Filipai 4:8 - Telefol

⁸ Kale nimi nugumal ibaa. Weng anung maak bogobelan-temi uyo kalbu ko. Ibo ipmi aget fugunin uyo tele tiin mo-bom-nilipta, kupkek kupkek ke-bom-nilipta, kuguup tambal umi aget uta kup fugun-bom-nilipta o ageta kale, kanube ibo kanumin kanumin kuguup koyo utamipta e, bisop bagamin kuguup binim kalaa, tol kup tebesu kalaa, ninak binim kalaa, komi deng taban-bomip kalaa, win tambal tebesu kalaa, atin tambal tebesu kalaa, komi tok bagan-bomip kalaa agelip umdii, alugum kanupmin kanupmin kuguup umi aget uta kup fugun-bom-nilipta o ageta ko.

Filipai 4:8 Iomraidhean Croise

Matyu 22:16

bole tam ilimi okumop man sino minte King Herot imi ipkumal sino iyo imdalip no Yesus iyo daga-nilip e, “Kafalemin tinum kabaa. Nuyo katamsup kale, kabo win soyaap tinum sino win binim tinum sino iyo kuguup tambal uyo maagup kupka-e-bom-nalap e minte, kabo tinum iyo maak imi atul uyo finan-nuubaalap kale, kabo suun kup dam weng uta kup baga-e-bom-nalap e, God imi weng so imi kuguup, ‘Kanumin o,’ agan-be so uyo ku-nalapta, fen tuluun weng uta kup unang tinum iyo kafale-bom no kem-nuubap kale,

Luk imi tebe Yesus imi sang dola kosa uta ko 16:15

Yesus iyo bogopma, “Ibo unang tinum imi tiin diim uyo kuguup tambal uta kup ki waafu-bom-bilipta, unang tinum iyo ipmi tok uyo baga-em-nuubip kuta, God yagal utamata, ipmi aget tem bubul tem uyo tambal kalaa, mafak kalaa agan-nuuba ko. Kale unang tinum iyo ipmi kanupmin kuguup bomi tok uyo bagan-nuubip kuta, God imi tiin diim uyo ipmi kuguup ko kanum-nuubip boyo kuguup mafak waafusip kuba.

Luk imi tebe Yesus imi sang dola kosa uta ko 2:25

Kale kota abiip Jerusalam kayaak maak imi win uyo Simeon kale, beyo tinum tambal e minte, God imi ilak kup duga-bom God imi kuguup waafu-bom kemin tinum kale, beyo bomta, God iyo Israel kasel imi iluum uyo kupkan kepma kalaa agelan o age fen-nuuba kale, God imi Sinik Tambal iyo isino bom-nala

Luk imi tebe Yesus imi sang dola kosa uta ko 23:50

Kale tinum maak bemi win uyo Josep o agan-nuubip kale, beyo Provins Yuudiya umi abiip Arimatea kayaak kale, beyo tinum tambal tol kup tebesa kale, beyo unang tinum imdep tam God ilami daam tem daa tiin molan-tema umi am daan tolon-temu umi fen-nuuba ko. Kale beyo Juda kasel imi kamok kamok imi tinum kuta, alugum kamok kamok bilip iyo weng bagan-bii bogolip, “Yesus iyo daalup yak Rom kasel imi diim abelata, angkolip kaanak o,” age-nilip e, weng telelalipta minte, Josep beta, “Waago o,” ageba ko.

Jon imi tebe Yesus imi sang dola kosa uta ko 7:18

Tinum iyo maak ilami aget fugunin weng kup bagan-be umdii, beyo, ‘Kanu-bilita, unang tinum bilip iyo win kufop-namin o,’ agan-be minte, tinum iyo maak, God nimdala ti-sii bemi win kufobelan o agan-be umdii, beyo weng bisop bagamin binim, tol tinum ko.

Aposel 10:22

bogobe-nilip e, “Konilius iyo waasi dinan-kalin tinum ilimi kup 100 imi tiin molin tinum kale, beyo fen tinum tambal e minte, God imi deng tebemin tinum no kale, alugum Juda kasel iyo bemi tok uyo bagan-nuubip kale, amsinta God imi ensel maak tal bogobe-nala e, ‘Weng kwaalap no Fita imi diim abeluta, tal kalapmi am tal-nalata, imi weng umaak bogopkelata, tinangkulal o,’ kagelata, Konilius iyo imdala tulup o,” agelip ko.

