Filipai 3:19 - Telefol

¹⁹ Kale ilimi dam ilak do kanumin boyo imi god ilatap kebesu kale, fitom binim kuguup so kutaang so uyo waafuu som, kafin diim umi mufekmufek aget uta kup ugaa kwaa no kem-nuubip kale, bilip iyo suun at kenamin umi dong tem iinom binimanan-temip ko.

Filipai 3:19 Iomraidhean Croise

Matyu 16:23

Yesus iyo fupkela katam fen Fita iyo tele atama-bom an-togon-bom-nala e, “Kabo God imi aget fugun-be ulutap uta fugunbaalap binim kale minte, kafin diim komi tinum imi aget fugun-bilip ulutap uta fugun-balap kale, kabo tuum ilep kal bom-bulu tinum yang bomi diim yaan kwek mo bimbeng daa kumen daak aban-nuubip umi tuum ulutap ke-bom kabo nimi ilep uyo ugaa kwaapnelan o age-nalapta, kam agelap kale, kabo nimi waasi Saatan imi kuguup ulutap uta kupkane-balap kale, kupkalal o,” age-nala e minte,

Matyu 25:41

“Kota fupkela afaan ilo keng fen-nili e, unang tinum mafak imi bogobe-nili e, ‘Sugamiyok kota God iyo abiip maak suun at kenamin kusino telela ko-nala e, bogo-nala kano, “Saatan isino ensel mafak ilami ogok kemin tinum kesip sino iyo imdali no at suun kenamin abiip kugol suun kup nan-temip o,” agesa kale, boyo ilipmi kuguup mafak bota God iyo ibo umik ugobesa kale, ibo nimka-nilipta, no abiip suun at kenamin kuunin a.

Luk imi tebe Yesus imi sang dola kosa uta ko 12:19

Son-temu nala am bomi binimanu kupkalan-temi uyo, aget fugun-bom-nili e, ‘Misam ke nimi mufekmufek kwiin tagang uyo tii keli kale, kota bii atol yamyam ke-nilita, kun fingka-bom-nili e minte, unan-kalin kwiin tagang unan-bom-nili e, ok mafak kwiin tagang unan-bom no ke-bom-nilita, deng tebeman o,’ agelan-temi kalaa age kanupmin aget uyo fuguna ko.

Luk imi tebe Yesus imi sang dola kosa uta ko 16:19

Yesus iyo do weng maak bogo-nala e, “Siin uyo tinum mufekmufek soyaap maak iyo tambaliim kup ton-bom-nala e minte, ogok kemin binim ke-bom-nala e, suun kup ilim tambal migik migik uta kup migi-bom-nala e, iman tambal uta kup unan-kalin kup ke-bom no kem-nuuba ko.

Luk imi tebe Yesus imi sang dola kosa uta ko 18:4

Kale tam kamaki uyo weng telelmin tinum iyo dong dogopmin binim kupkala kuta, siit ilugo-nala e, kota aget fuguno-nala e, ‘Niyo God imi atul uyo finanin binim ke-bom-nili e minte, unang kaluun bomi kaal ilak uyo dugamin binim ke-bom no ke-bii kuta,

Fol tebe Rom kutam imi suuk kon dola kobesa uta ko 16:18

kanupmin tinum bilip iyo numi Kamogim Krais imi ogok uta kem-nuubaalip binim kale, ilimi aget fugunin uta kup waafuu kwep te te bom-nilip e, unang tinum, kuguup mafak waafulaalup o agan-bilip iyo bisop bogo bilip imi tok uyo baga-bom-nilip e, kaal fong weng kup baga-e-bom ke-bilipta, dam ko agan-nuubip ko.

Fol tebe Rom kutam imi suuk kon dola kobesa uta ko 6:21

kamano koyo ipmi siin kuguup bomi fitom uyo tebebebu kale, ibo bomi tem ku-tele intaben intaben mufekmufek tambal umaak ku-silip a? Umbae. Bo binim kale, kuguup boyo atin kaanamin umi kuguup kwep mitam daagamin umi kuguup uta kulbu kale minte,

1 Korin 3:3

bomi magam uyo ki, ibo siin umi kuguup mafak uta waafu-bom-nilipta ki, ipkumal aget mafak kupka-emin kuguup min, wengaal digin-kalin min uyo ipmi diim kal albu kale, kanupmin kuguup ko kanu-bilip boyo siin umi kuguup uyo kulbu e minte, kafin diim komi kuguup uyo kulbu no kale,

1 Korin 5:2

Kale ibo kuguup mafak bomi deng uta taban-bilip aa. Ibo kanupmin aget boyo kupka-nilipta, tinum ko tebe kanupmin kuguup waafuba bemi fitom uyo ku-nilipta, ipso ninggil ninggil ke-bom ulotu kemin ba kale, fot tebelip daaginak o ageta ko.

