Jems 1:19 - Telefol

^19-20 Atin ki nalami duubal ibaa. Ibo tele tinangkulin. Ibo yuut weng bagamin ba kale, sining age som ipkumal imi weng uyo alugum tolong do-nilipta o ageta ko. Kale tinum imi olsak tebepman-temu uyo ki God imi kuguup tambal uyo waafulan-temaala binim kale, ibo yuut olsak tebe-emin ba ko.

Jems 1:19 Iomraidhean Croise

Matyu 5:22

nita weng migik maak bogobelan-temi kale, tinangku-silipta. Tinum dok ita ipkum iyo bubul atul kobela umdii, boyo ipkum iyo tebe dep no kamok imi diim daala weng bagaman-tema kale, ibo bo kanumin ba ko. Kale minte tinum dok ita ipkum iyo weng mafak umaak kobela umdii, ilami kuguup mafak bota tebe dep te yang kot afalik diim daaluta, weng telelmin tinum beyo tebe yega dobe-nama kale, ibo bo kanumin ba ko. Kale minte aa mungkup tinum dok ita ipkum iyo bogobe-nala, ‘Kwiin. Kabo fuut tibin tinum o,’ agela umdii, God tebe beyo daala no at mafak suun kenamin abiip unoma kale, ibo bo kanumin ba ko.

Mak imi tebe Yesus imi sang dola kosa uta ko 12:37

Kale God imi ulaa dula kamok kesa tinum beyo dok imi man a? Kanube Devit imi aget uyo fugunolata, son-temu uyo, beyo nalami man ilop kutop ita maak mitam tebelan-tema kalaa age-nala bomi aget uta kup fuguno-nala bogosa nimnam, boyo bogo-nala, ‘Beyo nimi Kamogim o,’ agesaala binim kuta, Devit iyo intaben umi aget uta fuguno no ke-nalata, bogo-nala, ‘Beyo nimi Kamogim o,’ agesa o?” age Yesus iyo bogobela ko. Kale unang tinum kwiin tagang tal ibolip bilip iyo deng kup tebe-bom-nilip e, Yesus imi weng uyo tinangkamip kale,

Mak imi tebe Yesus imi sang dola kosa uta ko 2:2

unang tinum kwiin tagang talta am uyo dongen binim kelip e, tinum maagup iyo maak dogobeta amitem ilep uyo mitam toloma binim kelu e, Yesus iyo God imi weng uyo baga-ema ko.

Luk imi tebe Yesus imi sang dola kosa uta ko 15:1

Kale tinum takis mani kwaamin so e minte tinum kuguup mafak waafulip kalaa age ipkumal tebe itafinonosip so iyo tal Yesus imi weng uyo tinangkamip ko.

Luk imi tebe Yesus imi sang dola kosa uta ko 19:48

alugum unang tinum iyo, Yesus imi weng uta tinangkamum o age-nilipta, suun kup fufala dek mo yakyak ke-bom tinangkamin kup ke-bilipta kale, kamogimal iyo dogap-tele yangta aafu-nimip binim kemip ko.

Aposel 1:15

Kale am asuno umaak kelip binimanu e, kota tala tala kelip bilip iyo 120 min kalip ita kale, Fita ita iibak tem kal mo weng bogobe-nala e,

Aposel 10:33

maak fagalin tap tinum ninggil iyo imdali kapmi finang no tilipta, kabo nimi weng uyo tinangku-nalapta, talap kale, suguul ke talap kale, kamano koyo alugum nuyo tal God imi tiin diim uyo albup kale, alugum Bisel imi weng bogopke-nala, ‘Bilip imi bogobelal o,’ ageba boyo bogobelapta, tinangkulum o,” age Konilius iyo Fita imi bogobela ko.

Aposel 13:48

Kale asit kek kek unang tinum iyo weng boyo tinangku-nilipta, deng kup tebe-bom-nilipta, Kamogim Yesus imi sang bagan-bilip umi tok uyo bagamip kale, unang tinum waantap ita God tebe ulaa imdu-nalata, “Bilip iyo suun nin tinum kelan-temip o,” agesa umdii, Yesus imi ilak uyo dolip kale,

Aposel 17:11

Juda kasel abiip Tesalonaika nin iyo alop imi weng uyo tinangkusaalip kale minte, Juda kasel abiip Beria kugol nin ita tinum aget fugunin tambal kup bom ita ita ke-bom-nilip e, alop imi weng uyo tinangku-nilip e, deng kup tebe-bom-nilip e, alop imi weng boyo utamta, aafen tap kalaa agelum o age-nilipta, nip nip uyo suun kup God imi suuk kon tem weng kwek uyo tiki-bom-nilipta,

Aposel 2:42

Kale Yesus imi ilak dolin iyo dital faga-bom-nilipta, Yesus imi kalaan tinum bilip imi weng uyo tinangka-bom-nilip e minte, negal kabelal maagup ke-nilip e, iman uyo dagaap unan-bom-nilip e, God imi aman duga-e-bom no ke-bii-silip ko.

Efesis 4:26

Ibo kanube olsak kup dine-emu umdii, fenga kolan-temip kale, tele utama-bom-nilipta o. Olsak uyo waafu-bom-balap ataan uyo tem iinemin ba kale, yuut kupkan kelal o ageta ko.

