Hibru 3:1 - Telefol

¹ Kale duubal ibaa. God abiil tigiin alba beyo ipkil olabela mitam atin Yesus imi unang tinum aligaap ke-silip kale, nuyo unang tinum iyo bogobe-nulup e, “Nuyo Yesus imi ilak uyo do-sulup o,” agan-bulup kale, Yesus beta God iyo daala tal abe mitam tinum amem miton ko age hetpris ke-nalata, nuyo dong daga-emsa kale, God iyo kanube-se kale, ibo Moses imi aget kup fugunin ba kale, Yesus imi aget uta atin tele fugun-bom-nilipta o ageta ko.

Hibru 3:1 Iomraidhean Croise

Jon imi tebe Yesus imi sang dola kosa uta ko 17:3

suun kup tambaliim nin umi magam uyo ki, unang tinum iyo kabo katamipta e, kapta kup fen God maagup kalaa kage-nilip e minte, nitamipta e, Yesus Krais niyo kapkal nimdalap ti-sii kalaa age no kelip umdii, suun nin unang tinum kelan-temip ko.

Jon imi tebe Yesus imi sang dola kosa uta ko 20:21

Kale Yesus iyo asok bogobe-nala e, “Ninggil ibo aget bilili age-bom-nilipta o,” age-nala e, “Kanube Aatum nimdala niyo ti-sii kale minte, mungkup nagal ibo imdali unon-temip o,” age-nala e,

Jon imi tebe Yesus imi sang dola kosa uta ko 20:27

Kale kota Yesus iyo Tomas iyo bogobe-nala e, “Kalo. Kota kapmi sagaal duung uyo dep tal nimi sagaal umi nil tem uyo daa utam som-nalap e minte, kapmi sagaal uyo kwep yak nimi malan kun tem umi kanaat tem uyo daa no ke-nalapta, utamta, keyo yaga ba kalaa agomap kale, aafen yagal kalaa nagelal o,” agela e,

Aposel 1:15

Kale am asuno umaak kelip binimanu e, kota tala tala kelip bilip iyo 120 min kalip ita kale, Fita ita iibak tem kal mo weng bogobe-nala e,

Fol tebe Rom kutam imi suuk kon dola kobesa uta ko 11:17

Kale tinum at oliv umi kosa kayaak iyo umi tung iip maak maak uyo ukan ke-nala e minte, no sep umi at oliv umi tung uta tugu kulep tal abe kulep te yak tinum tulum umi tung ukan kela umi diim kal feba ko kwegal atuk dagalata, asok ifing bigi-nuluta, tambaliim taban-nuubu kale, Israel kasel bilip ita at oliv tinum tulum ulutap e minte, tinum miit migik ipta sep umi at oliv ulutap no kale, God iyo tebe Israel kasel unang tinum milii iyo anung kogon kem tebesata kale, kamano koyo God iyo ibo imdep meng atuk dagalata, ibo bilip imi diim kal febata titil uyo ku-nilipta, tambaliim albip kale,

Fol tebe Rom kutam imi suuk kon dola kobesa uta ko 15:27

bilip imi aget uyo deng tebe-bom-nilipta, kanum-nak-bilip kuta, bilip imi i-filinin bomi magam maak uyo kulbu kale, bilip iyo Juda kasel abiip Jerusalam kutam albip imi yuum maak kobelip waafubip kale, yuum boyo dok uta ba kale, kamaki uyo Juda kasel Kristen kelin isiik God imi weng uyo kwep no tinum asit kek kek iyo baga-emum o age-nilipta, no-nilipta, miit alop bilip imi God imi ilak dugamin uyo dong daga-emsip utamta, tinum miit alop bilip isiik tebe-nilipta, Juda kasel bilip iyo dong dogobe-nilipta, mufekmufek uyo kopmin o ageta ko.