1 Korin 5:6

Kale ipmi tinum mafak bemi deng taban-bilip boyo tambaliim ba kale, boyo yiis ko age bret fitimin ulutap kale, katip tagaa daalap yak bret iibak tem iinon-temu uyo, bret uyo alugum fitolan-temu kale mungkup, kabo kanupmin aget fugunap umdii, tinum unang migik iyo utam-nilip e, igi kuguup mafak bomi deng uyo tebeman-temip kale, boyo ibo utamsaalip aga?

2 Korin 11:12

Kuta ipmi tinum bogo-nilip, “Nuyo Yesus imi kalaan tinum o,” agan-nuubip kulip iyo ilimi win uta kufu-bom ipmi bogobe-nilip, “Fol ninggil imi kuguup kanu-bilip kulutap uyo kem-nuubup o,” agan-kulum o agan-bilipta minte, niyo utamita e, kulip iyo ogok ke-bom tisol kwan-bilip kalaa age-nilita, tebe-nili imi aget kanupmin fugun-bilip bomi ilep uyo namdabelan o age-nilita, nimi tisol kwaamin binim bisop God imi ogok kem-nuubi boyo kupkalan-temaali kale, kanube kemin kup ni ko.

2 Korin 11:15

Agesu kale, kanube Saatan imi ogok kemin tinum igil mungkup ilimi kuguup uyo fupkela kup-kiit kup-kalaak ke-bilip God imi ogok kemin tinum imi kuguup tambal ulutap ke-bilip uyo, nuyo utam kumang saanin ba kale, son-temu uyo, bilip imi kuguup mafak kanu-bilip bomi yan uyo felebelu kulan-temip ko.

Galesia 6:13

kafalemin tinum kulip iyo kam agan-nuubip kuta, tinum imi kaal ukan kebelip nuyo atin Juda kasel kelup o agan-nuubip bilip iyo fen Moses imi ulo uyo atin tambaliim kup waafusaalip kuta, kafalemin tinum kulip imi aget fugunin uyo, “Titil fagaa baga-e-bulupta, numi weng uyo tinangku imi kaal uyo ukan kebelipta, bota kek kek iyo numi tok uyo bagamin o,” age-nilipta, bilip iyo titil faga-bom ibo baga-em tebesip ko.

Filipai 2:21

alugum kek kek tinum imi aget fugunin uta ilimi mufekmufek aget uta kup ugaa kwaa-bom-nilipta, Yesus Krais imi ogok boyo waafusaalip ko.

Kolosi 3:2

Minte ibo Krais imi diim kal feba kamaa unang tinum kelipta, God iyo tiin molata, kaal binim albip kale, ibo tinum imi kaan-nala kafin diim komi mufekmufek kupkaa uneba ulutap ke-silip kale, kafin diim komi mufekmufek umi aget uyo asok ugel kalagamin ba kale, abiil tigiin umi mufekmufek umi aget uta kup ugel kalaga-bom-nilipta o ageta ko.

2 Tesalonaika 1:9

Kale kanupmin unang tinum bilip imi kanu-bilip bomi saanin uyo kanubeta kale, Kamogim Yesus imi tolon-tema uyo, bilip imi kaal fuyap kobelan-tema boyo binimanamin binim suun kup nan-temu e minte, imi tiin diim uyo fot tebela imdala yang iinom-nilip e, ilami titil afek ku dong daga-emin uyo maak so utaman-temaalip binim ko.

2 Tesalonaika 2:12

unang tinum alugum dok ita God imi tuluun weng tinangkulin-tem ke-nilip ilimi kuguup mafak umi aget uta ugel kala-bom fomtuup waafuu kwep tabon-temip uyo, God iyo bogobe-nala e, “Ibo kuguup mafak waafusip kale, bomi kalan uta kaal fuyap uyo kopman-temi o,” agelan-tema ko.

