Jon imi tebe Yesus imi sang dola kosa uta ko 1:45 - Telefol

⁴⁵ Kale Filip iyo no Nataniel iyo atam-nala e, bogobe-nala e, “Nugum kabaa. Sugayok uyo Moses iyo tinum bemi sang uyo suuk kon tem uyo dola kosa e minte, God imi profet ko age weng kem baga-emin tinum igil bemi sang uyo bogosip no kale, tinum God imi daala tolon-tema imi sang bogosip iyo kota atamup kuba. Beyo Nasaret kayaak Josep imi man Yesus o,” agela e,

Jon imi tebe Yesus imi sang dola kosa uta ko 1:45 Iomraidhean Croise

Matyu 10:3

Filip yagal, Batolomyu yagal, Tomas yagal, minte Matyu nagal no kale, niyo takis mani kwaamin tinum (kale, suuk kon koyo dola-bii) ko. Minte Alfius man asegim Jems yagal, Tadius yagal,

Matyu 13:55

Beyo abiip katam umi at kom bagaa ku mufekmufek telelmin tinum imi man beta kale, imi ogen uyo Maria e minte, imi nagalal ninggil iyo Jems, Josep, Saimon, Judas no e minte,

Matyu 2:23

ulimal iyo daage no Provins Galili uyo no-nilipta, abiip maak Nasaret kugol bii-silip ko. Kale sugayok uyo weng kem baga-emin tinum bilip iyo God imi ulaa dula kamok kesa tinum imi sang uyo bogobe-nilip e, “Biilan-temu uyo, bemi win uyo Nasaret kayaak o agelan-temip o,” agesip kale, ko tol mitam ti-suu ko.

Matyu 21:11

unang tinum Yesus sino talan-bilip iyo ipkumal imi weng boyo yan kebe-nilip e, “Beyo God imi profet ko age weng kem baga-emin tinum Yesus kale, beyo Provins Galili umi abiip Nasaret bomi tinum o,” agelip ko.

Mak imi tebe Yesus imi sang dola kosa uta ko 14:67

Fita iyo at tufun-be kalaa age tal tele atam-nulu e, bogobe-nulu e, “Kapkal mungkup Nasaret kayaak Yesus so tiinan-nak-balap o,” agelu e,

Mak imi tebe Yesus imi sang dola kosa uta ko 6:3

Kale siin uyo tinum beyo abiip katam umi at kom bagaa ku mufekmufek telelmin tinum ke-bom-nalata, bii-se kale, beyo Maria umi man e minte, beyo Jems so Josis so Judas so Saimon so ninggil imi fik no kale minte, bemi nengal ita abiip kagal albip (kale, beyo win tibin tinum ba kale, beyo bisop abiip tinum kale, bemi weng uyo tinangkulaalup) o,” age-nilipta, umik ugobelip utam-nala e,

Luk imi tebe Yesus imi sang dola kosa uta ko 18:37

unang tinum iyo bogobelip ko. “Abiip Nasaret kayaak Yesus ita talan-be o,” agelip e,

Luk imi tebe Yesus imi sang dola kosa uta ko 2:4

Kale Josep iyo King Devit imi man ilop kale, Provins Galili umi abiip maak Nasaret kugol nuuba uyo kupkaa daage no ilami abiip miton ko age imi afalik Devit imi abiip una kale, abiip boyo Betleam o agan-nuubip kale, Provins Yuudiya kugol albu ko.

Luk imi tebe Yesus imi sang dola kosa uta ko 2:48

Kale ogen aalap igil atam kumang mo-nilip e, ogen uyo bogobelu ko. “Nimi man kabo, dogonubelan o age-nalapta, kogen kaalap nuyo imkaa talta kagal albap a? Kogen kaalap nuyo fen-biita, katamin-tem kelup kalaa age aget iluum tebebeluta, fen tebebup o,” agelu ko.

Luk imi tebe Yesus imi sang dola kosa uta ko 24:27

kam age-nalata, sugayok Moses imi weng so God imi profet ko age weng kem baga-emin tinum bilip imi weng sino minte weng maak God imi suuk kon tem albu so umi tem kwek umi Yesus ilami sang bogosu umi magam uyo dupkop daabela ko.

Luk imi tebe Yesus imi sang dola kosa uta ko 24:44

Kale Yesus iyo bogobe-nala e, “Siin uyo niyo ipso somta, niyo ibo bogobe-nili e, ‘Sugayok Moses imi weng ko age ulo sino God imi profet ko age weng kem baga-emin tinum imi weng sino God imi suuk kon tem aseng sino nimi sang uta bogosu kale, siin nimi sang dola-silip uyo alugum kanube mitam tolon-temu o,’ age-nilita, kaanin-tem som-nilita, bogobe-sii o,” age-nalata,

Luk imi tebe Yesus imi sang dola kosa uta ko 3:23

Yesus iyo bii atol ulumi kup 30 umaak ke-nalata, kota imi ogok kufo-nala e, ogok kemsa ko. Alugum unang tinum iyo, “Yesus iyo Josep ilami man ko,” agan-nuubip kuta, God ilami Man kale, Josep iyo Heli imi man e minte,

Luk imi tebe Yesus imi sang dola kosa uta ko 4:22

Tolong dolipta, weng tambal uyo mitam talan-bo kalaa age-nilip e, iyo kumang mo-nilip e, imi win uyo kufu-e-bom bogo-nilip e, “Ibaa. Beyo waami man ba kale, beyo Josep man kuta, beyo kanupmin weng tambal boyo dogap ku-tele kuta bagan-be o?” agan-kalip e,

Jon imi tebe Yesus imi sang dola kosa uta ko 1:44

Filip iyo Betsaida kayaak kale, abiip afalik boyo Andru so Fita so imi abiip uta ko.