Fol tebe Rom kutam imi suuk kon dola kobesa uta ko 15:8

Kale ibaa. Nimi weng bogobelan-temi koyo tinangku-silipta. Krais iyo Juda kasel imi ogok ke-emin tinum ke-nalata, dong dogobe kanu-bom-nalata, God imi tuluun weng uyo kuntuk mobelata, weng bota tebe-nuluta, sugayok God tebe bilip imi olal imi weng kwep daabe-nala, “Kanubelan-temi o,” agesa uyo bota tii kelu kupka-suu kale,

Fol tebe Rom kutam imi suuk kon dola kobesa uta ko 9:24

Kale unang tinum ko olabe-se bilip iyo Kristen nuta kale, Juda kasel nuta kup ba kale, tinum miit migik kek kek iso nuyo olabe-se kale,

1 Korin 1:2

alop nuta, suuk kon koyo God imi unang tinum abiip afek Korin kutam albip ipmi dola kobelum o ageta kale, God yagal tebe ibo olabelata, yak Yesus Krais imi diim kal feba-nilipta, ilami unang tinum aligaap kelip e minte, God iyo abiip maak maak umi unang tinum iyo olabela igil mitam ilami tinum unang ke no ke-nilipta, numi Kamogim Yesus Krais imi win tolop diim beten uyo kem-nuubip kale, beyo imi Kamogim e minte nulumi Kamogim no ko.

1 Korin 10:17

nuyo unang tinum kwiin tagang kuta, bret boyo maagup kale, alugum nuyo bret maagup bota unan-nuubup atamta, alugum nuyo ilami fugu tilin ilatap ke maagup kiina tala ke-sulup ko.

1 Korin 9:23

niyo God imi weng tambal uyo kufu-bilita, mitam senganuk o age-nilita, alugum kuguup bomi sang ko bogobeli uyo kanum tebesi kale, son-temu uyo, niso e minte tinum iip maak maak so nuyo God imi mufekmufek tambal tambal uta maak kobela kululum o age-nilita, kanum tebesi ko.

2 Korin 1:7

Kale ibo daak abelan-temip kalaa age ninggil nuyo finanbaalup binim kale, nuyo utamupta e, God iyo ibo dong dogobela titil fagaa nan-temip kalaa age-nulup e minte, aget iluum min, kaal fuyap min uyo tal numi diim abe-bulu God tebe dong daga-e-bala bilili agan-nuubup ulutap uyo mungkup mitam ipmi diim uyo abe-buluta, God iyo tebe dong daga-e-bala bilili agan-bom no keman-temip kalaa agan-bulup ko.

2 Korin 9:13

Kale ibo Yuudiya kasel Kristen iyo dong daga-e-bilipta bole, ipmi kuguup tambal boyo mitam kemanuta, Yuudiya kasel bilip iyo utamipta, ipmi bogo-nilip, “Yesus imi ilak do-sulup o,” agan-bilip boyo fen waafu-nilip e minte, God imi weng uyo fen waafuu no kebip kalaa age-nilip e minte, iyo utamipta e, ibo mani afaligen uyo kobe-nilip e minte, unang tinum migik kwiin tagang iyo kuga-e-bom no kem-nuubip kalaa age-nilipta, bilip iyo God imi win uyo kufu-eman-temip ko.

Efesis 3:6

Kale God imi aget fugunin yang waansu uyo ki, fugun-bom-nala e, “Tinum miit migik iyo nimi weng tambal uyo tinangku yak nimi Man Yesus Krais imi diim uyo febalan-temip kota, niyo tambal kup telela imo imkaa Juda kasel imi te tam Krais imi ilak dolip telela imkabi ulutap kelita, tinum miit alop iyo dam maagup ke-nilipta, nimi mufekmufek sang bogo, ‘Kanubelan-temi o,’ age kwep daasi uyo kulan-temip o,” age-nalata, God iyo aget fuguno waafusata ko.

Efesis 4:1

Kale niyo Bisel God imi ogok waafulin tinum utamta, bomi kalan uta sok de namolipta, nuubi kale, God iyo ipkil mungkup bogobela mitam ilami man ke-silip kale, ipmi tonamip tiinemip uyo, ibo te tam God imi kuguup tambal, “Bota kanumin o,” agesa uyo tiilu kupkalin o age-nilita, weng koyo fomtuup baga-e-bii ko.

Efesis 4:4

Numi kwego dego ke-sulup uyo dam maagup ulutap kale minte, God imi Sinik ipmi diim alba beyo maagup ita kup kale, God imi ipmi bogobela mitam ilami man ke-silip kota, weng maak bogobe bogobe ke, “Ibo imdep tal nalami abiip daalita, ipsino nisino kagal nan-temup o,” agela fen tebesip boyo weng migik migik ba kale, weng maagup uta kup kale,

Filipai 3:14

Biilan-temu God imi Yesus Krais imi tolop diim o age-nala olapnela tam unon-temi boyo, yuut unom ipkum dupkan kela mufekmufek kupka-emin ulutap kale, niyo ki ninal daa yuut unanbu no fingkamin baan diim abelita, mufekmufek kopnelak o age-nilita, biing mo-bom yuut unan-bii ko.

