Jon imi tebe Yesus imi sang dola kosa uta ko 14:6 - Telefol

⁶ Yesus iyo bogobe-nala e, “Nagal ipmi God siinemin ilep uyo kalbi e minte, nagal tuluun weng bagamin umi magam kayaak iyo kalbi e minte, nagal tiin kafan umi magam kayaak iyo kalbi no kale, tinum iyo dok ita ilep migik ilep te nimi Aatum siinon-temaala kale, maagup nita kup kwa.

Jon imi tebe Yesus imi sang dola kosa uta ko 14:6 Iomraidhean Croise

Matyu 11:27

Kale beten ke-e-be uyo binimanu e, umi atuk kem uyo Yesus iyo unang tinum tagang tem kugol bom-nala e, bogola, “Nimi Aatum iyo mufekmufek uyo alugum kwaap-nama mek nimi sagaal diim abe-suu kale, niyo ilami man aligaap kuta, unang tinum iyo maak nitamta, beyo God ilami Man aligaap kalaa agesaalip kale, nimi Aatum ita kup nitamsa kale, ulutap kale, unang tinum iyo maak nimi Aatum iyo atamta, dogonupmin tinum kalaa agesaalip kale, ilami Man nita kup atamsi kale, unang tinum nagal ulu-nili nimi Aatum imi sang uyo kafalemi umdii, bilip ita Aatum iyo atam no kelan-temip ko.

Jon imi tebe Yesus imi sang dola kosa uta ko 1:14

God imi Weng ko age Krais iyo malaak keman kafin diim abe-nalata, nuso bom-balata, nuyo atamupta e, beyo bet bubul kup kolin tinum e minte, fen tol kup tinum no kalaa age-nulup e minte, beyo yogon dong ilatap ke-bom kuguup tambal waafusa kalaa age-nulupta, atamupta e, beyo Aalap God imi man yaan maak kale, Aalap imi kuguup tambal uta nuyo kafale-bom kanum-nuuba kalaa age-sulup no ko.

Jon imi tebe Yesus imi sang dola kosa uta ko 1:17

Kale sugayok uyo God iyo Moses imi ulo kobelata, ita kwep no unang tinum kafalebela bii-silip kale, top am ko daan-suu kota, God iyo itamata e, tele waafulin binim kelip kalaa age-nalata, Yesus Krais iyo daala tal dong daga-e-bom kuntuk saane-bom ilami kuguup tambal so bet bubul so tol kup tebesu kuguup so uyo nuyo kafalebelata, waafu-sulup ko.

Jon imi tebe Yesus imi sang dola kosa uta ko 1:4

God imi Weng ita suun nin miit kayaak e minte, ita dong miit kayaak no kale, imi dong boyo kafin diim kasel imi aget tem uyo kefobe bam daa imoluta, utamipta e, God iyo kanupmin kalaa age-silip ko.

Jon imi tebe Yesus imi sang dola kosa uta ko 10:28

Kale niyo dong dogobelita, suun nin unang tinum ke-nilipta, albip kale, kaanan-temip uyo, maagalo ke kaanan-temaalip binim e minte, tinum iyo maak nimi diim kal tagaa imdep yak iinon-temaala no ko.

Jon imi tebe Yesus imi sang dola kosa uta ko 10:7

Kale Yesus iyo asok maak so unang tinum imi bogobe-nala e, “Niyo ibo tuluun weng bogobelan-temi kale, tinangku-silipta. Niyo sipsip imi daam fogolin umi amitem kale,

Jon imi tebe Yesus imi sang dola kosa uta ko 10:9

Niyo amitem kale, kanube waantap ita nimi finang tolon-temip iyo nagal dong dogobeli waalanan-temip kale, bilip iyo tam daam tem kugol kaal binim bom-nilipta, mitam abe tekek kon min uyo unan tam o mitam o keman-temip ko.

Jon imi tebe Yesus imi sang dola kosa uta ko 14:19

Kale siitap ilugolan-temu uyo, kafin diim komi unang tinum iyo maak so nitaman-temaalip kuta, ipde asok nitaman-temip ko. Niyo asok fen tigi mo nan-temi utamta, ipkil mungkup tigi mo nan-temip ko.

