Hibru 6:3 - Telefol

³ Kale kanube God iyo ise boyo, “Tambaliim o,” agela umdii, bota kanuman-temup ko.

Hibru 6:3 Iomraidhean Croise

Fol tebe Rom kutam imi suuk kon dola kobesa uta ko 15:32

God imi aget fugunin uyo, “O,” agela bole, niyo deng kup tebe-bomta no ipmi diim uyo no tilita, ipso bom kun katip umaak fungo-nilita, nimi aget tem uyo tambalanepneluk o ageta ko.

1 Korin 16:7

Kale boyo niyo, kuun nota ibo itaman o aganbaali kale, kanube Kamogim Yesus iyo bogopne-nala, “No siit ilugo-nalapta o,” agela umdii, no tili ipsino mangkal ninggil siit ilugolan-temup kuta minte,

1 Korin 4:19

kanube Bisel iyo, unaal o nagela uyo, ipmi finang yuut no tolon-temi uyo, tinum kutaang tibin bilip imi weng bota tolong do utaman o ageta no tolon-temaali kale, no itamita, God imi titil uyo maak bilip imi diim uyo albu kalaa, binim kalaa age utaman o ageta no tolon-temi ko.

Hibru 6:4

Kale unang tinum iip maak maak iyo God imi yogon dong kefola ilagenin diim meng-nilipta, God imi weng tambal uyo utam-nilip e minte, mufekmufek God imi misiim kobe-se uyo ku-nilip e minte, alugum maagup God imi Sinik Tambal iyo du no ke-nilipta, God imi weng uyo kup-kuguta utamipta e, boyo atin tambaliim kalaa age-nilipta, God imi tiin mo tabon-tema umi titil uyo utam no ke-silip kale, kanube tinum bilip iyo fenga ko God iyo umik ugobelip umdii, nuyo dogobeta bilip iyo dong dogobelupta, asok maak so imi aget uyo fupkela ko meng tolon-temaalip binim kale, kanupmin kuguup bomi kanuman-temip bole, igil God imi man iyo aget mafak kupka-e-bom asok dep yak at diim daa sil bigilin tap kelipta, kek kek iyo Yesus iyo weng mafak uyo kupka-eman-temip ko.

Jems 4:15

Kale kanube ibo bogo-nilip, “Bisel ilami san kale, bogo-nala, ‘Bomta ogok bo kemin o,’ agela bole, tubu-numup e minte, ‘Ogok migik tubulin o,’ agela bole, waafu-numup no o,” agelan agin kuta,