Jon imi tebe Yesus imi sang dola kosa uta ko 12:21

Kale Grik tinum bilip iyo tal Provins Galili umi abiip Betsaida kayaak Filip imi daga-nilip e, “Kabaa. Ninggil nuyo, Yesus be atamum o agan-bulup o,” agelip ko.

Jon imi tebe Yesus imi sang dola kosa uta ko 14:8

Filip isiik bogobe-nala e, “Kamogim kabo numi Aatum iyo nuyo kafalebelap atam-nulupta, fen kalaa agelum o,” agela e,

Jon imi tebe Yesus imi sang dola kosa uta ko 18:5

iyo bogo-nilip e, “Nasaret kayaak Yesus imi fen talan-bulup kuba,” agelip e, Yesus iyo bogola, “Nita kuba,” agela e, kumang mo yang abe-bala daak abe-bala kelip ko. Kale Judas, dupkem daalan o agan-be iyo waasi dinan-kalin tinum iso tal mo-silipta ko.

Jon imi tebe Yesus imi sang dola kosa uta ko 18:7

Kale asok Yesus iyo daga-nala e, “Ibo waami fen-bilip o?” agela e, iyo bogobe-nilip e, “Nasaret kayaak Yesus imi fen talan-bulup kuba,” agelip e,

Jon imi tebe Yesus imi sang dola kosa uta ko 19:19

Kale Pailat iyo weng maak bogo-nala e, “Nasaret kayaak Yesus beyo Juda kasel imi kamok king o,” agelata, imi ogok kemin tinum iyo at kom maak ku bomi diim kwegal dola kola kale, kwek uyo Juda kasel imi weng so Grik kasel imi weng so Rom kasel imi weng so asuno kano dola kola e, at kom uyo kwep iit Yesus imi at dup-diibip umi dubom diim kal kup-diilip kale, amdu katip boyo abiip miton mep so kugol kale, tinum kwiin tagang iyo tal tiki-bom utamamip kale,

Jon imi tebe Yesus imi sang dola kosa uta ko 21:2

Kale tinum ninggil imi win uyo ki Saimon Fita yagal, afaang man Tomas yagal, Provins Galili abiip Kana tinum Nataniel yagal, tinum Sebedi imi man tinum alop igil e minte, okumop man alop maak no kalip ita afeta-bom-nilipta,

Jon imi tebe Yesus imi sang dola kosa uta ko 6:42

weng yamyam kup baga-bom-nilip e, bogolip, “Tinum keyo Josep imi man Yesus kale, imi aalap so ogen so iyo itamsup kale, beyo kafin diim tinum nulutap kale, intaben o age-nalata, nuyo bisop bogobe-nala, ‘Niyo abiil tigiin ilo ti-sii o,’ agan-be o?” agelip e,

Jon imi tebe Yesus imi sang dola kosa uta ko 6:5

tiin umolata e, unang tinum kwiin tagang iyo nimi finang talan-bilip kalaa age-nala e, Filip imi bogobe-nala e, “Nuyo iman uyo dogap-tele mo kulep tal to siit-nulupta, unang tinum kwiin tagang kalip iyo alugum ifelupta, tii kelan-temip o?” age-nala e,

Jon imi tebe Yesus imi sang dola kosa uta ko 6:7

Kale Filip iyo Yesus imi weng uyo mobe-nala e, “Mani ulumi kup tu handret (200) boyo kulep no bret molan-temup kuta, boyo tii kelan-temaalu kale, alugum unang tinum bilip iyo iman katip uyo uneta tii kelan-temaalip o,” agela ko.

Aposel 10:38

God iyo tebe ilami Sinik Tambal iyo Nasaret kayaak Yesus imi dobe-nala e, minte, kuntuk mobe no ke daala tal-bom-nalata, God iyo iso bom-balata, abiip maak maak uyo tiine-bom-nalata, unang tinum iyo telela imka-bom-nala e minte, alugum Saatan tebe ifak dagan unsa iyo telela imka-bom no kem tiinan-bii-se ko.

Aposel 2:22

Age-nala e, Fita iyo weng maak bogobe-nala e, “Nugumal Israel tinum ibaa. Nimi weng koyo tinangku-silipta. Ipkil utamsip kale, Nasaret kayaak Yesus beyo ipmi iibak tem kal bom-balata, God iyo dong daga-e-balata, kuguup afaligen min kuguup ugulumi migik migik ko age mirakel uyo telelam-nuuba kale, God imi kanu-bii-se uyo ipmi kafale-bala utamipta e, God yagal daala ti-se kalaa age utam-silip uta kale,

Aposel 22:8

nisiik bogobe-nili e, ‘Kamogim kabo waanta o?’ ageli e, bogopne-nala e, ‘Niyo Nasaret kayaak Yesus nita kale, nimi unang tinum ita kuguup mafak kupka-em-nak-balap o,’ agela kale,

Aposel 26:9

“Kale mungkup siin uyo nimi aget fugunin uyo, ‘Niyo kuguup mafak kwiin tagang uyo Kristen unang tinum iyo kupka-e-bilita, bilip imi Nasaret kayaak Yesus imi ilak dugamin uyo kupkalip bemi win uyo binim keluk o,’ agan-bii-sii kale,

Aposel 3:6

Fita ita bogo-nala e, “Niyo tuumon bisel min kangkang min uyo binim kale, nimi albu uyo kopkelan-temi kale, Nasaret kayaak Yesus Krais imi win tolop diim uta kale, kabo fen mo tiinemal o,” age-nala e,