Ibo fengmin tinum kuta, ibo mufekmufek tambal uyo ipmi man kuga-em-nuubip kale minte, ipmi Aalap abiil tigiin kayaak God yagal atin ki tinum tambal kale, yagal atin mufekmufek tambal uyo ilami man ipmi kuga-em-nuuba kale, ilami kuga-emin kuguup uta uta kesu kale, ibo dagalan-temip uyo, yagal imi Sinik Tambal iyo dep malaak dong dogopman-tema o,” age Yesus iyo baga-ema ko.
Efesis 1:13 - Telefol13 Kale Efesis kasel ibo Juda kasel ba kale, ibo tinum miit maak kale, ipkil mungkup God imi tuluun weng tambal uyo tinangku-silip kale, umi ki God imi tebe ipmi ilim bobelan-tema umi sang uyo bogobelup ibo tinangku-nilipta, Krais imi ilak uyo do-nilipta, imi diim kal tebesip kale, God iyo, ilami Sinik Tambal iyo unang tinum iyo dobelan-temi o age weng kwep daasata, ilami Sinik ita ibo dobe-nalata, faal fagak kolin tap ke-se kale, Faic an caibideil |
Efesis 1:13
38 Iomraidhean Croise
tinangkulin. Siin Aatum imi bogo-nala, ‘Nimi Sinik iyo ipmi dobelan-temi o,’ age-se iyo kota nagal ipmi daapmi no tolon-tema kuta, ninggil ibo abiip miton katam kal nin kup bom-silipta, abiil tigiin kayaak God imi Sinik iyo no ipmi diim uyo abe-nalata, imi titil uyo ibo kobelata o,” age baga-ema ko.
Kale sugayok uyo God iyo Moses imi ulo kobelata, ita kwep no unang tinum kafalebela bii-silip kale, top am ko daan-suu kota, God iyo itamata e, tele waafulin binim kelip kalaa age-nalata, Yesus Krais iyo daala tal dong daga-e-bom kuntuk saane-bom ilami kuguup tambal so bet bubul so tol kup tebesu kuguup so uyo nuyo kafalebelata, waafu-sulup ko.
Ibaa. Ibo kuun iman sang daa binimamin bomi aget uyo ugel kalagamin ba kale, ibo suun nin umi iman unelip dong dogobelu suun kup nan-temip bota kup fen-bom-nilipta, bomi aget uta kup ugel kala-nilipta o ageta kale, Aatum God iyo ulaa nimdu-nala e, kanupmin iman bomi kuga-emin umi ogok uyo kwaap-nama mek Mo Tibil imi Man nimi diim abe-suu kale, ibo kanupmin iman boyo dagalip uyo, nita kopman-temi o,” agela ko.
Kale imi Aalap God iyo dufola fen tigi molata, dep tam-nalata, ilami sagaal ipkuk diim umi mep so daa-nala e bole, kamano koyo sugamiyok God tebe ilami Man Yesus imi bogobe-nala, ‘Nimi Sinik Tambal iyo kapmi unang tinum imi dobelan-temi o,’ agesa uta kanube-nalata, daala malaak numi diim abe dong daga-e-be kale, numi weng migik migik utamsaalup umi baga-bala baga-bala ke-bulup itaman-bilip min tinangkan-bilip boyo God imi Sinik bemi ogok uta ko.
Kale niyo God imi weng tambal bomi deng uyo deng kup taban-nuubi kale, boyo dok uta ba kale, God imi weng tambal boyo ilami titil maak uyo kulbu kale, boyo tii tebe alugum unang tinum mitam imi ilak dolip iyo imdep meng daa-numu kale minte, Juda kasel maak isiik Krais imi ilak do-nilip e, tinum asit kek kek ita aaltam imi ilak do no kelipta, God iyo tinum miit alop bilip iyo imdep meng ilami miit tem daa-se kale,
Abraham imi kaal uyo ugaa dupkan kebelin-tem kelip som-nalata, God imi weng kwep daapnela boyo fen kanubelan-tema kalaa agela kalaa age-nalata, God iyo bogobe-nala, “Kabo tol tinum kelap o,” age-se kale, Abraham imi kaal ugaa dupkan kebe-silip umi dul uyo tebe Abraham iyo kafalebeluta, utamata e, God iyo nimi nimdu-se bomi magam uyo nimi aget fugunin uyo, God beyo fen kanubelan-tema kalaa age-sii uyo kulbu kalaa age utam-se kale, tinum iyo dok ita kaal ugaa dupkan kebelin binim kuta, God imi ilak dolip God iyo bogobe-nala, “Ibo tol kup tinum kelip o,” agela umdii, bilip imi Abraham imi kamaki God imi ilak dosa ulutap kelip bota Abraham imi man ilop ilitap kebelan-temip ko.