Kolosi 1:12

Aatum God iyo, “Suguul o,” agan-bilipta o ageta beten ke-em tebesup ko. Kale Aatum iyo ibo dong dogobela tii ke-silip kale, son-temu uyo, ipsino Yesus imi ilak dolin unang tinum ilami ilagenin diim albup nuso nuyo mufekmufek tambal God imi tebe, “Numi o,” age-nala telela ko kwep daabesa uyo kulan-temup ko.

Kolosi 1:22

kamano kota God ita imi Man iyo daala malaak tinum kem ke-nalata, at diim kaan-se utamta, God iyo afeta imola mangkal ninggil ibo ilami duup ke-silip ko. Kale God iyo ipmi aget fugun-bom-nala e, “Bilip iyo nimi weng tambal tinangku-nilip waafu-bom nimi, ‘Kanubelan-temi o,’ age-sii bomi fen-bilip boyo kup-kagamin ba kale, boyo aafen kalaa age fomtuup dagaa ku waafuu titil fagaa mo sii age-bom kwep tebe-nilipta, fengmin binim tol kup ke atin tambaliim kup kelipta, nimi Man iyo imdep mitam nimi tiin diim tolak o,” age-nalata, God imi Man iyo daala malaak ti-se ko. Kale God imi weng tambal uyo unang tinum iyo en-bom tegen-bom kwep abe-bilipta, alugum anang anang dagaa kwaa-suu kale, niyo God imi ogok kemin tinum ke-nilita, imi weng tambal bota baga-em-nuubi ko.

Kolosi 3:12

God iyo ibo ulaa imdula ilami unang tinum kelip e, ipmi aget uyo atin ugaa kwaasa kale, ipkil mungkup alugum tinum unang iyo i-filin-bom tambaliim kup telele-bom-nilip e, ipkumal imi afak tem iinom-nilip e, ipkumal iyo bet bubul kobe-nilip e, bilili age-bom no ke-bilipta o ageta ko.

1 Tesalonaika 2:12

ulutap kan nuyo ipmi kuntuk saanemin weng uyo baga-e-bom dong daga-e-bulupta, te tam titil fagalin o age-nulupta, ibo bogobe-nulup e, “God yagal ibo ulaa imdu imdep meng ilami miit tem daa-nala e, tambaliim kup tiin mola albip kale, son-temu uyo, ibo tam God imi ilagenin abiip uyo suun nan-temip kale, kuguup tambal uta kup waafuu bom-bilipta, God iyo ipmi deng uyo tebemak o,” ageta weng boyo fomtuup baga-emsup ko.

1 Tesalonaika 5:27

Kale Fol niyo Kamogim Yesus imi win tolop diim fomtuup weng koyo kobeli kano, kamogimal ibo suuk kon koyo ilipmi kup tikimin ba kale, alugum God imi ilak dolin unang tinum Tesalonaika kasel imi diim kal tiki-bilip tinangkamin o ageta ko.

2 Tesalonaika 1:11

Numi aget fugunin uyo, alugum unang tinum iyo numi Kamogim Yesus imi win uyo kufumin o agan-bom-nulupta, nuyo suun kup Aatum God ipmi ulaa imdusa tinum iyo dagaga-bulup e minte, God yagal telela imola tii ke-nilip te tam ilami ogok uta tambaliim kup waafu-bilip e minte, yagal titil uyo ibo kupka-e-bom no ke-balata, ipmi aget fugunin sino titil sino dam sino uyo God imi kobelan-temip uyo, dong dogobela ibo tambaliim kup te tam unang tinum tambal kelum o agan-bilip uyo te tam tambal kelan-temip e minte, Kamogim Yesus imi kuguup tambal waafulum o agan-bilip uyo waafulan-temip no o agan-nuubup ko.

2 Tesalonaika 2:14

Nuyo Yesus Krais imi weng tambal uyo ibo baga-e-bulup tinangkan-bilip kalaa age-nalata, God iyo numi weng baga-e-bulup bomi diim ilep ku-tele ibo olabe-se kale, ibo imdep meng nalami miit tem daa-nilita, nimi Man Kamogim Yesus Krais imi deng taban-bii bota ipmi kobe no kelan o age-nalata, ibo olabe-se ko. Kale bota o age-nulupta, nuyo, “Suguul o,” agan-kalin uyo God iyo kobelum o agan-bulup ko.

