Efesis 5:28 - Telefol

²⁸ Kale ulutap kale, tinum ibo ilipmi kaal umi ilak do tambaliim tiin mobip ulutap ke ipmi kalelal imi ilak uyo do telelemin o ageta ko. Kale tinum so ilami kalel so agam iyo maagup kale, tinum iyo ilami kalel umi ilak do tambaliim tiin mola umdii, bomi tem ku-tele beyo ilami kaal kuso tiin molan-tema kale,

Efesis 5:28 Iomraidhean Croise

Matyu 19:5

God iyo bogo-nala e, “Agam maagup kesip bota, tinum iyo tebe unang uyo kulan-tema uyo, tinum iyo ilami ogen so e aalap so iyo imka-nala e, yak imi kalel umi diim kal du-mola e bole, agam iyo maagup kelan-temip o,” agesa o,’ agesu kale,

Efesis 5:25

Minte tinum unang digin ibaa. Ibo Krais imi unang tinum numi aget kup ugel kala-nala ilami kaal sigim ke-nala numi ilim bo-se ulutap ke kalelal imi ilak kup do tambaliim tiin mo-bom-nilipta o ageta kale,

Efesis 5:29

tinum iyo maak ilami kaal aa dam aa uyo utafinon-nuubaala kale, ilami kaal umi ilak uyo do-bom ilami dam uyo unan-kalin uyo kupka-e-bom-nala e, tambaliim kup tiin mo-boma kale, ulutap kale, Krais yagal mungkup ilami dam ko age Kristen unang tinum nuyo tambaliim kup tiin mo-boma ko.

Efesis 5:31

Kale God imi suuk kon tem weng uyo bomi sang uyo bogo-nulu e, “Tam tinum iyo ogen aalap iyo imkaa yak kalel umi diim kal febala e, agam iyo te tam dam maagup ulutap kelan-temip o,” agesu kale,

Efesis 5:33

alugum maagup maagup ipmi sang ugol mungkup kam agesu kale, tinum ibo ilipmi kaal umi ilak do tambaliim tiin mobip ulutap ke ipmi kalelal imi ilak uyo do telele-bilip e minte, kalelal igil imagal imi weng uta kup tinangka-bom no ke-bom-nilipta o ageta ko.

1 Fita 3:7

Aa mungkup, tinum unang digin ipkil utamsip kale, unang bilip imi titil uyo tinum ipmi titil ulutap ba kale, ilipmi kalelal iso bom-nilipta, tambaliim kup tiin mo-bom-nilipta o ageta kale, ipkil utamsip kale, God iyo tebe ipso ilipmi kalelal iso maagup telele-bom-nala e, imdep meng ilami abiip daala suun kup nan-temip kale, ibo imi aget uyo fugun-bom telele-bom-nilipta o ageta kale, ibo kanupmin kuguup bota waafulan-temip uyo, ipmi kuguup mafak umaak tebe-nuluta, ipmi beten keman-temip umi ilep uyo tonan-temaalu binim ko.