola kosa uta ko 14:19

Kale siitap ilugolan-temu uyo, kafin diim komi unang tinum iyo maak so nitaman-temaalip kuta, ipde asok nitaman-temip ko. Niyo asok fen tigi mo nan-temi utamta, ipkil mungkup tigi mo nan-temip ko.

Jon imi tebe Yesus imi sang dola kosa uta ko 14:27

“Kale imkaa unon-temi kale, ninggil ibo bilili age-bom tambaliim kup bom-bilipta o ageta kale, ibo kafin diim komi unang tinum bilip imi, bilili agelum o age-bom aget maak maak ke-bom finan-nuubip ulutap ba kale, ibo kuntuk mobelita, nimi aget tem bilili age-bom albi ulutap kemip ko. Kale ibo aget mafak mafak ke-bom finanin ba ko.

Jon imi tebe Yesus imi sang dola kosa uta ko 16:16

Yesus iyo bogobe-nala e, “Siit ilugolan-temu uyo, ibo niyo nitamin-tem ke-siit-nilipta, aaltam kota asok nitaman-temip o,” agela e,

Jon imi tebe Yesus imi sang dola kosa uta ko 16:20

Ibaa. Tuluun weng bogobelan-temi kale, nimi ipmi imkalan-temi uyo ninggil ipmi aget tem uyo iluum tebebe-bulu ame-bom ifin am nan-temip kuta minte, ipkumal kafin diim kasel ita deng tebeman-temip kuta minte, ipmi bubul tem uyo iluum tebepman-temu kuta, ipmi bubul tem iluum uyo fupkela ko tambaliim kelu ibo deng kup tebeman-temip ko.

Jon imi tebe Yesus imi sang dola kosa uta ko 16:6

nimi bam daa imo bogobeli bota, ipmi aget tem uyo aget fuyap tebebe iluum tebepmu ko.

Jon imi tebe Yesus imi sang dola kosa uta ko 21:7

Kale Yesus imi bubul iyo Fita imi bogobela, “Yak beyo Kamogim Yesus kuba,” agela e, Fita iyo kota imi ilim uyo kweng de-nala e, fuut daak ok tem abe unata minte,

Jon imi tebe Yesus imi sang dola kosa uta ko 4:14

tinum iyo dok ita nimi suun nin umi ok kopmi unelan-tema uyo, asok ok tep uyo tebepman-temaalu binim kale, nimi suun nin umi ok kopman-temi boyo tuum tem ok ulutap kale, tinum bemi aget tem ku-tele suun kup fakam daga-buluta, un-bomta suun kup nan-tema o,” agela e,

Aposel 13:52

Kuta Antiok kasel Yesus imi ilak dolin bilip iyo deng kup tebe-bilip e, God imi Sinik Tambal iyo imi diim uyo bom dong daga-ema ko.

Aposel 16:25

Kale am tiip tiip faa-buluta, Fol so Sailas so alop iyo God imi aman duga-e-bom-nilip e minte, aseng uyo kwaa-e-bom no ke-bilipta, kalabus kutam iyo tinangka-bom bom-silipta,

Aposel 2:46

Kale bilip iyo aget maagup kale, alugum am daanamsu uyo, no ulotu am miton katam kal tala tala ke ulotu ke-bom-nilip e minte, tala tala ke ilimi am kal iman uyo dagaap unan-bom-nilip e, tagaal tebe-bom mangkal ninggil iman uyo un-bom deng tebe-bom-nilip e,

Aposel 5:41

am uyo kupkaa tam abiip unip kale, ninggil iyo fitom binim kale, aget fugun-bom-nilip e, “Suguul ke God iyo nuyo itamata, bilip iyo tii Yesus imi win uyo kufu-bom kamok kamok imi bogobelan-temip kalaa age-nalata, dong dogobelata, kanubelup o,” age-nilipta, deng taban-bom-nilip e minte, “Bilip imi kuguup mafak numi kobe-nilip numi win kufak daabelip boyo katip o,” agan-bom no kem unsip ko.

2 Korin 6:10

Kale ninggil nuyo atin aget iluum uyo kugan-bulup kuta, nuyo boyo utabala suun God imi deng kup taban-bom-nulup e, bulup man kelup kuta, nuyo God imi mufekmufek tambal tambal uyo unang tinum kwiin tagang iyo kuga-e-bom-nulup e minte, nuyo kafin diim komi mufekmufek uyo binim kuta, nuyo God imi mufekmufek kwiin tagang uyo waafuu no kesup ko.

2 Tesalonaika 2:16

Ninggil nuyo utamupta e, numi Kamogim Yesus Krais beyo alugum numi aget kobe-nala e minte, kuguup tambal uyo kobe no ke-se kalaa age-nulup e, boyo utamupta, yagal titil kobe dong dogobelata, titil fagaa mo-nulupta, mufekmufek tambal telela kobesa uyo fenin kup kem-sulupta, kobelan-tema kalaa age-nulupta, ninggil nuyo Kamogim Yesus Krais sino Aatum God sino ulim iyo dagaga-bulupta bole,

Hibru 10:34

ibo utamipta, ipmi ipkumal Kristen iyo sok de imolip albip kalaa age i-filin-bom-nilip e minte, ibo yak kwek iinip iso kaal fuyap uyo kuga-bom no kemsip kale, iip maak uyo kek kek iyo tebe ipmi mufekmufek dugubelip uyo, deng tebe-bom tiin itam im-kaga-bom no kemsip kale, boyo kanube ipkil utamipta, God imi weng tambal kup, “Bo kanubelan-temi o,” age kwep daa-se boyo mufekmufek dugubelip boyo kubaganuta, uta uta ke-nuluta, ipmi diim kal bomta suun kup nu kalaa age utam-silip atamta, kuguup boyo kanumsip ko.

Hibru 6:18

Kale minte God imi weng alop boyo fupkela kup-kiit mo kup-kalaak mo kelan-temaalu kale minte, God iyo dogobeta ise weng alop boyo maak ilo kolan-temaala kale, nuyo utamupta e, God imi, “Kapmi man ilop o,” age-se boyo Israel kasel so Kristen unang tinum so alugum numi sang uyo bogobe-se kalaa age-nulupta, bilii meng God imi miit tem iinom waalanupta, weng alop bota tebe numi aget tem uyo kuntuk mobe-suu kale, nuyo God imi weng kwep daa-nala, “Numi dong dogobelan-temi o,” age-se bomi deng uyo tebe-bom-nulupta, ise boyo kwep aget tem daa bom-nulupta, fen-sulupta o ageta ko.

1 Fita 1:8

Yesus Krais iyo ilipmi tiin fala atamsaalip binim kuta, ibo ipmi bubul aget uyo imi kobe-silip kale minte, kamano koyo ibo atamin-tem kuta, ibo imi ilak uyo dugan-bilip kale, ipmi Yesus Krais imi ilak fomtuup dolip God imi telela imo-se boyo ibo atin deng kup taban-bilip kale, kanupmin deng tebemin boyo kwiin kiim kale, dogonubeta ibo tebe tol dupkop daalipta, kemanan-temaalu binim ko.