“Tolong umo-silipta, weng koyo bogobelan o ageta ko. Afungen tem umi tulu God imi tebe unang tinum alugum maagup tele itamaman-tema uyo, yagal unang tinum maagup maagup imi aget fugunin tambal binim ke weng yamyam bagamin kup kem-nuubip umi sang uta alugum dagalata, iyo God imi tiin diim kal God imi weng uyo yan ke-e-bom dupkop daapman-temip ko.
Hibru 11:19 - Telefol19 Abraham imi aget fugunin uyo, “Kanube man beyo angkoli umdii, atin kaanan-tema kuta, God iyo tii asok dufola fen-nalata, man ilop kutela tinum miit ugilan-temu o,” age-nalata, sagam uyo ku fiko angkolan o agan-salata, God iyo tebe fegelebe-se kale, boyo ki fen Abraham iyo man iyo begel ilet tem ilo asok ulaa dep mitam e tilin tap ke-se ko. Faic an caibideil |
Hibru 11:19
10 Iomraidhean Croise
Kale Yesus iyo tam am iina e, tinum tiin tugul alop iyo Yesus umik tem tam am tamip e, Yesus iyo daga-nala e, “Ibo utamipta e, iyo titil uyo tii numi tiin uyo telela dong dogobelan-tema kalaa nagan-bilip aga o?” agela e, Yesus imi weng uyo yan kebe-nilip e, “Aa. Kabo titil sino kale, tii dong dogobelan-temap kalaa agan-bulup kuba,” agelipta,
kaanamin boyo Adam imi diim ilota kwep tal Moses imi bii-se ku diibe-nuluta, alugum unang tinum bii-silip iyo imduluta, kaanan-bii-silip ko. Kale tinum iip maak maak iyo God imi weng kwep daala Adam tebe ilo kosa ulutap kemsaalip kale, maagalo ilum ilum ke-bom-nilipta, ilo kupkan-bii-silip kuta, kaanamin uyo tebe bilip igil mungkup imdu no kesu ko. Kale sugayok uyo God iyo Yesus imi sang uyo bogo-nala, “Son-temu uyo, tinum kamok maak daali no tolon-tema o,” age-se kale, God ilami sagaal diim tuup tinum Adam ko telela dosa imi aget uyo fuguno utam som e minte, tinum kamogim God tebe daala malaak kafin diim ti-se imi aget uyo fuguno utam no ke-nulupta o ageta ko.
God iyo ilami titil uta ku-nalata, bagang-kale numi iibak tem kegal ogok afaligen uyo kem kwep top so kem-nama kale minte, numi beten weng uyo, “God kabo bota kanubelal o,” age-nulup e minte, nulumi aget fugunin uta, “God iyo bagang-kale boyo kanube-nama bele o?” age no kelan-temup uyo kubaganuta, imi kubak daa kanubelan-tema bole, uta uta ke unanbu tam iinon-temu kale,
Kale am amem kafin diim albu boyo felep yak abiil tigiin God imi am amem umi diim tosu kale, Krais iyo tam tinum ilimi sagaal tuup ulotu am desip umi abiin amem kutam umaak tam-nalata, nuyo dong dogobesaala binim kale, no Aatum iyo dagalita, yagal bilip imi yuum uyo takan kepmak o age-nalata, fen ki no abiil tigiin no-nalata, kamano koyo God imi tibit diim kal alba ko.
Kale bilip imi ulotu kemin kuguup sugayok waafuu bii-silip bota tebe-nuluta, kafalebeluta, nuyo am kaa daansu komi kamaa kuguup umi aget uta fugun-bulup kale, numi utamup boyo ki, ulotu kemin kuguup boyo unang tinum bilip iyo God imi deng tebe-bom min, ilimi fengmin umi aget iluum uta fugun-bom mufekmufek uyo kulep tal ulotu am kutam kal God imi kuga-em-nuubip kuta, mufekmufek kwiin tagang bota tebe-nuluta, ulotu kemin tinum imi aget tem uyo telela kobeluta, mitam atin tambalanepmomu binim kale,
Sanasan