Jems 2:21 - Telefol

²¹ Kale ulutap kale, sugayok umi numi afalik Abraham imi kanubesa umi aget uyo fugunolum. Beyo, imi man Aisak dep tam angko God imi dopman o age dep no at tuguung diim daala e, God iyo Abraham imi kuguup uyo utam-nala e, “Kabo mitam tol tinum kelap o,” agesa ko.

Jems 2:21 Iomraidhean Croise

Matyu 12:37

Kale God iyo ipmi weng tolong dolan-tema uyo, iip maak maak ipmi bogobe-nala e, ‘Ibo kuguup tambal kemsip o,’ age-nalata, imtamo no ilami abiip daa-nala e minte, iip maak maak ipta bogobe-nala e, ‘Ibo kuguup mafak kemsip o,’ age-nalata, imdala abiip mafak un no kelan-temip o,” age Yesus iyo Falosi imi baga-ema ko.

Matyu 3:9

Kale ibo nimi weng kaa bogobelan-temi koyo tinangku-silipta. Ibo, ‘Nuta Abraham imi man ilop o,’ age deng taban-bilip kuta, kanube God iyo, Abraham imi man ilop kemin boyo miton o agan-be nimnam, God beyo tii kale, daak tuum boyo kulu-nala telela imola mitam tinum ke-nilipta, igil mungkup Abraham imi man ilop kwiin tagang kelan agin kuta, God imi tiin diim uyo Abraham imi man ilop kemin boyo fen katip kalaa agesa ko. Kale ibo bogo-nilip, ‘Abraham beyo numi afalik kale, God iyo, bemi tolop o age-nalata, nuyo telela imola tambaliim nan-temup o,’ agan-kalin ba kale, ipkil God imi ilak uyo duga-bilipta o ageta ko.

Luk imi tebe Yesus imi sang dola kosa uta ko 1:73

ulutap kale, God iyo numi afalik Abraham so e minte ilami man ilop nuso nuyo fomtuup weng kwep daa bogobe-nala e,

Luk imi tebe Yesus imi sang dola kosa uta ko 16:24

Kale tinum siin mufekmufek soyaap ke-bom bii-se iyo olala ko. ‘Nimi afalik Abraham kabaa. Niyo at dong tem diin-bom-nili nimi kaal fuyap afaligen tebepnebu kale, ni-filin daa-nalap Lasarus beyo daalap malaak-nala ok katip ilu kwep tal nimi fong ken taban-bo koyo deelepnela disanuk o,’ agan-kala ko.

Luk imi tebe Yesus imi sang dola kosa uta ko 16:30

tinum siin mufekmufek soyaap ke-bom bii-se iyo bogola, ‘Umbae. Afalik Abraham kabo tinangku-salapta. Nimi nagalal bilip iyo God imi suuk kon tem weng uyo tinangku-nimip binim kuta, tinum kaansa ita begel ilet tem ilo tigi mo no God imi suuk kon tem weng bogopman-tema uta, bilip iyo aget fupkela ko kuguup mafak uyo kupkalan-temip o,’ agela e minte,

Jon imi tebe Yesus imi sang dola kosa uta ko 8:39

Kale Juda kasel isiik bogobe-nilip e, “Numi aalap iyo Abraham ita kup o,” agelip e, Yesus isiik bogo-nala e, “Umbae. Ibo fen Abraham imi man ilop nimnam, ibo imi kuguup tambal kemsa uta kup waafusip kuta,

Jon imi tebe Yesus imi sang dola kosa uta ko 8:53

Numi afalik Abraham iyo kaansa kale minte, kapmi aget fugunin uyo, Abraham iyo kubaganata, nita nita ke-sii o ageta kam agan-balap aga? Kale minte profet iyo kaansip no kale, kabo dogonupmin tinum kapta weng bo bagan-balap o?” agelip e,

Aposel 7:2

Stiven isiik bogo-nala e, “Aatumal so baabal so ibaa. Nimi weng umaak bogobelan o ageta kale, tinangku-silipta. Sugamiyok uyo numi afalik Abraham iyo no abiip Haran unin-tem ke kafin Mesopotemia kal bom-bala e, abiil tigiin kayaak God iyo tal tama Abraham iyo atama e,

Fol tebe Rom kutam imi suuk kon dola kobesa uta ko 3:20

bomi magam uyo ki, ulo boyo kafalebelu utamupta, nulumi fengmin uyo kulbu kalaa agan-nuubup uta kup kale, tinum iyo maak Moses imi ulo umi kuguup uyo waafula umdii, God iyo bemi kanu-be boyo utam-nalata, bogobe-nala e, “Nimi tiin diim uyo kapmi fengmin umi yuum uyo binimanepkeluta, tol kup tinum kelap o,” agelan-temaala binim ko.