1 Timoti 6:12

Kale tinum imi Krais imi ilak do-bom nan-tema boyo ki tinum yuut unanbu no o tala, kapta kapta kelap o age mufekmufek kupka-ebip ulutap kale, kapkal kapmi tambaliim kup yuut unan-balap boyo titil faga-bom-nalapta o ageta kale, siin uyo God iyo, dep daalita, suun nin tinum kelak o age-nalata, kamdep daalata, kabo unang tinum kwiin tagang imi tiin diim uyo kapmi Krais imi ilak do-salap umi sang uyo kupkem daalap utam-silip kale, ise kapmi suun nin tinum kesap boyo fomtuup titil faga-balapta o ageta ko.

1 Timoti 6:2

Kale bisop sok de imolip tinum maak imi ogok kemin imi tiin molin iyo Kristen kelin umdii, ogok kemin beyo aget fuguno-nala e, “Beyo nalami duup kale, weng binim, imi ogok uyo daal daal ke-bom-nilita o,” agan-kalin ba kale, bemi aget fugunin uyo, “Beyo Kristen kale, niyo bemi aget kobebi bota, imi ogok uyo tambaliim ke-e-bili e, yagal ogok ke-e-bii kwek uyo mufekmufek tambal uyo kuga-bala no kemum o,” age fugunolan-tema uta, fen ogok uyo tambal kup keman-tema ko. Kale kabo suun kup unang tinum iyo kafale-bom-nalap e, “Kuguup boyo kanu-bom-nilipta o,” agan-bom kafalemin kup ke-balapta o ageta kale,

2 Timoti 1:9

Kale God ita nuyo imdep meng ilami miit tem daa-nala bogobe-nala, “Ibo nimi unang tinum aligaap kelin o,” age-se kale, God iyo utamata, numi kuguup bota tambaliim ke-bulup kalaa age-nalata, nuyo imdep meng daasaala kale, ilami aget fugunin uta kup i-filin daa-nalata, nuyo imdep meng daa-se ko. Kale sugamiyok uyo God iyo kafin uyo telela kolin binim som-nalata, aget fuguno-nala e, nimi man imi diim ilep kanubelan-temi o agesata,

2 Timoti 2:7

Kale kabo nimi weng ko bogoli komi aget uyo fugun-bom-balapta, Kamogim Yesus iyo kapmi aget uyo bam daa kamka-balata, alugum umi weng magam uyo kulbu kalaa agelal o ageta ko.

Hibru 10:19

Age-se kale, duubal ibe. Yesus imi kaan-se umi tolop diim bota nuyo finanin binim, tinum amem miton ko age hetpris imi suun tam God imi am amem tam unan-nuuba ulutap ke-nulupta, suun kup no God imi tibit diim uyo nota aman duga-em-nuubup ko.

Hibru 10:21

Kale numi fen ki tinum amem miton ko age hetpris iyo alba kale, beta tebe-nalata, God imi unang tinum iyo tiin mosa kale,

Hibru 10:23

Kale nugol utamsup kale, God imi alugum mufekmufek, “Kanuman-temi o,” age-se boyo aafen kanuman-tema kale, nugol kanubelan-tema kalaa age imi fen-bom-nulup bomi sang uyo unang tinum imi baga-e-bom no kem-nuubup kale, fomtuup fenin kup kem tebe-bom-bulupta o ageta ko.

Hibru 13:22

Kale nita suuk kon duumaat so tap maak keyo ipmi dola dobeli kuta, nimi duubal ibe. Niyo dong daga-emin weng maak fomtuup kobelan o ageta kale, ibo weng koyo tolong umo-silipta o ageta ko.

Hibru 2:11

Kale nugol utamum. Yesus iyo tebe unang tinum iyo kulep meng tolata, God ilami man aligaap kem-nuubip kale, Yesus so minte unang tinum kuso alugum kulip imi aalap iyo God maagup ita kup atamta, Yesus iyo aget binim bubul binim bogo-nala, “Bilip iyo nalami nugumal o,” agan-nuuba ko.

