Efesis 6:4 - Telefol

⁴ Minte aalabal ibaa. Ibo man iyo suun kup alaang weng min uyo kupka-e-bilip man iyo olsak tebe-emin ba kale, tambaliim kup tiin mo-bom-nilip e, Kamogim Krais imi weng uyo kafale-bom-nilip e, kuguup mafak ke-bilip uyo yege-bom no ke-bom-nilipta o ageta ko.

Efesis 6:4 Iomraidhean Croise

Efesis 6:3

weng kwep daasa kwek uyo bogo-nulu e, “Tinangkamap umdii, tambaliim kup bom-nalap e, kafin diim koyo iibilip unelan-temap o,” agesu ko.

Kolosi 3:21

Aalabal ibaa. Ipmi man bilip iyo alaang weng uyo baga-emin kup ke-bilip imi aget uyo mafak mafak ke-emu umdii, imi God imi ilak dugamin uyo kwaalip kot iinon-temu kale, ibo kanu-emin ba ko.

2 Timoti 1:5

niyo kapmi Yesus imi ilak dugamin umi aget uyo fuguno utamita e, kabo bisop bagamin binim, dam Yesus imi ilak uyo dugan-balap kalaa agan-bii kale, kapmi kogenok Lois usiik kanube Yesus imi ilak uyo dolu e minte, kapmi kogen Yunis ugol mungkup kanube imi ilak uyo do no ke-silip kale, niyo tele utamita e, kapkal kanube imi ilak uyo do no ke-salap kalaa agebi ko.

2 Timoti 3:15

maak kusino utamsap kale, kabo siin uyo man katip bom-nalap kota, God imi weng tol kup tebesu dolasip uyo utaman tam tam tebesap kale, kanupmin suuk kon tem weng bota tiki-balapta, weng bota tii aget fugunin tambal kuguup uyo kopkeluta, utam-nalapta, Yesus Krais imi ilak uyo dolapta, bota God iyo tebe telela kamolan-tema ko.