Filipai 1:26 - Telefol

²⁶ asok niyo no ipmi dong daga-em no tolon-temi boyo ki, ibo nimi deng kup tebe-bom-nilip e, Yesus Krais imi win uyo kufu-bom no keman-temip ko.

Filipai 1:26 Iomraidhean Croise

Jon imi tebe Yesus imi sang dola kosa uta ko 16:22

Kale kamano koyo ibo unang kumun so bomi aget iluum ulutap kulan-temip kale, siit ilugolin tap ke-nilita, tal ibo itamita, ipmi aget tem uyo deng afalik kup tebeman-temip kale, ipmi deng so ifup so boyo waanta fegelebelan-temaala binim ko.

Jon imi tebe Yesus imi sang dola kosa uta ko 16:24

Kale siin uyo ibo nimi win tolop diim uyo Aatum imi mufekmufek sang umaak dagagan-nuubaalip kuta, kamano kaa tibip kota, nimi win tolop diim o age-bom-nilipta, Aatum iyo suun kup dagaga-bilipta, kupka-e-balata, ipmi aget tem uyo deng kup tebe-bilipta o,” age Yesus iyo baga-ema ko.

2 Korin 5:12

Kale weng kaa baga-e-bulup koyo, ninggil nulumi win uta kufu-bulupta, ibo utamipta, bilip iyo tinum tambal o agelin o age-nulupta ba kale, numi aget fugunin uyo, tinum iip maak maak iyo tebe ilimi aget fugunin mafak albu uyo kuba-nilipta, ilimi tok uta baga-bom, “Nuyo Juda kasel aligaap, minte God imi ulotu uyo suun kup kem-nuubup no o,” agan-bom-nilip e minte, ninggil numi ogok ke-bulup uyo umik tem weng uyo baga-e-bom no ke-bilip kalaa age-nulupta, ibo bilip imi diim uyo numi deng uyo tebe-bom bilip imi umik tem weng baga-e-bilip uyo ibo tii yan kepmin o age-nulupta, numi ogok sang koyo dola-bulup ko.

2 Korin 7:14

Kale siin uyo niyo ipmi tok uyo Tatias imi diim kal bagamsi kale, Tatias imi no ti-se uyo, ibo itamata e, Korin kasel kalip imi kuguup uyo fen Fol imi weng bogopne-se ulutap uyo waafusip kalaa age tal bogopnelata, bota fitom umaak kulin-tem ke-nilita, deng kup taban-nak-bii kale,

2 Korin 7:4

Kale Tatias iyo weng kwep tala tinangkulita e, ibo fen God imi kuguup uta kup waafubip kalaa age-nilita, ipmi deng kup taban-bii kale, alugum kuguup mafak mafak suun tal numi diim aban-nuubu kuta, bota tebe aget iluum afek umaak kopnesaalu kale, niyo deng afalik kup taban-bii ko.

2 Korin 7:6

God iyo tinum aget iluum kuba iyo telela dola mitam bilili agan-kalin tinum kale, iyo tebe Tatias iyo daala tal numi diim abelata, bota God iyo tebe numi aget iluum ke-bulup uyo telela kobelata, bilili mo-suu kale,

Galesia 6:4

Kale alugum unang tinum maagup maagup iyo ilimi kuguup uyo utamipta, tambal kalaa, mafak kalaa agan-bom-nilipta o ageta kale, kanube utamipta, ilimi kuguup uyo tambaliim kalaa agelip bole, ilimi kuguup bomi deng uyo tebe-bom-nilipta o ageta kuta, yak ilimi kuguup uyo kwego som, ipkum imi kuguup uyo kwego no ke iliba imkamin ba ko.

Filipai 3:1

Nimi nugumal ibaa. Weng migik maak kufolan-temi uyo kalbu ko. Kale weng siin bogobe-sii boyo niyo fitom binim e minte, daal binim no ke asok kufopmita, ibo dong dogopmu kaal binim bom-bilipta o ageta dolalan-temi kale, ibo Kamogim Yesus imi deng uyo taban-bilipta o ageta ko.

Filipai 3:3

Kristen nuyo utamupta e, kaal ukan ke-emin kuguup boyo nuyo dong dogobelan-temaalu kalaa agan-nuubup kale, God ita kup nuyo dong dogobelan-tema kalaa age-nulupta, ilami unang tinum aligaap ke-sulup ko. God imi Sinik ita dong dogobelata, God iyo aman duga-e-bom-nulup e, Yesus Krais imi deng tebe-bom, tok baga-bom, win kufu-e-bom no kem-nuubup ko.

Filipai 4:10

Kamogim Yesus iyo bo kopnelata, utamita e, boyo magam so kalaa age-nilita, deng afalik taban-bii kale, umi magam uyo utamita e, ibo siin uyo nimi aget do-bom, dong dogobelum o agan-bii-silip kuta, ilep binim kalaa age ilep dilin-bom kupkasipta, kamano kota ilep so kalaa age-nilipta, ibo dong dogopnebip kalaa age-nilita, deng taban-bii ko.

Filipai 4:4

Ibo Kamogim imi deng boyo suun kup deng tebe-e-bom-nilipta o ageta kale, niyo aa asok maak so bogobelan o ageta kale, “Deng tebemin o,” agan-bii ko.