Aposel 22:12

“Kale God imi ilak dolin tinum maak bemi win uyo Ananayas kale, beyo Moses imi ulo uyo tele waafusa kale, alugum Juda kasel Damaskus kugol nin iyo bogo-nilip e, ‘Beyo tinum tambal o,’ agan-nuubip kale,

Aposel 6:3

nugumal ipkil ipmi tinum iyo fen-bomta, waantap waantap ita win tambal bogobelip alba min, God imi Sinik tambal tebe dong daga-e-bala ogok tambal ke-be min, kuguup tambal utamsa kalaa agelip umdii, ita ban kal ululipta, nugol tinum ban kal bilip imi bogobelupta, kanupmin ogok boyo waafulin o ageta ko.

Fol tebe Rom kutam imi suuk kon dola kobesa uta ko 13:13

Kale numi tiinemin tonamin uyo, tinum kem diim ku-tele tiineba ulutap ke-bom-nulupta, nuyo kutaang tebe-bom ok mafak uyo un-bom ilum ilum kemin ba. Nuyo sa uyo daga-bom e minte yak kuguup mafak mafak fitom kup tebesu uyo kemin ba. Minte nuyo olsak kup tebe-bom e minte, tinum migik imi mufekmufek uyo tingine-bom no kemin ba kale,

Fol tebe Rom kutam imi suuk kon dola kobesa uta ko 13:3

Kale gavman bilip iyo bom, kafale-bulupta, tinum kuguup tambal waafulin ita, finanin o age-nilipta ba kale ki, kafale-bulupta, kuguup mafak waafulin ita finan-bom-nilipta, kuguup mafak uyo kupkalin o age-nilipta, kafale-bom sok dinan-bom kem-nuubip kale, kabo, tam gavman bilip imi atul uyo finanin binim kelan o agan-balap a? Agan-balap bole, kuguup tambal uta kup waafu-bom-balapta, gavman iyo kapmi win uyo kufuke-bilipta o ageta ko.

Fol tebe Rom kutam imi suuk kon dola kobesa uta ko 14:18

tinum iyo Krais imi ogok ke-emin tinum ke-nala ogok boyo waafula umdii, God iyo tebe, “Bemi kuguup boyo tambaliim o,” agela e minte, tinum kek kek igil mungkup, “Beyo tinum tambal o,” age no keman-temip ko.

Fol tebe Rom kutam imi suuk kon dola kobesa uta ko 2:29

God imi tinum iyo kanumin kale, God imi ilak uyo dolata, God imi Sinik iyo te yak imi aget tem iinom aget tem uyo telela kupka-emin kale, God iyo bemi ogen aalap min bemi kaal ugaa dupkan ke-emin boyo tiim-nuubaala kale, Sinik imi aget tem alba kwek ita kup tiim-nuuba kale, tinum iyo God imi ilak uyo dola umdii, beyo tinum imi tiin diim uyo win tibin kelan-temaala kale ki, beyo God imi tiin diim uta win so kelan-tema ko.

1 Korin 4:5

Kale umi am uyo daan mitam tilin-tem koyo, ibo ipkumal imi kuguup uyo utafi-e-bomta, dogonupmin umi kuguup uta waafubip kalaa agan-kalin ba kale, ibo Kamogim imi fen-silipta, yagal tal-nalata, alugum mufekmufek yang mililep tem waansu uyo kulep mitam ilagenin diim to-nalata, kota alugum tinum unang imi aget fugunin uyo kwep mitam kufobela kemanu kupkabelan-tema kota, God iyo alugum maagup maagup numi ogok kem-nuubup umi sang uyo, “Tambal kem-nuubip o, mafak kem-nuubip o,” age baga-eman-tema ko.

2 Korin 13:7

nuyo utamupta, ibo fengaman-temip kalaa age-nulupta, God iyo aman duga-e-bom-nulupta, dong dogobelapta, kuguup tambal kemin o agan-bomup kale minte, numi aget fugunin uyo, ibo kuguup tambal uta kup kanu-bilipta, kek kek iyo itam bogo-nilip, “Fol ninggil bilip iyo tebe Korin kasel iyo tambaliim kafale-bilip kale, utamupta, ninggil iyo fen Krais imi kalaan tinum kalaa agan-bulup o,” age numi tok uyo bagamin o aganbaalup kale, numi aget fugunin uyo, Krais imi kalaan tinum numi titil uta ku-nulup no alaang weng ipmi baga-emin binim kelupta minte, ipta ilipmi aget fugunin uta kup mitam kuguup tambal uta ke-bilipta o agan-bulup ko.