Fol tebe Rom kutam imi suuk kon dola kobesa uta ko 4:1

Kale Juda kasel numi afalik Abraham imi sang uyo intaben o agelan-temup a? God iyo dok umi kuguup uta kobelata, Abraham beyo utam-se a?

Fol tebe Rom kutam imi suuk kon dola kobesa uta ko 4:12

Kale Abraham beyo tinum iip maak maak kaal ukan kebelip bogo-nilip, “Nuyo God imi man o,” agan-kalin tinum imi afalik no kale, bomi magam uyo, bilip imi kaal ukan ke-emin uta kup ba kale, sugamiyok Abraham imi kaal ugaa dupkan kebelin-tem kelip bom God imi ilak dugan-bii-se ulutap no kem-nuubip utamta ki, bilip iyo Abraham imi man ilop ilitap ko.

Fol tebe Rom kutam imi suuk kon dola kobesa uta ko 4:16

Kale God imi aget fugunin uyo, “Alugum Abraham ilami man ilop iyo telele-bili tuluun kup mitam nimi weng kwep daa-nili, ‘Kobelan-temi o,’ age-sii boyo misiim kulipta o,” age-nalata, God iyo utamata e, unang tinum iyo nimi ulo kwep daa-sii boyo waafulin binim kelan-temip bomi yan uyo kopman-temi kalaa age-se kuta, kuguup tambal uta kupka-eman o age-nalata, utamata, Abraham iyo nimi ilak uyo dola kalaa age-se kota, weng tambal boyo kwep daa Abraham imi bogobe-se kale, weng ko kwep daabe-se boyo tinum Juda kasel God imi ilak do Moses imi ulo waafulin ita kup ba kale, tinum asit kek kek te tam God imi ilak do Abraham imi kanube-se ulutap kelip iso imi weng kwep daabe-se ko. Kale tinum tebe ilami man ilop imi kuguup tambal kafaleba ulutap mungkup, Abraham beyo tinum imi God imi ilak dugamin kuguup uyo numi kafalebe-se kale,

Hibru 11:17

Kale sugayok uyo Abraham iyo utamata, God imi weng bogola boyo fen kanubelan-tema kalaa agela nuubuta, kota God iyo tebe Abraham iyo dup-kugu-salata, Abraham iyo tebe man Aisak iyo mufekmufek kwep tal kwe fuulip ken tebe-bulu God tebe fengmin takan kemin ulutap ke dobe-se kale, siin uyo God iyo Abraham imi weng kwep daabe Aisak imi sang uyo bogobe-nala kano, “Son-temu uyo, Aisak imi mulup tan kutop iyo mitam bogo-nilip e, ‘Nuyo Abraham imi man ilop o,’ agelan-temip o,” age-se kuta, Abraham iyo kupkaa ilami man yaan maak beyo angkaa God imi dobelan o agan-kalata kale,

Jems 2:18

Kale kanube tinum iyo maak bogopne-nala, “E-e, tinum miit alop iyo albip kale, maak ita Yesus imi ilak dolin miit e minte, maak ita kuguup tambal kemin miit no o,” agela umdii, niyo beyo yan kebe bogobe-nili e, “Di kapkal bilip imi Yesus imi ilak do-bom kuguup tambal waafulin-tem ke-bilip uyo kafalepnelap utam im-kugulita e, imi Yesus imi ilak dosip uyo bisop uta kem-nuubip kalaa ageli e minte, nimi kuguup tambal ugol kafalepkeli nimi imi ilak dosi uyo utam nam-kugulapta e, aafen kalaa nagelap no kelum o,” agelan-temi ko.

Jems 2:24

Kanube tinum iyo maak God imi ilak do bisop na umdii, God iyo bogo-nala e, “Beyo tol tinum ba o,” agelan-tema e minte, tinum God imi ilak do-nala kuguup tambal uyo waafuu no kema umdii, God iyo bogo-nala e, “Beyo tol tinum kela o,” agelan-tema ko. Bo utamip a?