Filemon 1:23 - Telefol

²³ Epafras iyo Yesus Krais imi ogok ke-be bomi kalan uta sok de dolip niso alba kale, yagal weng umopke no kela e minte,

Filemon 1:23 Iomraidhean Croise

Fol tebe Rom kutam imi suuk kon dola kobesa uta ko 16:7

maak uyo kwep no Andronikus so minte Junias so alop bilip imi kobe no kelin o ageta kale, alop bilip iyo niso ninggil maagup Juda kasel kale, God imi kalaan tinum iyo tebe alop bilip iyo win tambal kup kupka-e-bomip kale, niso ninggil sok de imolip bii-sulup kale, bilip isiik Krais imi ilak uyo dolipta, nita aaltam Krais imi ilak uyo dosi ko.

Kolosi 4:10

Kale Aristakus iyo niso sok de imolip alop albup kale, iyo ibo weng umobela e, Banabas imi alak Jon-Mak yagal mungkup weng umobe no kelip kale, kanube Jon-Mak beyo no tala umdii, bemi sang uyo siin ko kobe-sii kale, mungkup dep no daa tiin molip sokta o ageta ko.

Kolosi 4:12

Kale Epafras aa yagal mungkup ibo weng umobe no kela kale, beyo mungkup ilipmi tinum kale, begal Yesus Krais imi ogok waafulin tinum kale, ibo suun kup dong daga-e-bom God iyo fomtuup aman duga-e-bom-nala e, “Aatum God kabo bilip iyo dong dogobelap bilip imi kapmi ilak dugamin uyo senganuta, man mitam fito kola ilatap ke titil fagaa mo-nilip e, bilip imi aget tem uyo titil faga-nilipta, God kapmi, ‘Bota kanumin o,’ agan-balap uyo tele utam ku-nilipta o,” age-nalata, aman daga-em tebesa ko.

Filemon 1:1

Numi bubul Filemon kabo nuubap aga? Yesus Krais imi sang baga-em tebesi umi kalan uta sok de namolip tebesi niyo Fol nita kale, numi duup Timoti iso alop nuyo suuk kon koyo dola kopkelum o ageta ko. Nimi weng umobeli koyo ku-nalap Kristen unang tinum kapmi am ulotu kem-nuubip bilip iyo weng umobe-nalap e, Apia sino Akipus so migim iyo weng umobe no kelal o ageta kale, kabo niso alop Krais imi ogok maagup kemin tinum kapta kale, Apia boyo nulutap Kristen e minte, numi unang no kale, Akipus begal nulutap Saatan isino dinan-bom Krais imi ogok ke-bom kaal fuyap utamamin tinum no ko.