2 Korin 6:8

Kale tinum iip maak maak ita numi win uyo kufak daga-e-bilip e minte, iip maak maak ita numi win uyo kufu-e-bilip e minte, iip maak maak ita weng mafak uyo nuyo baga-e-bilip e minte, iip maak maak ita yang tinum migik iyo bogobe-nilip e, “Fol ninggil bilip iyo kuguup tambal kup ke-bilip o,” agan-bom no ke-bilipta, iip maak maak imi aget fugunin uyo, “Ninggil bilip iyo bisop bagamin tinum o,” agan-nuubip kuta, nuyo fen tuluun weng uta kup bagan-nuubup kale,

2 Korin 8:18

nuyo duup maak daalup Tatias so alop no tilip kale, tinum beyo alugum abiip maak maak imi Kristen unang tinum imi tiin diim uyo God imi weng tambal uyo tambaliim kup kupka-e-bala utama-bom-nilipta, bemi deng uyo taban-bomip kale minte,

2 Korin 8:21

Kale numi aget fugunin uyo, nuyo Bisel imi tiin diim uta kup tol kuguup boyo kemin ba kale, unang tinum imi tiin diim ugol mungkup kuguup tambal uyo ke-bom no ke-bom-nulupta o agan-bulup ko.

Galesia 5:22

Kale minte God imi Sinik tebe kuguup tambal uyo kwep mitam daagan-nuuba boyo kulbu ko. Tam ipkumal i-filinin min, deng tebemin kuguup min, aget tem bilili agan-kalin min, tiin itama-bilip ipkumal tebe imi mufekmufek fengemin kuguup min, ipkumal dong daga-e-bom kuguup tambal kupka-emin min, kuguup tambal uyo kup-kagamin binim suun kup waafulin kup kemin min,

Efesis 4:25

Kale alugum ibo bisop bagamin kuguup uyo kupka-nilipta, kanumin kanumin sang uyo tuluun uta kup ipkumal Kristen kek kek iyo baga-e-bom-nilipta o ageta kale, alugum nuyo dam maagup umi atuk atuk ke-bom albup kale, tuluun weng uta kup baga-bom-nulupta o ageta ko.

Efesis 6:14

Kale kabo mo-nalap fikolan-temap uyo kalbu kotam. Kabo tam waasi dinan-kalin imi ol tiil uyo ku migilip nagat molu tambaliim dinbip ulutap ke-bom-nalapta, tuluun weng uta kup baga-bom-nalapta, tambaliim bom-balapta o ageta kale, waasi dinan-kalin imi ilim ko age naam kwaak kalilipta, un uyo tal bubul uyo bigipman-temaalu binim kale, ulutap kale, kabo te tam kuguup tambal waafulan-temap uta tebe-nuluta, kapmi tiin kafan sinik uyo de kubaluta, tambaliim nan-temap e minte,

Filipai 3:1

Nimi nugumal ibaa. Weng migik maak kufolan-temi uyo kalbu ko. Kale weng siin bogobe-sii boyo niyo fitom binim e minte, daal binim no ke asok kufopmita, ibo dong dogopmu kaal binim bom-bilipta o ageta dolalan-temi kale, ibo Kamogim Yesus imi deng uyo taban-bilipta o ageta ko.

Kolosi 4:5

Kale ibo, unang tinum Krais imi ilak dolin-tem imi tiin diim uyo intap intap nulum o agelip uyo, aget uyo tambaliim kup fugun-bom atin tambal kup ke-bilipta o ageta kale, ibo, ilep uyo albu kalaa agelip uyo, bisop uyo nin ba kale, Krais imi sang uyo unang tinum iyo baga-e-bomta bom-bilipta o ageta ko.

1 Timoti 3:11

aa mungkup imi kalelal igil win tambal so ke-bom-nilip e minte, umik tem weng uyo bagamin binim ke-bom-nilip e, imi tiinemin tonamin uyo tele utama-bom-nilip e, tol kup tebesu kuguup uyo kup-kagamin binim, suun kup waafu-bom no kemin unang imi imagal ita maak ulaa imdulin o ageta kale,

1 Timoti 3:4

imi kalel man iyo atin tambaliim kup tiin mo-bom kafale-bala man iyo aalap iyo aget tambal kobe-nilip imi weng uta kup tinangka-bom no kemin tinum ita maak ulaa dulal o ageta ko.