Jon imi tebe Yesus imi sang dola kosa uta ko 15:1

Kale Yesus iyo bogobe-nala e, “Nimi Aatum beyo sok ilang kayaak e minte, nita fen sok dum unan-kalin umi kun (e minte, ipta nimi tung) no kale,

Jon imi tebe Yesus imi sang dola kosa uta ko 18:37

Pailat iyo daga-nala e, “Kale kabo kamok king bele, king ba o?” agela e, Yesus isiik bogobe-nala e, “Kapkal bogopne-nalap, ‘Kabo king o,’ nagelap kuta, niyo aben namolu kafin diim kaa ti-sii koyo ki, tuluun weng uta kup baga-eman o age ti-sii kale, unang tinum tuluun weng fen-bilip iyo nimi weng tinangku-nilipta, utamipta e, bemi weng uyo aafen kalaa agan-bilip o,” age bogobela kale,

Jon imi tebe Yesus imi sang dola kosa uta ko 5:21

Kale kanube Aatum imi tinum kaanip ifola fen tigi mo asok kafan so kem-nuubip ulutap kale, imi Man nagal mungkup unang tinum iyo ulaa imdu-nilita, telela imolita, suun nin unang tinum kem-nuubip no ko.

Jon imi tebe Yesus imi sang dola kosa uta ko 6:33

fen suun nin umi iman God imi kobe-se uyo ki, God ita kwaala abiil tigiin ilo tal-nuluta, kafin diim kasel unang tinum iyo telela imolu mitam suun nin unang tinum kem-nuubip o,” agela e,

Jon imi tebe Yesus imi sang dola kosa uta ko 6:51

Kale niyo nagal abiil tigiin umi suun nin umi iman kale, abiil tigiin uyo kupkaa ti-sii kale, tinum iyo waantap ita suun nin umi iman bo unelip umdii, bilip iyo suun kup nan-temip ko. Suun nin umi iman ko kobelan-temi uyo ki nimi at diim kaan-nili nimi dam ilo kolan-temu uta kale, kobelan-temi boyo kafin diim kasel ipmi ilim bobelita, suun nin unang tinum kelan-temip o,” age kam agela ko.

Jon imi tebe Yesus imi sang dola kosa uta ko 6:57

Nimi Aatum nimdala ti-sii beyo tiin kafan miit kayaak kale, niyo bemi om kun diim ilep suun kup nuubi kale, ulutap kale, niyo tiin kafan miit kayaak kale, tinum iyo nimdu unan-kala umdii, beyo nimi om kun diim ilep suun kup suun kup nan-tema ko.

Jon imi tebe Yesus imi sang dola kosa uta ko 6:68

Saimon Fita iyo Yesus imi weng yan kebe-nala e, “Kamogim kabaa. Kam agelap kuta, nuyo kamka-nulupta, waami finang unon-temup a? Tinum maagup kapta kup tiin kafan sang magam uyo dupkop daga-em-nuubap bole a.

Jon imi tebe Yesus imi sang dola kosa uta ko 8:32

ibo, nimi tuluun weng boyo atin fen kalaa agelan-temip bota, talaa imdalita, tambaliim nan-temip o,” agela e,

Jon imi tebe Yesus imi sang dola kosa uta ko 8:51

Kale niyo tuluun weng kaa bogobelan-temi kale, waantap ita nimi weng kafale-bii boyo tinangku waafulan-temip bilip iyo atin kaan binimanan-temaalip binim o,” agela ko.

Aposel 3:15

ibo fomtuup weng bogobelipta, tiin kafan miit kayaak ita angkolip kaanata bole, God tebe dufola fen tigi molata, alop nuyo atam-sulup ko.

Aposel 4:12

Kale Yesus maagup ita kup tebe-nalata, numi fengmin uyo kupkabelata, kaal fuyabok umaak kulan-temaalup binim, waalanan-temup kale, God iyo tinum migik iyo maak kafin diim kaa bom-nala nuyo dong dogopma waalanan-temup umi sang uyo numi bogobesaala o,” age Fita iyo kamok kamok bilip imi baga-ema ko.

Aposel 9:2

dagalata, yagal tebe Damaskus umi Juda kasel imi ulotu tiin molin tinum bilip imi suuk kon dola kobe bogobe-nala e, “Ibaa. Kanube unang aa tinum aa Yesus imi kuguup uyo waafu-bom-nilip kugol nuubip umdii, Sol beyo itam-nalata, sok de imo imtamo tal Jerusalam tolon o agoma bole, kulep toloma o,” age-nala e, hetpris iyo suuk kon uyo dola ko-nalata, Sol imi kobela ko.

