Filemon 1:20 - Telefol

²⁰ nimi nugum kapso niso alop nuyo Krais imi ilak do-sulup kale, nugum kabo Kamogim imi titil diim ilep nimi dagali, “Kabo Onesimus iyo du-nalap tiin molal o,” ageli boyo kanubelapta, deng tebelan o ageta ko.

Filemon 1:20 Iomraidhean Croise

1 Korin 16:18

ipmi weng uyo kwep tal nitabip bota nimi aget tem uyo deng tebe-bili e minte, ipkil mungkup deng taban-bilip no ke-bulup kale, kanupmin tinum bilip imi deng uyo tebe-bom-nilipta o ageta ko.

2 Korin 2:2

ipmi deng uta kup tebeman o agan-bii kuta, kanube nimi no tolon-temi bole, ibo aget iluum tebepmu e minte, nagal mungkup aget iluum tebepne no kelan-temu kale, ipmi finang uyo no tolon-temaali o agelita, albu ko.

2 Korin 7:13

Kale ipmi kuguup ko kanumsip bota tebe-nuluta, numi aget tem uyo dagaa kwaabelu bilili age-suu ko. Kale numi aget tem uyo bilili agan-kalin uta kup kemsaalup kale minte, utamupta, alugum ibo tebe Tatias imi aget tem uyo dagaa kwaabelip bilili age deng taban tala kalaa age-nulupta, nugol atin deng kup tebe-bom no kem-nak-bulup ko.

Filipai 1:8

Kale nimi alugum ipmi aget kup kobesi umi magam uyo ki, Yesus Krais iyo ipmi aget kobe yaafulin kup boma kale, ulutap nagal mungkup ipmi aget kobe yaafulin kup bom-nilita, itaman o age no kesi kale, God iyo nitamata e, aafen tuluun weng bagan-be kalaa nageba ko.

Filipai 4:1

Kale atin ki nimi duubal ibaa. Nimi weng kaa bogobeli boyo ibo tinangku waafu-bom-nilipta, Kamogim Yesus imi kuguup waafusip boyo titil faga-bomta o ageta ko. Nalami atin duubal ibaa. Niyo ipmi aget kup kobe-bom-nilita, atin no itaman o agan-bii ko. Kale niyo ipmi mufekmufek kanu-bilip umi deng uyo taban-bom isal kegal albi kuba.

Filemon 1:12

Kale Krais imi kalan sok de namolip albi koyo, nugum kabo tal dong daganeman agin kuta, kapmi ilep uyo binim kale, nimi bubul Onesimus beyo dupkali nisino bom-nala kapmi olang uyo ku-bom dong daganemak o agan-bii kuta minte, niyo kamkek kili-nili, “Asok daalap tal dong daganemak o,” agelan-temaali kale, kalapmi aget fugunin uta kup waafu-nalapta, kanubelal o agan-bii kale, kapmi, “O,” agelan-temap uta kup kanubelan-temi kale, kamano koyo asok kapmi daap-kami no tolon-tema ko.

Filemon 1:7

Nugum kabaa. Kapmi kapkumal Kristen unang tinum imi aget kobebap bota tebe-nuluta, niyo kapmi aget afek fugun-bomi uyo takan kepneluta, deng taban-bii kale, mungkup kabo alugum God imi unang tinum kulbip iyo dong daga-e-balapta, igil mungkup deng taban-bilip ko.

Hibru 13:17

Kale Kristen ipmi kamok kamok iyo ibo dong daga-e-bulup tambaliim bom-bilip bomta o age-nilipta, ibo suun kup tiin mo-bomip kale, biilan-temu uyo, ilimi ogok kem-nuubip bomi sang uyo alugum God iyo kupka-eman-temip kale, kanube aget iluum tebe-bom ibo tiin molip umdii, boyo tebe ibo dong dogopman-temaalu binim kale, ibo bilip imi afak tem iinom imi weng kup tinangka-bom-nilipta o ageta kale, kanube ibo bota kanuman-temip uyo, aget iluum tebeman-temaalip binim kale, bilip imi ogok bomi deng uta tebe-bom ogok boyo tambaliim kup waafulan-temip ko.

1 Jon 3:17

Kale kanube tinum kafin diim komi mufekmufek soyaap iyo maak ipkum mufekmufek duumatanba iyo du-filinin binim kela umdii, beyo God imi ilak dosaala binim iyo kulba ko.

3 Jon 1:4

Niyo tinangkulita, bogo-nilip e, “Kapmi okumop man iyo God imi tuluun weng uyo waafubip o,” agan-bilip kalaa agan-kali umdii, deng kup taban-nuubi kale, nimi kanupmin okumop man kulip imi deng taban-nuubi boyo nimi mufekmufek migik migik umi deng taban-nuubi uyo kubaganuta, uta uta kebu ko.