Efesis 2:19 - Telefol

¹⁹ Kale tinum miit maak ibo Krais imi ilak uyo do-silip bole, ibo maak so fital man min, tinum migik min ke nan-temaalip kale, ibo God imi unang tinum imi milii iyo kulbip e minte, God imi mulup no.

Efesis 2:19 Iomraidhean Croise

Matyu 10:25

kanube skul man iyo yagal te tam ilami kafalemin tinum ilatap kela boyo tambaliim e minte, kanube ogok kemin tinum iyo yagal te tam ilami kamok ilatap kela boyo tambaliim no ko. Kale waasi bilip iyo bisop bogopne-nilip e, ‘Beyo sinik mafak imi kamogim Belsebul ko age Saatan ita o,’ nagebip kale, mungkup ulutap bilip iyo tebe nimi okumop man ipkil bisop baga-e-bom-nilip e minte, ipmi win uyo kufak daga-e-bom no keman-temip o,” age Yesus iyo ilami okumop man imi baga-ema ko.

Galesia 6:10

Kanum tabon-temu kale, kanube dok kota utamupta, ilep so kelu kalaa agelup uyo, alugum unang tinum iyo kuguup tambal uyo kupka-e-bom-nulup e minte, unang tinum te tam Kamogim Yesus imi ilak dolin ita fomtuup kup kupka-e-bom no ke-bom-nulupta o ageta ko.

Efesis 2:12

Ipmi kanube bii-silip uyo, ibo Yesus Krais imi diim umaak feba biisaalip kale minte, ibo God imi tinum miit miton imi atuk igi ba kale, ibo tinum migik utamta, Juda kasel iyo bogobe-nilip e, “Ibo fital man o,” agan-bii-silip kale, sugamiyok uyo God iyo weng kwep daa bogobelata, Juda kasel iyo tal mep so tilip ninggil ulimal maagup bii-silip kuta, ibo kutam iyo ipso biisaalip ko. Ipmi kafin diim kaa bii-silip uyo, ibo God imi diim umaak feba biisaalip e minte, ibo aget umaak fugunota, suun tambal kup ton bon-temup kalaa agan-biisaalip no kale, ibo bisop maagalo ilum ilum bii-silip ko.

Efesis 3:15

Alugum abiil tigiin kasel so alugum kafin diim kasel nuso nuyo tinum yagalami miit maak kela kela kesup kuta minte, Aatum God beyo alugum numi miit kayaak iyo kulba kale,

Efesis 3:6

Kale God imi aget fugunin yang waansu uyo ki, fugun-bom-nala e, “Tinum miit migik iyo nimi weng tambal uyo tinangku yak nimi Man Yesus Krais imi diim uyo febalan-temip kota, niyo tambal kup telela imo imkaa Juda kasel imi te tam Krais imi ilak dolip telela imkabi ulutap kelita, tinum miit alop iyo dam maagup ke-nilipta, nimi mufekmufek sang bogo, ‘Kanubelan-temi o,’ age kwep daasi uyo kulan-temip o,” age-nalata, God iyo aget fuguno waafusata ko.

Filipai 3:20

Kale minte nuta abiil tigiin unang tinum kebup kale, fen-bulupta, numi dong dogobela waalan-sulup tinum Kamogim Yesus Krais yagal abiil tigiin ilo tal-nalata,

Hibru 11:13

Kale Abel so Noa so Abraham so iyo utamipta, God ilami weng boyo fen kanubelan-tema kalaa age-nilipta, bota kup waafuu kwep tam tam top kaana kaana ke-bii-silip kale, God imi bogo-nala, “Mufekmufek tambal kobelan-temi o,” age-se boyo kafin diim komi bii-silip uyo bilip iyo boyo kusaalip binim kale, bilip iyo tinum imi utamipta, boyo simanim kal talan-bo kalaa angbip ulutap ke-bom-nilipta, deng taban-bii-silip kale, weng uyo tol bogo-nilip e, “Nuyo ise kafin kaa albup koyo abiip maak tinum ilitap ke-bom albup kale, nuyo kuun tinum kale, tal kafin diim koyo bii ilugolan-temaalup o,” agan-bii-silip ko.

Hibru 13:14

Kale nugol utamsup kale, kafin diim koyo numi suun abiip afalik umaak albaalu kuta, nuyo son-temu nala suun abiip ko age mitam tolon-temu bota fen-bulup ko.

1 Fita 2:11

Atin ki duubal ibaa. Kafin diim koyo ibo tinum fital imi kuun tal albip ilitap ke-bom albip kale, niyo ibo weng uyo fomtuup bogobelan-temi kale, siin kuguup ipmi aget tem albu uyo tebe God imi Sinik Tambal ipmi aget tem alba so wengaal digin-bilip kale, ibo siin kuguup ipmi aget tem albu umi tebe biinga imtamo yang daalu kuguup mafak uyo kanu-bilip boyo alugum umik ugobe kupka-nilipta,

1 Jon 3:1

Ibo botamin. Aatum God iyo numi aget uyo fomtuup kobe-bom, “Ibo nimi man o,” agan-be kale, aafen kale, botamin. Kale kafin diim kasel unang tinum kuguup mafak waafulin iyo God iyo tele atamin binim kesipta, bilip iyo ilami man nugol mungkup itamipta e, God imi man kalaa agan-nuubaalip no ko.