Fol tebe Rom kutam imi suuk kon dola kobesa uta ko 15:16

Yesus Krais imi ogok ke-emin tinum kelita, bogopne-nala e, “Kabo tinum miit migik imi iip kalagal bom-nalapta, dong daga-emal o,” agelata, mitam God imi tinum amem kasel ilitap ke-nilita, God imi weng tambal uyo kupka-em-nuubi kale, nimi aget fugunin uyo, baga-e-bilita, tinum miit migik iyo meng tilipta, God imi Sinik Tambal iyo bogo-nala e, “Kalip iyo God imi aligaap o,” age-nalata, tinum dimduum dimduum kulep no God imi kupka-ebip ulutap ke bilip iyo imtamo no-nalata, God imi imka-e-bala felebelu kalaa age-nalata, God iyo imdugamak o age-nilita, kanum-nuubi ko.

Fol tebe Rom kutam imi suuk kon dola kobesa uta ko 5:2

Yesus imi ilak uyo do-sulup utamta, yagal imtamo no God imi mep so daalata, God yagal nuyo telele-balata, nuubup kale, bom-nulupta, utamupta e, God iyo imdep tam ilami abiip daalata, isino tambaliim tonan-temup kalaa age-nulupta, imi deng uyo tebe-bomta imi fen-bulup ko.

Fol tebe Rom kutam imi suuk kon dola kobesa uta ko 5:21

siin uyo fengmin bomi kuguup uta tebe-nuluta, kaanamin boyo kwep mitam daa-nuluta, bomi diim ilep unang tinum iyo fomtuup yaafulu tebesipta kale, kamano koyo God imi i-filinin kwiin kiim bota tebe-nuluta, atin nuyo telela imoluta, God iyo bogobe-nala e, “Ipmi fengmin umi yuum uyo binimanebeluta, tol kup unang tinum kelip o,” age-se kale, boyo dok umi tolop diim uta ba kale, God iyo numi Kamogim Yesus Krais imi kaan-se bomi tolop diim o age-nalata, nuyo telela imolata, kaanamin boyo uk kugan ko-nulupta, ko mitamta suun nin unang tinum ke-sulup ko.

1 Korin 15:45

aa mungkup, God imi suuk kon tem weng uyo bogo-nulu e, “Sugamiyok uyo God iyo tebe-nala kamaki umi tinum Adam beyo dam so mam so kobesa o,” agesu kuta minte, aaltam komi tinum Adam migik ko age Krais beta yagal sinik kale, bom-nalata, nuyo kafan so sinik boyo kupka-em-nuuba ko.

Efesis 2:18

Krais imi kaan-se bota tinum miit alop nuyo God imi Sinik maagup ita tebe dong daga-e-balata, tii Aatum God iyo aman duga-e-bon-temup ko.

Kolosi 2:17

Kale kanupmin ifin am tagan-nuubip boyo mufekmufek maak so mitam tolon-temu umi do weng ulutap kale minte, mufekmufek dam mitam ti-suu uyo Krais ita ko.

Kolosi 2:9

Kale Krais siin malaak kafin diim tal tinum ke-nala bii-se beyo fen God ita kale,

Kolosi 3:4

Kale ipmi kamaa unang tinum ke-silip bomi magam uyo Krais ita kale, son-temu nala imi mitam kemanan-tema kota, ipkil mungkup God imi titil diim ilep iso ipso kemanan-temip ko.

Hibru 7:25

Kale beyo suun kup nin tinum kale, bemi win tolop diim unang tinum tal God imi mep so e tilip iyo kamano kaso son-temu kuso uyo suun beyo tii ulaa imdep meng daa daa ke-bom-nalata, God imi aman duga-e-balata, unang tinum kulip iyo dong daga-e-boma ko.

Hibru 9:8

God imi Sinik Tambal iyo bomi magam uyo kafale-be kale, utamum. Siin tinum amem bilip imi kafin diim komi am amem umi ogok uyo ke-bilip binimanin-tem bom-bulu uyo, numi tam God imi tibit diim unemin umi ilep boyo atin kemanin-tem kesuta, Yesus iyo kaan-nalata, ilep boyo teebe-se ko.