1 Timoti 4:12

kabo kamaa man kuta, iyo, bisop tinum ko kage-nimip kale, kabo weng tambal uta kup baga-bom-nalap e, kuguup tambal uta kup waafu-bom-nalap e minte, kapkumal imi aget kupka-e-bom-nalap e, Krais imi ilak kup duga-bom-nalap e minte, fengmin binim, kuguup tol kup tebesu uta kup waafuu no ke-bom kafale-balapta, God imi ilak dolin iyo kapmi kuguup tambal tambal boyo utamipta e, nugol kanupmin kuguup kanuman-temup uyo felepman-temu kalaa age-nilipta, igil mungkup kanu-bom-nilipta o ageta ko.

1 Timoti 5:10

ogok tambal tambal ke-bom win so ke no ke-suu kalaa age-nalapta, kabo kanupmin unang bilip imi win uta kup dole-bii ko-nalapta, ibo tiin molin o ageta kale, ogok tambal tambal kem tebesu boyo ki kamaki kutop uyo ulumi man iyo tambaliim kup tiin mo-bom-nulu e, fital tilip iyo tiin mo-bom-nulu e, Kristen iyo telele-bom-nulu e, unang tinum aget iluum ku-bom albip iyo dong daga-e-bom-nulu e, ogok migik migik tambal tambal uyo ke-bom no kemin unang bilip imi win uta kup dole-bii ko-nalapta o ageta ko.

1 Timoti 5:2

unang afek afek iyo kalapmi kogen umi weng kem kupka-ebap ulutap ke-bom-nalap e, man unang amaat iyo weng tambal uta kup baga-e-bom kalapmi kabinangal imi weng kem kupka-ebap ulutap ke-bom no ke-bom-nalapta o ageta ko.

Taitas 1:8

waantap ita tinum asit iyo tal imi am e tala telela tiin momin min, kuguup tambal uta kup waafulan o agan-kalin min, aget tambal fugunin min, fen tinum kasagim min, God imi kuguup uta kup waafunamin min, fenga kolan o angba uyo aget uyo tele fuguno kup-kagamin min,

Taitas 2:14

siin uyo fengmin tebe nuyo sok de imolin kesuta bole, Yesus imi aget fugunin uyo, talkan kebe-nilita, unang tinum imi fengmin uyo alugum diing daabelita, mitam nalami unang tinum aligaap kepne-nilipta, kuguup tambal uta mogop kup waafulin o age-nalata, numi yuum tem uta diin-nalata, kaan-se ko.

Taitas 2:2

Minte, “Tinum usom usom iyo ki ok mafak uyo suun kup unan-bii ilum ilum kemin ba kale ki, dukmen-bom e minte, aget tambal fugun-bom e minte, God imi ilak dugamin so e minte mogop tebemin so uyo fomtuup waafuu kwep tebe-bom no kemin o,” agan-bom-nalapta, kafalemal o ageta ko.

Taitas 2:7

Kale kapkal ki kanumin kanumin uyo alugum tambaliim kup kanumin kup ke-balapta, unang tinum igil kanu-bom keman-temip kale,

Taitas 3:14

Kale numi Kristen unang tinum bilip iyo kanube bisop kugol bom-nilip e, God imi kuguup uyo kupkabip kemin kale, bilip iyo titil fagaa ogok tambal kup ke-bom-nilipta, ipkumal mufekmufek duumatanip iyo bilip ita tebe dong daga-eman-temip bota kuguup tambal kale, bota tele dagaa kulin o ageta ko.

Hibru 11:2

Kale sugayok olal bii-silip bilip iyo utamipta, God imi weng kam agela boyo fen kanubelan-tema kalaa agan-bilipta, God iyo bogo-nala, “Bilip imi aget tem ko kam agan-bilip boyo tambaliim o,” agan-bii-se ko.

Hibru 13:18

Kale numi aget tem uyo utamupta, God imi tiin diim uyo tol kalaa age-nulupta, nuyo suun tol kup tiinemum o agan-bulup kale, ibo God iyo aman duga-e-bilip nuyo dong daga-e-balata, kanumum o ageta ko.

Jems 1:27

Aatum God iyo dogonupmin tinum ita atamata, beyo atin fen Kristen kesa kalaa agon-tema a? Iyo? Tinum iyo mulkon man min, unang kaluun min bong fagan-bilip iyo dong daga-e-bom-nala e minte, yagal kuguup mafak tebe, dufak daalan o agan-bo uyo titil fagaa tol kup ke-bom no kemin tinum beta kuba.