2 Tesalonaika 2:8

Kale God imi tebe tinum ilep ugaa kwaagan-be bemi dupkan kelan-tema kota, maak fagaa God imi weng kwaasulemin miit kayaak iyo meng kem diim e talata, unang tinum iyo alugum ataman-temip kuta minte, Kamogim Yesus imi tolon-tema uyo, ilami weng afek titil tebesu so ilami dong ko age atanim kefobu ulutap so uta tebe tinum be angkolu binimanan-tema ko.

1 Timoti 6:5

suun kup wengaal digin tiine-bom no ke-bomip ko. Kale kanupmin weng kafalemin tinum mafak bemi aget fugunin uyo mafaganebesu kale, God imi tuluun weng uyo tele utamin-tem ke-nalata, weng migik uta kafale-bom, “God imi weng o,” agan-nuuba kale, imi aget fugunin uyo, God imi weng uyo kafale-bilita, tisol saane-bilip mani soyaap kelan o agan-nuuba ko.

2 Timoti 3:4

duup iyo kululip yak waasi imi sagaal diim abelip yan-bom-bilip e, intap intap nulum o agelip uyo aget tambal uyo fugunin binim yuut kanu-bom-nilip e, ilimi titil tii-bom, “Nuta kup o,” agan-bom-nilip e, bisop kugol deng kup taban tiinemin bomi deng kup tebe-bom suun fen tiine-bom-nilip e, God imi aget kupka-emin binim ke-bom-nilip e,

Jems 4:16

kupka-silip kale, ipmi fagaang tebe-bom, ilipmi win kufu-bom, ilipmi tok bagamin boyo kuguup mafak ko.

2 Fita 2:1

Kale sugayok uyo tinum iip maak maak maak Israel unang tinum imi iibak tem kulaak-tele mitam-nilip e, bogolip, “Nuyo God imi weng kem baga-emin tinum o,” agan-bilip kuta, bilip iyo bisop baga-emsip kale, mungkup ulutap son-temu uyo, tinum iip maak maak iyo Kristen ilipmi iibak tem kulaak-tele mitam mo-nilip e, “Nuyo Krais imi sang uyo baga-emup o,” agan-kalon-temip kuta, bilip iyo bisop bagaman-temip kale, kafalemin tinum bilip iyo ibo bisop bogo filto-e-bom-nilip e, atin weng mafak mafak uyo kwep mitam daalip e, weng bota tebe-nulu e, ibo ifak daalan-temu kale, Kamogim iyo tebe bilip iyo mo-se kuta, Kamogim iyo umik ugobe no ke-nilipta, igil kanumin kup ke-bom bom-silipta, yuut God iyo tebe ifak daala binimanan-temip ko.

2 Fita 2:13

Kale bilip iyo tebe aget iluum uyo ibo kupka-em-nuubip kale mungkup, God isiik tebe bilip iyo aget iluum so kaal fuyap so uyo kopman-tema ko. Kale bilip iyo fen-silip mililanuta, iman uyo un-bom min, ok mafak kwiin tagang uyo unan-bom min, sa daga-bom min kem-nuubaalip kale, taap so mililep so kanumin kup kem-nuubip kale, bilip imi aget fugunin uyo, kanupmin kuguup boyo numi aget tem umi deng tebemin kupka-emin uyo kulbu o age-nilipta, kanum-nuubip kale, fitom binim ke ipmi bisop bogo filto-e-bilipta, imkalipta, tam ipsino ton-bom komiyon unan-nuubip kuta, bilip imi kanumin kanumin kanum-nuubip boyo atin kuguup mafak fitom tebesu kuguup uta kanum-nuubip ko.

2 Fita 2:3

kafalemin tinum bilip iyo fen tinginmin tinum kale, ilimi bisop bagamin weng kwiin tagang uta baga-e-bom-nilip e, tebe ipmi mani min, mufekmufek uyo kwaa-eman-temip kuta, sugayok uyo God imi tebe yega dobela maagalo kelan-temip umi am daanan-temu uyo kota kalaa age telela kosa kale, iyo agaal unsaala binim kale, bilip iyo ifak daali binimanan-temip uta kup kalaa age fen-bom alba ko.

