Jems 1:26 - Telefol

²⁶ Kale kanube tinum iyo maak aget fuguno-nala, “Niyo Kristen tambal o,” age-nala minte, “Niyo God imi fen ulotu ke-em-nuubi ko,” agelan-tema kuta, beyo imi weng uyo tele aget fugun-bom-nalata, bogolan-temaala kale, ipkumal weng itafi-bom-nala, niyo felepnelu kanu-bii ko agelan-tema kuta, imi aget fugunin uyo mafak umdii, bemi God ilak dugamin min, bemi ulotu kemin min boyo bisop uta ke-be ko.

Jems 1:26 Iomraidhean Croise

Matyu 15:9

bilip iyo ilimi weng kem uyo unang tinum iyo kafale-bom bogobe-nilip e, ‘Koyo God imi weng kem kwep daasa kale, waafu-bom-nilipta o,’ agan-nuubip kuta, niyo imi bisop bogo tok bagamup ko agan-nuubip boyo tinangkulan-temaali o,” age God iyo kam agesa o,’ age Aisaya iyo dola kosa o,” age Yesus iyo bogobela ko.

Mak imi tebe Yesus imi sang dola kosa uta ko 7:7

bilip iyo ilimi weng kem uyo unang tinum iyo kafale-bom bogobe-nilip e, ‘Koyo God imi weng kwep daasa kale, waafu-bom-nilipta o,’ agan-nuubip kuta, niyo imi bisop bogo tok bagamup ko agan-nuubip boyo tinangkulan-temaali o,” age God iyo kam agesa o,’ age Aisaya iyo dola kosa ko.

Luk imi tebe Yesus imi sang dola kosa uta ko 8:18

“Kale kanupmin weng ko bogopmi boyo, ibo God imi weng alugum boyo tele tolong duga-bom-nilipta o ageta ko. Tinum iyo dok ita nimi weng uyo tolong do dagaa kula umdii, beyo God tebe dong daga-e-bala dagaa ku yakyak kem unon-tema kale minte, tinum iyo dok ita nimi weng uyo tele tolong dolin-tem kela kuta, ‘Utamsi o,’ agela umdii, bemi kamaki kutop umi katip ko atam-se boyo yuut ilumanepman-temu o,” age Yesus iyo baga-ema ko.

1 Korin 15:15

Kale aa mungkup, ipmi weng bogo-nilip, “God iyo tebe unang tinum kaansip iyo ifolan-temaala o,” agan-bilip boyo fen nimnam, nuyo unang tinum iyo God imi sang uyo bisop baga-e-bom kem bogo-nulup, “God iyo tebe krais iyo dufola tigi mo-se o,” agan tebesup kuta ko.

1 Korin 15:2

ibo God imi weng tambal boyo bisat kup-kagamin binim, fomtuup waafulip umdii, bota God iyo imdep tam ilami abiip uyo daalan-tema kale minte, fen ibo siin uyo God imi ilak uyo dolin-tem ke-silip umdii, God iyo tebe imdep tam ilami abiip uyo daalan-temaala ko.

1 Korin 3:18

Kale ipmi aget fugunin uyo tele bam daa-nilipta o ageta kale, ipmi iibak tem kutam uyo tinum iyo maak kafin diim komi kuguup waafu-nala kanupmin aget fuguno-nala, “Niyo utamsi o,” agan-kala umdii, beyo kanupmin aget ko fugun-be boyo kupkalak o ageta ko. Kale kanube kupkala umdii, kafin diim tinum unang iyo, “Beyo utamsaala binim tinum o,” agan-kalon-temip tap kuta, aaltam kota God iyo dong daga-e-balata, mitam atin utamin tinum kelan-tema ko.

Galesia 2:6

Kale tinum iip maak maak iyo Kristen unang tinum imi kamok o agesip kuta, bilip iyo dogonupmin umi win so o ageta bilip imi aget uyo fugun-nuubaali e minte, God iyo tinum imi win bomi aget uyo fugun-nuubaala no kale, tinum win so bilip iyo nimi weng uyo maak so tifipnesaalip binim ko.

Galesia 2:9

Jems so Fita so Jon so bilip iyo kamogimal o agesip kale, bilip iyo utamipta e, God yagal tebe ogok afek boyo nuyo kopne-se kalaa age-nilipta, bole Banabas so niso alop numi isak atuk ilitap ke fet dobe-nilip e, ninggil aget maagup kelupta, bogobe-nilip e, “Alop ipta unang tinum miit maak maak imi iibak tem kutam kal ogok ke-bilip e minte, ninggil nuta Juda kasel imi iibak tem katam kal ogok ke-bulup no keman-temup o,” agelipta, weng telelalupta,

Galesia 3:4

Kale siin umi mufekmufek kwiin tagang tal ipmi diim abemsu boyo tebe ipmi aget fugunin uyo kufobe-suu bele ki? Kuta minte nimi aget fugun-bii uyo, boyo tebe ipmi aget fugunin uyo kufobeluta, aget uyo fomtuup fugun tebesip kalaa agan-bii ko.

Galesia 6:3

Kale tinum imi aget fugunin uyo, “Niyo kasaak win tibin tinum kale, mafak aa kan aa win binim iyo dong dogobelan-temaali o,” agan-kalin boyo, imi aget tem uyo ilum ilum ke-e-buluta, kam agan-kalon-tema ko.

Efesis 4:29

Kale ibo weng mafak uyo bagamin ba kale, weng tambal tambal uta kup baga-bom-nilipta, unang tinum titii binim iyo kuntuk mobe-nilip e minte, unang tinum tinangkan-bilip iyo dong dogobe no ke-bilipta, ito God imi deng uyo tebeman-temip ko.

Efesis 5:4

Kale ipmi fitom weng bagaman-temip min, bisop weng bagaman-temip min, tinol faga-bom weng mafak bagaman-temip uyo felepmuta, kanuman-temaalip kale, ipmi God imi, “Suguul o,” agan-kalon-temip uta fen felepmuta, kanuman-temip ko.

Kolosi 4:6

Kale ipmi weng bagamip uyo ki, weng abaal kup tambal kup baga-e-bilipta, bilip iyo dagalan-temip uyo, ibo utamipta e, ilep uyo kulbu kalaa age-nilipta, alugum bilip imi weng uyo tol kup saaneman-temip ko.

Jems 1:19

Atin ki nalami duubal ibaa. Ibo tele tinangkulin. Ibo yuut weng bagamin ba kale, sining age som ipkumal imi weng uyo alugum tolong do-nilipta o ageta ko. Kale tinum imi olsak tebepman-temu uyo ki God imi kuguup tambal uyo waafulan-temaala binim kale, ibo yuut olsak tebe-emin ba ko.

Jems 1:22

Ibo aget uyo bam daalin. God imi weng bisop kup tinangku-nilip e, kanube tii keli o agan-kalin ba kale, tele tinangku waafuu no kelin o ageta ko.

Jems 2:20

Aget mafak fugunin kabaa. Kabo dok kota utaman-temap? Tinum imi Krais imi ilak do-bom kuguup tambal waafulin-tem kemin boyo kulum ton saak kelan-temu kuba.

1 Fita 3:10

Kale God imi suuk kon tem uyo mungkup bogo-nulu e, “Kanube tinum iyo kafin diim koyo deng tebe-bom iibilip unelum o agelip umdii, bilip iyo ipkumal iyo weng mafak uyo baga-e-bom e, bisop weng uyo baga-e-bom no kemin ba ko.