Galesia 2:8 - Telefol

⁸ tam God iyo tebe Fita iyo titil kobela kalaan tinum imi ogok uta waafu-nalata, Juda kasel imi iibak tem kutam iin-se kale, ulutap niyo God yagal tebe titil kopnelata kalaan tinum imi ogok uyo waafuu kwep-nilita, tam unang tinum miit migik migik imi iibak tem uyo ogok kem-nuubi kale,

Galesia 2:8 Iomraidhean Croise

Aposel 1:8

ipmi mufekmufek uyo ki, suuk nala God imi Sinik Tambal tal ilipmi diim abela ipso nan-temip uyo, titil fagalan-temip kale, kota ibo no abiip Jerusalam une-bala, alugum Provins Yuudiya une-bala, unanbu yang Provins Samaria une-bala, alugum kafin kaa kutufosu koyo une-bala une-bala ke-nilipta, ipmi nita-bilip kanumin kanumin kanum-nuubi umi sang uyo baga-em tam tam tiineman-temip o,” agan-kala ko.

Aposel 15:12

Kale kam agan-kala e bole, alugum iyo sining age-bom-silip e, Banabas so Fol so alop iyo baga-emip kale, alop imi weng boyo, alop no asit kek kek tinum imi finang no tamip God tebe dong dogobela mirakel ko age kuguup ugulumi migik maak telela-bii-silip umi sang uta baga-e-bilipta, tinangkamip ko.

Aposel 19:26

ipkil tinangku kupkaa utamsip kale, tinum Fol beyo Efesis kasel so mep so alugum Provins Esia kasel migik so kwiin tagang iyo fomtuup bogobe-nala e, ‘Sinik Demitrius ninggil ilimi sagaal tuup telelam-nuubip boyo fen god ba o,’ age uget taga-bala kup-kagan-nak-bilip kale,

Aposel 21:19

Fol iyo bilip imi weng umobe imka-nala e, imi God imi weng ku asit kek kek imi baga-e-bala God tebe kanumin kanumin kafalem-nuuba bomi sang uyo baga-ema ko.

Aposel 22:21

Kamogim isiik bogopne-nala e, ‘Niyo kamdali unanbu no-nalapta, asit kek kek imi diim unon-temap kale, kabo kupkaa daaginaal o,’ agela o,” age-nalata, Fol iyo kam agan-kala ko.

Aposel 4:4

Kuta unang tinum kwiin tagang iyo alop imi weng uyo tinangku-nilipta, Yesus imi ilak uyo dolip kale, tinum kwiin tagang iyo mitam talta kem unanbu topta afaligenan ko-suu umi tikimin ulumi kup uyo ki 5,000 uyo kalbu ko.

Aposel 9:15

Kamogim isiik bogobe-nala e, “Kabo unaal a. Beyo nimi ogok kenemin tinum kale, nagal ulaa dulita, beyo no unang tinum asit kek kek so bilip imi kamok king maak maak so Israel kasel so imi finang no-nalata, nimi sang uyo baga-emak o age-nilita, ulaa duli kale,

1 Korin 15:10

nimi kanube bom kaa albi boyo, God iyo ni-filin daa dong dogopnelata, mitam ilami kalaan tinum ke-sii kale, God imi ni-filin daala mitam ilami kalaan tinum ke-sii uyo dum ito-suu kale, nimi God imi weng ku unang tinum fomtuup ulaa kupka-emin uta tam so kelu e minte, Krais imi kalaan tinum migik imi fomtuup ogok kemin uta malaak so ke no ke-suu kuta, ogok boyo nagal kanum tebesaali kale, boyo God imi titil uta kupkane-bom-nalata, yagal, “Boyo kanumal o,” agan-balata, kanum tebesi ko.

1 Korin 9:2

Tinum bilip imi aget fugunin uyo, Fol beyo Krais imi kalaan tinum ba o nagan-bilip kuta, boyo tiimin ba kale, ipkil utamsip kale, niyo Krais imi kalaan tinum kale, kek kek iyo ipmi kamaa kuguup ke-bilip boyo utamipta e, Fol beyo fen Kamogim Yesus imi kalaan tinum ke-bomta kafale-balata, ko kanu-bilip kalaa agan-nuubip ko.

Galesia 3:5

God iyo intaben o age-nalata, ilami Sinik Tambal iyo ipmi dobe-nala e minte, ilipmi diim kugol ogok win so uyo ke-bom no kemsa a? Ilami aget fugunin uyo, Moses imi ulo tuluun waafubip bota o age-nalata bele ki? Umbae. God ilami weng tambal tinangkulipta, boyo aafen kalaa agan-bilip bota o age-nalata kuba.

Kolosi 1:29

Nimi aget fugunin uyo, bilip iyo dong daga-eman o agan-bom-nilita, ogok boyo fomtuup kem tebesi kale, nimi ko bong fagan tebesi boyo Krais yagal titil afek kopnelata, kanum tebesi ko.

1 Tesalonaika 2:13

Numi tebe God imi weng kwep no ipmi baga-emsup uyo, tinangku-nilip e, ibo utamipta e, boyo tinum numi bon tem weng ba kale, God ilami weng kalaa age-nilipta, ibo fomtuup utamipta, fen kalaa age-nilipta bole, God imi ilak uyo dolipta, God imi weng uta tebe ibo dong dogobeluta, God imi ilak dolin unang tinum ibo te tam titil fagaa tol kup unang tinum ke-silip kalaa age-nulupta, God iyo, “Suguul o,” agan-kalin uyo kupka-em-nuubup ko.