Jems 3:17

Kale minte aget fugunin abiil tigiin ilo talan-nuubu boyo ki atin aget fugunin tambal kup tebesu kale, bomi kuguup waafuu tinum kanum-nuubip uyo ki, ipkumal so dinan-kalin binim aget kobina tala ke-bom-nilip e, bet tebe-bom-nilip e, ipkumal imi weng uyo tinangka-bom-nilip e, ipkumal inal o age kuguup tambal uyo suun kup ke-e-bom-nilip e, ipkumal iyo alugum maagup kuguup tambal kupka-e-bom telele-bom-nilip e, imi kuguup tambal kanum-nuubip uyo bisop bagamin binim tuluun kup kanu-bom no kem-nuubip ko.

1 Fita 1:22

Kale ibo Yesus Krais ilami tuluun weng uta tinangku waafu-nilipta, ibo maak so kuguup mafak umi aget uyo fugunbaalip binim kale, ipmi aget tem uyo ninak binim atin alugum tambalan-suu utamta, ibo, Kristen unang tinum migik iyo bisop duup kelup o agina tala kemin ba kale, atin duup kiina tala ke-bom-nilipta o ageta kale, ibo aget maagup uta kup ku-nilipta, dital fagaa Kristen unang tinum iyo aget kobina tala ke-bom-nilipta o ageta ko.

1 Fita 2:12

ibo unang tinum God imi ilak dolin-tem albip imi iibak tem umi nip uyo, kuguup tambal uta kup waafu-bom-nilip e, tol kup bom-bilipta, iyo tebe ibo weng mafak kupka-e-bom-nilip, “Ibo kuguup mafak ke-bilip o,” agan-kalip uyo, iyo utamipta e, ibo kuguup tambal uta kup waafubip kalaa agelan-temip kale, son-temu nala God imi tebe unang tinum yegeman-tema uyo, bilip iyo bogobe-nilip e, “Nugol kuguup mafak uyo waafulup e minte, Kristen ita God iyo tebe dong daga-e-bala kuguup tambal uyo waafulip no kesup o,” age-nilipta, God imi win uyo kufu-eman-temip ko.

1 Fita 4:8

Kale kaa bogobelan-temi koyo mufekmufek kwiin kiim kale, umi ilep uyo kalbu kotamin. Ibo Kristen unang tinum migik imi aget kup ugaa kwaa-bom-nilipta o ageta kale, bomi magam uyo ki, ibo kanube God imi unang tinum imi aget uyo atin ki ugaa kwaalip umdii, bilip imi fengmin uyo alugum kup-kaga-eman-temip ko.

2 Fita 3:1

Kale atin nalami duubal ibe. Siin kamaki uyo suuk kon maak dola kwaabeli no ti-suu kale minte, aaltam kota maak uyo kwaabeli no tal no keluk o ageta dola-bii kale, suuk kon alop kwek umi tem boyo ki, mufekmufek maak umi sang uyo asok bogobe-nilita, ipmi aget fugunin uta dong daga-e-bilita, tambalanepmuk o ageta suuk kon maak uyo kwaali no ti-suu kale minte, maak koyo kwaali no tal no keluk o ageta kale, mufekmufek sang dola kobeli boyo ki,

1 Jon 3:18

Numi mulup tan ibe. Numi nugumal iyo aget kobelup ko age bisop weng uta kup baga-emin ba e minte, bon uta kup tagamin ba no kale, numi aget aa bubul aa uyo ki i-filin daa-nulupta, numi nugumal bilip iyo ki inal o age telele-bom dong daga-emum o ageta ko.

1 Jon 3:3

Kale alugum unang tinum bomi utam-nilip Yesus imi fen-bilip bilip iyo ilimi aget tem uyo tiin molipta, Krais imi aget tem fengmin binim, tambaliim kepmu alba ulutap kepmu nuubip ko.

1 Jon 4:1

Atin nugumal ibe. Tinum bisop bagamin kwiin tagang iyo kafin diim komi abiip maak kugol na na bom albip kale, iyo bisop bogobe, “Nuyo God imi weng bagan-bulup o,” agan-bilip kale, ibo imi weng uyo tinangku waafunamin ba kale, ibo bilip imi sinik igalak bala iyo atam dup-kugu-nilipta, “God imi diim ilep ti-se bele o?” age atam dup-kugu-bom-nilipta o ageta ko.