Jut imi suuk kon dola kosa uta ko 1:10

tinum ko no ipmi iibak tem iinbip bilip iyo mufekmufek bomi magam utamsaalip umi sang uta weng mafak uyo bagan-nuubip kale minte, kuguup iip maak maak uyo utamsip kuta, bilip imi aget fugunin boyo kong kayaam imi aget fugunin tambal binim ulutap uta ke-bom kanu-bilipta, kanupmin kuguup bota tebe atin ifak dagan-nuubu kale,

Jut imi suuk kon dola kosa uta ko 1:16

Kale tinum mafak no ipmi iibak tem iinbip bilip iyo bubun-bom-nilip e minte, umik tem weng baga-bom-nilip e minte, ilimi aget fugunin mafak ilimi aget tem ilo mitam migik kebelu uyo waafulin kup ke-bom-nilip e, weng yamyam baga-bom ilimi win uyo kufu-bom-nilip e minte, nugumal imi tok uyo bogobelupta, igil ilimi mufekmufek uyo numi kobelin o age-nilipta, ipkumal imi tok uyo baga-e-bom no kemin tinum ita kulbip ko.

Revelesen 18:7

Kale abiip Babilon boyo unang kamok ulutap kale, uyo ton-bom aget fugun-bom-nulu e, ‘Niyo kamok unang ko age kwiin kale, abiin tambal kup tonbi kale, son-temu uyo, niyo unang kaluun umi aget iluum ku-nulu aget afek kup fugunbu ulutap uyo kelan-temaali o,’ agan-bom-nuluta, mufekmufek tambal kwiin tagang uyo afeta-bii fagaa kupkaa ket kon tambal kup tii-bii kupka-nulu e, atin tambal kup tonu kuta, ipmi tebe kaal fuyabok afalik kobelan-temip uyo, ulumi kuguup mafak kanum-nuubu bota kobelipta, tii kelan-temu ko.

Revelesen 19:20

Kale Krais hos daang kun diim tonba iyo yol ok kumun tem umi dimduum iyo aafuu sok de do som-nala e minte, kafin tem umi dimduum ko age bisop bagamin profet iyo aafuu no ke sok de imola alop iyo kaanin-tem bom-bilip e, imdala unanbu daak suun at kenamin umi tem kulaak iinip ko. Kale suun at kenamin boyo tuum naam uyo mimin fuu-bom mangan-nuluta, dela daak ok muk ibolin tap ke-nuluta, kulagal suun kup at kena-bom tang mafak kuun-bom ke-bomu kale, bomi iibak tem kulagal nan-temip ko. Kale bisop bagamin profet beyo yol ok kumun tem umi dimduum imi ogok ke-emin tinum ita kale, yol ok kumun tem umi dimduum iyo imi titil kiim uyo kobela uyo, imi tiin diim kal bom-nalata, iyo mirakel ko age kuguup ugulumi migik migik ke-bom bisop weng baga-bom no ke-balata, unang tinum kwiin tagang iyo imi weng boyo tinangka-bom-nilip e, ilep tol uyo kupkaa yang asit abe fengamip kale, yol ok kumun tem umi dimduum imi namba ko age win felep yak ku tosu uyo tibit kun diim dola-silip kale, imi sinik telela kwep daasip umi deng uta tebe-bom aman duga-emsip ko.

Revelesen 21:8

waantap ita fitom tebe-bom e minte, finan-bom no ke-bom nimi weng uyo unang tinum iyo baga-emin binim kema min, waantap ita, God imi aget fugunin tambal uyo waafulaali o age umik ugobela min, waantap ita kuguup mafak waafu-bom ban dugama min, waantap ita tinum aama min, waantap ita sa dagama min, waantap ita ok kikit ifol-bom timon daga-bom bil duga-bom no kema min, waantap ita men amem so mufekmufek umi sinik telela kosip so umi deng uyo tebe-bom aman duga-ema min, waantap ita weng bisop baga-ema umdii, nita bilip imi abiip uyo telele-bii kale, imdali unanbu daak ok muk ibolin tap ke-bom suun at kena-bom tang mafak kup kuun-bomu umi tem kulaak iinom binimanan-temip boyo amiit kaan atin binimanamin uyo kulbu o,” age God iyo bogopnela ko.

Revelesen 22:15

Kuta minte niyo imkalita, tinum kuguup mafak waafu-bom ban dugamin so, tinum ok kikit ifol-bom timon daga-bom bil duga-bom no kemin so, sa dagamin unang tinum so, tinum aamin tinum so, tinum men amem so mufekmufek umi sinik telela kosip so umi deng uyo tebe-bom aman duga-emin so e minte, tinum suun weng bisop bagamin so bisop bagamin kuguup kanumin so iyo maak mitam nimi abiip uyo mitam tolon-temaalip kale, iyo tam sep kugol nan-temip ko.