Galesia 3:5 - Telefol

⁵ God iyo intaben o age-nalata, ilami Sinik Tambal iyo ipmi dobe-nala e minte, ilipmi diim kugol ogok win so uyo ke-bom no kemsa a? Ilami aget fugunin uyo, Moses imi ulo tuluun waafubip bota o age-nalata bele ki? Umbae. God ilami weng tambal tinangkulipta, boyo aafen kalaa agan-bilip bota o age-nalata kuba.

Galesia 3:5 Iomraidhean Croise

Aposel 14:3

Kale alop iyo finanin binim Kamogim Yesus imi sang uyo unang tinum imi baga-e-bom bom-bilip e, Kamogim tebe alop imi dong dogopmata, kuguup ugulumi migik maak telelalipta, unang tinum iyo boyo utamipta e, alop iyo God imi kuguup tambal kobe dong daga-em-nuuba umi sang uyo aafen dam bagan-bilip kalaa agelip e, alop iyo Aikoniam kugol siit ilugo-nilipta, kayop maagup min, alop min uyo undulip ko.

Fol tebe Rom kutam imi suuk kon dola kobesa uta ko 10:17

Kale nuyo utamupta e, God imi ogok tubulin tinum ita tebe God imi weng numi baga-e-bilip boyo Krais imi sang kalaa age-nulupta, tinangka-bulupta, weng boyo tebe numi aget tem uyo kufu-e-buluta, Krais imi ilak uyo dugan-nuubup kalaa age utamup ko.

1 Korin 12:10

maak iyo mitam God imi Sinik imi titil uta ku mirakel ko age kuguup ugulumi migik migik uyo ke-bala, minte maak iyo mitam titil uta ku God imi weng kupka-emin uyo dagaa ku yang kanu-bala, minte maak iyo utamata, boyo Sinik Tambal kalaa, sinik mafak kalaa agan-bala, minte maak iyo abiip maak imi weng utamamin binim uyo baga-bala, maak iyo weng migik migik uyo tinangku fupkela kup-kiit mo ipkumal iyo baga-e-bala no kem-nuubip kale,

2 Korin 10:4

alugum waasi dinan-kalin umi mufekmufek ko waafubup boyo kafin diim komi mufekmufek ugo ba e minte, nulumi titil uta ku waasi uyo dinanbaalup no kale, God imi titil kwiin kiim uta ku-nulupta, waasi boyo dinan-bulup ko. Kale nuyo God imi titil bota ku-nulupta, Kristen numi waasi Saatan imi titil uyo kubaganu kupkabelan-temup kale,

2 Korin 12:12

Kale nimi aget tem uyo olsak tebe-bom daal tebemin binim, titil kup faga-nilita, niyo ipmi iibak tem uyo bong kup faga-bom-nilita, Krais imi kalaan tinum imi ogok kwiin tagang uyo kwep no ipmi iibak tem uyo ke-bilita, utamipta e, Fol beyo aafen Krais imi kalaan tinum kalaa age-silip kale, boyo ki, ipmi diim uyo yak mirakel ko age kuguup ugulumi migik migik uyo ipmi iibak tem uyo mitam tebeluta, ibo kumang mo utamipta e, God imi ogok so imi titil so uyo kulbu kalaa agan-bii-silip ko.

2 Korin 13:3

Kale ibo bogopne-nilip, “Kafalebelapta, utamupta, Krais iyo kapmi bon tem uyo tiin mo-bom-balata, ilami alaang weng uyo bagan-balap kalaa agelum o,” agan-bilip aga? Son-temu nala nimi tal ipmi fengmin bomi yan kebeli utaman-temip uyo, ipkil atin utamipta e, Krais imi weng uyo Fol imi kupka-e-balata, ita alaang weng boyo ku-nalata, baga-e-be kalaa nagon-temip kale, Krais iyo tebe-nalata, ipmi fengmin umi yuum uyo nangkaal yan kepman-temaala kale, atin kaal fuyap afalik uyo fomtuup kobelata, ibo ogen uyo utaman-temip ko.

2 Korin 3:8

God imi Sinik Tambal imi kamaa weng de ko-se umi kwep tal kufo-se umi dong uta uta ke-nuluta, unang tinum imi aget tem uyo kefobe-nulu e, siin umi dong uyo kubaganu kupka-suu kale, umi dong uyo daak daak unom binimanan-temaalu binim kale, amiit ti-suu ko.

2 Korin 9:10

Kale tinum iyo unan-kalin san uyo fagaga-bilipta, God iyo tiin mo-bala sengan-nuluta, unan-kalin kwiin tagang uyo abu-buluta, unan-nuubip kale, mungkup, Korin kasel ipkil Kristen unang tinum migik iyo misiim dong daga-eman-temip uyo, God ita ipmi kuguup tambal boyo tiin mo-bala sengan-nuluta, tebe Kristen unang tinum kwiin tagang iyo dong daga-eman-temu kale minte,

Galesia 3:2

Kale niyo weng maagup maak uta kup ibo dagalan-temi kale, God iyo intaben o age-nalata, ilami Sinik Tambal iyo ipmi dobe-se a? Moses imi ulo uta atin tol kup waafulip kalaa age-nalata, God iyo dobe-se bele minte, God imi weng tambal uta tinangka-bomta boyo tuluun kalaa agelip kalaa age-nalata, ibo ilami Sinik Tambal iyo dobe-se a?

Filipai 1:19

Niyo utamita e, ibo nimi beten kene-bilip e minte, Yesus Krais imi Sinik Tambal iyo dong dagane-bom no ke-balata kale, kanupmin mufekmufek mafak ko mitam talbu bota dong dogopnelu tambaliim nan-temi kalaa age-nilita, deng kup taban-bon-temi ko.