Hibru 2:17

Kam age-nala e, Yesus imi aget fugunin uyo, “Nimi Aatum God imi ogok keman-temi boyo, mitam pris ko age tinum amem ke-nilita, unang tinum iyo dong dogobelita, God iyo tebe bilip imi fengmin uyo takan kepmak o,” agan-be kuta, Yesus iyo utamata e, ilep migik maak uyo binim kalaa age-nalata, Yesus ilami dam min, kuguup min, kanumin kanumin uyo fen alugum unang tinum numi dam min, kuguup min, kanumin ulutap kelu kupka-nalata kale, Yesus iyo bomi tem ilep te tam tinum amem miton ko age hetpris ke-nalata, inal o age God iyo unang tinum imi fengmin uyo takan kebelak o age-nalata, ilami dam so isak so uyo God imi kobe-se kale,

Hibru 3:12

Kale duubal ibe. Kanube ipmi duup maagup iyo maak aget fugunin mafak uyo imi aget tem kal nu umdii, bemi God imi ilak dugamin uyo kupkaa tiin kafan miit kayaak God iyo umik ugobelan-tema kale, ibo atin tele utama-bom-nilipta o ageta ko.

Hibru 3:14

kamaki kutop uyo nuyo Krais imi ilak uyo dosup kale, imi ilak dosup bomi aget uyo fomtuup kobe-nulupta, tam tam abe-bulupta unanbu top numi kaanan-temup kwek diliit kemum o ageta kale, kanube bom kanumup umdii, nuyo Krais ilami fen unang tinum ke-nulupta, boyo kanuman-temup ko.

Hibru 6:20

Kale Yesus imi mitam tinum amem miton ke suun kup nuuba boyo ki, Melkisedek ilatap atamta, beyo nuyo dong daga-eman o age-nalata, beyo isiik bon tem tam am amem kutam uyo tam un-se ko.

Hibru 7:26

Kale Yesus beyo atin tambal kale, bemi diim uyo fengmin maagup umaak albaalu kale, yuum binim, fengmin binim, beyo atin yagalami migik man atamta, God iyo ulaa dufolata, abiil tigiin kal Aalap iso albip kale, ise kanupmin tinum amem miton ko age hetpris beta tii nuyo dong dogopmoma ko.

Hibru 7:28

Kale ulotu umi ulo uyo tebe-nulu e, tinum titil binim nulutap ita ululuta, tinum amem miton ko age hetpris ke-bii-silip kuta, aaltam God iyo ilami win kamkaam kufo ilami weng uyo kuntuk mobe-nalata, ise weng boyo ilami man iyo ulaa dulata, mitam tinum amem miton kelata bole, tam God iyo tebe man iyo atin tii kela dupkalata, yak alugum kanumin kanumin boyo Yesus ilami sagaal diim ilep telela kupkan-boma ko.

Hibru 9:11

Kuta kamano koyo Krais iyo mitam tinum amem miton ko age hetpris ke-se kale, God imi kuguup tambal numi kobe-se boyo Krais ita kwep ti-se ko. Kale tal abe-nalata, te tam ulotu am maak ko age sel am maak tam-nalata, ilami ogok uyo kema kale, am boyo atin tambaliim kup tebesu kale, bota uta uta ke-nuluta, siin umi ulotu am ko age sel am uyo kubaganu kupka-suu kale, boyo tinum iyo sagaal tuup desaalip e minte, boyo kafin diim komi mufekmufek ba no kale, am boyo abiil tigiin umi mufekmufek ko.

Hibru 9:15

Kale Krais imi aget fugunin uyo, sugayok God imi weng de kosa umi diim bom-nilip fengam-nuubip bota alugum molan o age-nalata, kaan-se kale, imi aget fugunin uyo, alugum unang tinum iyo God imi weng uyo tinangku waafu-nilipta, sugayok God imi bogo-nala, “Suun nin umi magam uyo nalami man bilip imi kobelan-temi o,” age-se uta ku-nilipta, suun kup tambaliim nin o age-nalata, Krais iyo iibak tem kalagal mo-nalata, God iyo dep keng daa som, minte unang tinum iyo imdep keng daa no ke-nalata, God imi kamaa weng de kola umi kuntuk mobe-se ko.

1 Fita 2:9

Kuta weng ko sugayok God imi Israel unang tinum imi kobesa uta kamano koyo ipsiik kobe-se kale, God iyo tebe ibo ulula mitam God ilami unang tinum ke-nilip e minte, mitam God imi pris ko age tinum amem ilitap ke-nilipta, nulumi king Yesus imi win uyo kufu-e-bom-nilip e, ipta tinum unang miit maagup ulutap ke-nilipta, atin maagup ilami ilak uta kup dolipta, iyo ulula mitam ilami unang tinum aligaap ke no ke-silip kale, God imi tebe ipmi ulaa imdu-se bomi magam uyo, ibo alugum kuguup tambal God tebe ipmi kupka-emsa bomi sang uyo unang tinum iyo baga-em tiinemin o age-nalata, God iyo tebe ibo ulaa imdu-se kale, God tebe ibo olabela mililep tem uyo kupkaa meng tilipta, yagal tebe ibo imtamo mitam ilami ilagenin tambaliim diim daa-se ko.