Efesis 4:31

Kale ipmi iluuk iluuk ke-bom aget mafak fugunin so, aget atul tebemin so, olsak tebemin so, alaang weng bagamin so, weng miil tebemin so, ipkumal itafinonin so uyo alugum kwaalip kot iinu kupka-nilipta,

Kolosi 3:15

Kale ibo Krais iyo dagalip dong dogobelata, bilili agan-kalin aget uyo ku-nilipta, aget fugunin tambal uta kup waafu-bom-nilipta o ageta kale, dok uta ba kale, God imi aget uyo, unang tinum imi weng kobelita, dam maagup ulutap ke-nilipta, bilili agan-kalin aget uyo kulin o age-nalata, weng boyo ibo kobe-se ko. Kale ibo God iyo, “Misam o,” agan-bomta o ageta ko.

Kolosi 3:8

kamano kota olsak tebemin min, itafinonin min, aget atul tebemin min, weng tebemin min, fitom sang bagamin min uyo alugum kwaalip kot iinuta o ageta kale minte,

1 Tesalonaika 2:13

Numi tebe God imi weng kwep no ipmi baga-emsup uyo, tinangku-nilip e, ibo utamipta e, boyo tinum numi bon tem weng ba kale, God ilami weng kalaa age-nilipta, ibo fomtuup utamipta, fen kalaa age-nilipta bole, God imi ilak uyo dolipta, God imi weng uta tebe ibo dong dogobeluta, God imi ilak dolin unang tinum ibo te tam titil fagaa tol kup unang tinum ke-silip kalaa age-nulupta, God iyo, “Suguul o,” agan-kalin uyo kupka-em-nuubup ko.

Jems 1:16

Atin ki nalami duubal ibaa. God iyo kuguup mafak mufekmufek mafak uyo nuyo kupka-em-nuuba aga? Umbae. Di ipkil aget uyo bam daalin.

Jems 1:2

Nimi nugumal Kristen ibaa. Nugol utamsup kale, mufekmufek mafak uyo tal im-kugu-nuluta, nuyo, uk kugan imolu numi God imi ilak dobup uyo waafulum o agelup umdii, titil fagaa taban-bon-temup ko. Kale kanube kanumin kanumin mufekmufek mafak ipmi diim abelu umdii, ipkil boyo deng kup taban-bomta o ageta ko.

Jems 1:26

Kale kanube tinum iyo maak aget fuguno-nala, “Niyo Kristen tambal o,” age-nala minte, “Niyo God imi fen ulotu ke-em-nuubi ko,” agelan-tema kuta, beyo imi weng uyo tele aget fugun-bom-nalata, bogolan-temaala kale, ipkumal weng itafi-bom-nala, niyo felepnelu kanu-bii ko agelan-tema kuta, imi aget fugunin uyo mafak umdii, bemi God ilak dugamin min, bemi ulotu kemin min boyo bisop uta ke-be ko.

Jems 2:1

Nimi nugumal ibaa. Numi Kamogim Yesus Krais beyo yagalami migik man e minte win tibin am no kale, ibo imi ilak uyo dosip umdii, tinum win tibin ita kup telele-bom-nilip e, tinum win binim iyo im-kagamin ba ko.

Jems 2:5

Atin ki nimi duubal ibaa. Ibo tinangkulin. God iyo weng kwep daa bogo-nala e, “Waantap ita nimi aget kup kopnelip umdii, imdep mitam nimi daam tem tolon-temi o,” agesa kale, am kaa daanu koyo, God iyo kafin diim komi mufekmufek bulup man kwiin tagang iyo ulaa imdula Krais imi ilak do-nilip e, mitam talan-bilip kale, imi ilak dosip uyo kwiin kiim ko.

Jems 3:10

Kale God imi tok bagamin so weng mafak ipkumal baga-emin so uyo bon tem maagup ku-tele mitam talan-nuubu ko. Nimi nugumal ibaa. Kanupmin kuguup bo kanumin ba ko.

Jems 4:11

Nimi nugumal ibaa. Ibo ipkumal iyo titul weng uyo bogobina tala kemin ba ko. Waantap ita ipkum iyo titul weng baga-ema min, atafima umdii, boyo God imi weng ko age ulo kwep daasa uta utafi-bom titul weng baga-em-nuuba no ko. Kabo kanube ulo umi utafimap umdii, boyo kabo weng tinangkamin umi kuguup uyo kupkaa uk kugan ko-nalap e, yak ulo uyo utafiman-temap ko.

Jems 5:12

Nimi nugumal ibaa. Nimi weng kaa bogobelan-temi koyo afaligen kale, tele tolong dolin. Ibo bogo-nilip, “Numi weng boyo aafen o,” agelan o agelip uyo ki, abiil aa kafin aa mufekmufek bomi win kamkaam uyo kufo-nilip ipmi weng boyo kuntuk saanemin ba ko. Kale bomi kanuman-temip bole, God iyo ipmi weng bagamin uyo im-kugu yegeman-tema kale, “Aafen o,” agelap uyo ki, “Aafen o,” agan-kalin kup e minte, “Waago o,” agelip umdii, “Waago o,” agan-kalin kup no ko.

Jems 5:19

Nimi nugumal ibaa. Ibo ko tele tinangku-silipta. Kanube ipmi tinum iyo maak God imi ilep tol uyo kupkaa yang iina ipkum maak ita tebe asok dep meng God imi ilep tol uyo daala umdii,

1 Jon 2:21

Niyo ipmi aget fugunolita e, iyo Yesus imi tuluun weng utamsaalip kalaa ageta suuk kon ko dolebaali kale, ibo tuluun weng uyo utamsip e minte, utamipta e, tinum bisop bagamin bilip iyo fen ki tuluun weng umaak felepmuta, bagan-nuubaalip kalaa agebip no kale, itama-bom-nilipta o ageta suuk kon ko dole-bii ko.