1 Fita 1:21

Kale God iyo begel ilet tem ilo Krais iyo dufo win tibin kela dupkalata, Krais imi win tolop diim uta ibo God imi ilak uyo do-nilipta, tele utamipta, fen God iyo nuyo imtamo ilami abiip unon-tema kalaa age-nilipta, ibo God imi fen-bilip ko.

1 Fita 2:4

Kale Kamogim Yesus beyo tiin kafan nin umi miit kayaak kale, ibo meng imi miit tem tilipta o ageta kale, beyo am kun ulutap kale, God imi aget fugunin uyo, beyo atin tambaliim felebelu nimi ogok afalik uyo keman-tema kalaa age-nalata, ulaa du-se kuta, kafin diim tinum unang ita am dinan-kalin tinum imi tebe, am kun mafak dingiyong o age kup-kagabip ulutap ke atafinono-nilipta, “Beyo mafak o,” ageta umik ugobe-silip ko.

1 Fita 3:18

Yesus Krais yagal kuguup tambal uta waafu-bom-balata, angkolip kaal fuyap uyo ku-se kale, beyo tinum tambal utamta, tebe tinum mafak numi abiin uyo ku-nalata, kaan-se kale, beyo ilep maagup uta kup fagaa kaan-nalata, numi fengmin uyo takan kebe numi God imi waasi ke-emin umi kuguup boyo binimanu kupkabe-nalata bole, God imi finang uyo imtamo meng daa-se ko. Kale Krais iyo fen tinum kem bom-bala angkolip kaan-se kuta, imi sinik iyo kaanin-tem bii-se kale,

1 Jon 1:8

Kale kanube nuyo bogo-nulup, “Niyo fengmin binim o,” agelup umdii, boyo numi aget tem uyo bam daalin-tem ke-nulup e minte, God imi tol weng uyo tele utamsaalup uta kam agelan-temup ko.

1 Jon 2:23

Kale tinum iyo God imi Man imi weng uyo kwaasulema umdii, Aalap God imi weng kuso kwaasuleman-tema no kale, tinum iyo God imi Man imi ilak uyo dola umdii, Aalap imi ilak kuso dolan-tema no ko.

1 Jon 5:20

Nuyo utamsup kale, God imi Man iyo malaak tal-nalata, dong dogobe kafalebe bam daa imolata, kota utamupta e, aafen God be aafen kalaa age-nulupta, nuyo tuluun tinum God sino imi Man Yesus Krais so ulimal albup ko. Kale Yesus Krais yagal aafen God e minte numi suun nin unang tinum kemin umi magam iyo kulba no ko.

1 Jon 5:6

God imi Yesus Krais imi sang bogo-se uyo kulbu kale; Jon Baptis tebe Yesus ok sam ugobe-se uyo, ok bota tebe kafalebe-nulu e, “Keyo God imi Man o,” agelu be nala e, Yesus imi kaan-se ugol mungkup imi isak singkam daa-suu uyo kafalebe-nulu e, “Keyo God imi Man o,” age-suu no ko. Ok uta kup Yesus imi magam uyo kafalebesaalu kale ki, ok sino isak so alop uta Yesus imi magam uyo kafalebe-suu ko. Kale God imi Sinik iyo fen tuluun weng uyo baga-e-bom kafale-bom kemin tinum kale, yagal mungkup Yesus imi sang uyo tuluun baga-em-nuuba ko.

2 Jon 1:9

Unang tinum dok ita Krais imi weng uyo fomtuup waafulin binim ke kupkaa weng migik uta waafulip umdii, God iyo isino nan-temaala kale minte, unang tinum dok ita Krais imi weng tele waafulin kup nip umdii, Aalap God sino imi Man Yesus sino ulim iyo isino ulimal nan-temip ko.

Revelesen 19:11

Kale niyo utamita, abiil tigiin uyo tem kalo kolu e, hos namaal maak mitam tulu kalaa ageli kale, bomi daang kun diim tinum tonba bemi sang uyo bogo-nilip e, “Tinum beyo imi weng kwep daa, ‘Kanubelan-temi o,’ agela uyo uk kugan kolan-temaala binim kale, suun kanu-bom-nala e minte, fen tuluun weng uta kup baga-bom no ke-boma o,” agan-nuubip kale, kanube unang tinum imi im-kuguman-tema so waasi dinan-kalon-tema so uyo, bemi aget fugunin uyo, bilip iyo tol kuguup uta kup kanumin o age-nalata, suun kup im-kuguman-tema ko.