1 Fita 3:5

Kale mungkup unang sugayok God imi ilak do utamipta, fen ilami weng uyo kanubelan-tema kalaa agan-bii-silip bilip iyo kuguup boyo kanu-bom-nilipta, ilimi imagal imi weng uta kup tinangka-bomta waafu-bii-silip bota imi aget tem kwek umi ket kon tii-bii-silip uyo kulbu ko.

1 Fita 5:1

Kale Kristen unang tinum imi kamok kamok ibaa. Nagal mungkup Kristen unang tinum imi kamok no kale, niyo ilipmi tinum kanube kamok ke albip ilitap kale, nagal nalami tiin fala Krais iyo atama-bilita, at diim uyo kaal fuyap uyo ku kaan-se kale, ulutap son-temu uyo, Krais imi asok tal kafin diim e tala unang tinum iyo atamipta, beyo win so kela kalaa agelan-temip uyo, iso niso maagup win so kelan-temup kalaa age-nilita, kamok kamok ibo weng kobelita o ageta kupka-e-bii ko.

1 Fita 5:10

Kale God beyo suun kup nuyo kuguup tambal uyo kupka-e-boma kale, beyo tebe-nalata, ibo Krais imi diim uyo febalip kalaa age-nalata, olabelita, meng nimi miit tem uyo suun kup nin o age-nalata, ibo olabe-se kale, ibo kaal fuyap uyo kugan-siit ilugolipta, aaltam kota God yagal tebe ipmi kuguup so minte aget tem so uyo atin telela kobe-nala e, ipmi aget fugunin so Krais imi ilak dugamin so uyo kuntuk mobe no kelata, titil fagalan-temip ko.

1 Jon 1:3

Aalap God so imi Man Yesus Krais so ulim isino nuso nuyo ulimal ke miit maagup kesup kale, ipso nuso nuyo mungkup, negal kabelal ke miit maagup kelum o age-nulupta, nuyo nulumi atam-sulup sino e minte tinangku-sulup so umi sang uta ibo baga-em tebesup ko.

Jut imi suuk kon dola kosa uta ko 1:1

Nugumal nuubip aga? Niyo Yesus Krais imi ogok kemin tinum Jut nita kale, niyo Jerusalam umi Kristen imi tiin molin Jems imi niing nita kale, siin uyo Aatum God iyo tebe unang tinum ibo olabelata, meng tilip kalaa age-nalata, yagal ipmi aget kup kobela e minte, Yesus Krais yagal tebe tiin mo no kela albip kale, suuk kon koyo ipmi dola kobelan o ageta ko.

Revelesen 17:14

Kale yol ok kumun tem umi dimduum so e minte king nagaal kal so iyo Sipsip Man Yesus so waasi dinan-kalon-temip kuta, Sipsip Man beyo alugum kamogimal imi dubom e minte, beta atin kamogim titil kup tebesa no kale, imi titil uta alugum king bilip imi titil uyo kubaganu imka-nalata, ita ita kesa kale, God iyo Sipsip Man imi unang tinum ita kup ulaa imdula mitam imi okumop man kebe-nilipta, iyo dital fagaa imi diim uyo febalipta, Sipsip Man so imi unang tinum so iyo yol ok kumun tem umi dimduum so king nagaal kal sino imi unang tinum sino dinan-kalon-temip uyo, Sipsip Man ninggil mangkal ita ita kelan-temip o,” age ensel iyo bogopnela ko.

Revelesen 18:20

Kale kam agan-kalon-temip kuta, abiil tigiin kasel so Yesus imi kalaan tinum so God imi profet ko age weng kem baga-emin tinum so, minte God imi unang tinum migik so ibaa. Jon niyo ilam duluun ilep mufekmufek ko mitam tolon-temu bomi utabi uyo ki, kanube kamano kota God iyo tebe Babilon kasel tebe-nilip ibo aa-bilip kaanan-nuubip umi kalan uta abiip Babilon uyo kufak daala binimanan-temu kale, ibo bomi deng uyo tebemin a.