Revelesen 20:15

Kale God imi yega duga-eman-tema boyo, unang tinum waantap ita imi win uyo God imi suun nin unang tinum kelan-temip imi suuk kon tem kwek uyo albaalu kalaa agela umdii, bilip iyo alula kulala daak suun at kenamin umi tem iinon-temip ko.

Revelesen 22:1

Kale ensel iyo Jon nimi kafalepnelata, utamita, suun nin umi ok uyo iliip tem umi ok kale, God sino Sipsip Man Yesus sino ulim imi tonamin baan diim umi afak tem ku-tele fogo kulalu tam abiip ilep miton kutop-tele abe unu kale, ok bomi iibak tem uyo webaal kup sigin-bii kota fen kem am umi glas ulutap kale, unang tinum iyo waantap ita ok bo unan-kalon-temip iyo suun nan-temip e minte, yak ok milii so mek milii so ok magaang tem umi suun nin umi at mobu boyo dum abubu kale, umi abumin uyo abumin ulumi kup tuluun kal fagalu e, atol uyo dakan ke yakyak kemin kale, boyo maagup abulu e, kayop maagup ke yakyak kemin no kale, unang tinum waantap ita tal at dum bomi dagaa ku unelan-temip iyo suun nan-temip ko. Kale alugum kafin kaa kutufosu komi tinum miit maak maak iyo suun nin umi at bomi kon uyo marasin ulutap kalaa age-nilipta, unan-nuubip kale, uta dong daga-e-buluta, imi dam sino aget fugunin so uyo mafak binim, tambaliim kup nan-temip ko.

Revelesen 22:17

Kale God imi Sinik Tambal so, minte Yesus imi ilak dolin unang tinum miit maagup kelu ilami kalel kulin tap ke imdep ilami abiip unon-tema bilip iso bilip ita kale, bilip iyo Yesus imi bogobe-nilip e, “Kamogim kabaa. Yuut talaal o,” agan-bilip kale, mungkup ulutap alugum ibo waantap ita weng bo tolong dolip umdii, Yesus imi bogobe-nilip, “Kamogim kabaa. Yuut talaal o,” agelin o ageta ko. Kale alugum ibo waantap ita, ok tep tebebe del kalanganbu kalaa age suun nin umi ok bomaak unelum o agelip umdii, Yesus imi suun nin umi ok boyo molan-temaalip binim kale, yagal misiim kobelan-tema kale, tal ku-nilip unelin o ageta kale, bomi unelan-temip uyo suun kup nan-temip ko.

Revelesen 3:14

Kale Kamogim Yesus iyo asok bogopne-nala e, “Jon kabo nimi weng umaak nimi unang tinum abiip Laodisia kutam albip imi tiin molin ko age ensel imi dola kobe bogobe-nalap e, ‘Kamogim Yesus iyo bogopne-nala kano, “God imi weng kwep daasa uyo nita waafu-bom-bili tol mitam tele-bom e minte, God ilami bon tem weng uta kup tuluun baga-e-bom no kemin tinum iyo kalbi kale, niyo alugum mufekmufek boyo God ulim nugol telela kosup kale, nimi unang tinum ibo weng umaak bogobelan o agan-bii ko.

Revelesen 3:7

Kale Kamogim Yesus iyo asok bogopne-nala e, “Jon kabo nimi weng umaak nimi unang tinum abiip Filadelfia kutam albip imi tiin molin ko age ensel imi dola kobe bogobe-nalap e, ‘Kamogim Yesus iyo bogo-nala kano, “Niyo fen tinum tambal e minte, nimi, ‘Bo kanuman-temi o,’ ageli uyo suun kup kanu-bom no kem-nuubi kale, Devit imi sugayok kamok king ke-bom unang tinum tiin mo-bii-se ulutap kale, nagal mungkup king imi kii uyo waafuli albu kale, nimi abiip umi amitem faal bitan-nuubi uyo, tinum iyo maak tebe-nalata, asok ilom-nuubaala e minte, nimi abiip umi amitem faal ilom-nuubi uyo, tinum iyo maak tebe-nalata, asok bitan-nuubaala no kale, maagup nita kup ilo-bom bita-bom kem-nuubi ko. Kale nimi unang tinum ibo weng uyo maak so bogobelan o ageta kale, tinangku-silipta.