God iyo alugum nuyo kafalebela tele utamupta e, nuyo ilami unang tinum aligaap kalaa age-sulup kale minte, God ilami Sinik Tambal iyo dobela numi aget tem kal alba kalaa age-nulupta, boyo atin utamupta e, God imi, “Mufekmufek migik maak atin kup kopman-temi o,” age-se boyo atin nuyo kobelan-tema kalaa agan-bulup ko.
Kale Krais imi aget fugunin uyo, “Kanubelita, tinum miit maak maak iyo nimi diim kal febalipta, God ilami Abraham imi weng kwep daabe-se umi waafusa ulutap kebe-nalata, yak tinum miit maak bilip iyo imdep tam ilami daam tem daa kuguup tambal kupka-emak o,” age-nala e minte, “Kanubelita, Aatum God iyo utamata e, bilip iyo nimi ilak dolip kalaa age-nalata, ilami Sinik dobelan-temi o age-se beyo nuyo dobelak o,” age-nalata, Krais iyo nuyo mo-se ko.
Kale ibo ipkumal iyo weng mafak uyo kupka-e-bom God imi Sinik Tambal iyo aget iluum uyo kupka-emin ba ko. Kale God imi Sinik Tambal ko ipmi diim alba beyo God tebe ipmi faal fagak kobe-se ulutap kale, ibo bo utamipta, nuyo aafen God imi unang tinum iyo kalbup kalaa age, son-temu uyo, God iyo sok talaa imdalata, nuyo iluum binim kelan-temup kalaa agelin o ageta ko.
Numi tebe God imi weng kwep no ipmi baga-emsup uyo, tinangku-nilip e, ibo utamipta e, boyo tinum numi bon tem weng ba kale, God ilami weng kalaa age-nilipta, ibo fomtuup utamipta, fen kalaa age-nilipta bole, God imi ilak uyo dolipta, God imi weng uta tebe ibo dong dogobeluta, God imi ilak dolin unang tinum ibo te tam titil fagaa tol kup unang tinum ke-silip kalaa age-nulupta, God iyo, “Suguul o,” agan-kalin uyo kupka-em-nuubup ko.
Kale God imi weng boyo tinum am kun mola kupkoban-nulu am uyo waafunabu ulutap kale, God imi weng boyo dogobeta sisagano-numu binim e minte, God iyo kupka-nama binim no kale, God imi weng uyo bogo-nulu e, “Kamogim iyo imi unang tinum iyo tele itamsa o,” age-nulu e minte, maak uyo bogo-nulu e, “Alugum unang tinum iyo dok ita bogo-nilip, ‘Nuyo Kamogim imi unang tinum o,’ agan-kalip umdii, bilip iyo kuguup mafak uyo umik ugobe kupkalin o,” age felep yak am kun umi diim to weng dola kosa boyo kam agesu ko.
maak kusino utamsap kale, kabo siin uyo man katip bom-nalap kota, God imi weng tol kup tebesu dolasip uyo utaman tam tam tebesap kale, kanupmin suuk kon tem weng bota tiki-balapta, weng bota tii aget fugunin tambal kuguup uyo kopkeluta, utam-nalapta, Yesus Krais imi ilak uyo dolapta, bota God iyo tebe telela kamolan-tema ko.
kamano kota asok God iyo, nuyo dong dogobe ulaa imdulan o agan-be boyo atin mufekmufek kwiin kiim kale, boyo tebe ensel imi kanube-silip boyo kubaganuta, uta uta kesu ko. Kale kanube nuyo God imi kanupmin kuguup boyo umik ugobelup umdii, nuyo dogobeta fengmin umi yan kemin boyo uk kugan ko bilii unon-temup a? Boyo uk kugan ko bilii unon-temaalup binim kuba. Kamaki kutop uyo Kamogim yagal numi sang uyo bogo-nala, “Bilip iyo imdep meng nalami miit tem daalan-temi o,” agelata, unang tinum iyo imi weng uyo tinangku-nilipta, bilip iyo tebe nuyo bogobe-nilip e, “Ise Yesus imi weng baga-emsa boyo atin dam o,” age-silip ko.
Kale kota ensel migik maak ataan telemin ku-tele talan-be kalaa age atami kale, bemi sagaal diim uyo suun kup nin tinum God imi mufekmufek unang tinum imi kaal diim dolamin uyo waafu-nala e, beta tebe ipkumal ensel kalbinim maak God tebe ulu-nala kuntuk mobe imkala tii ke-nilip kafin sino yol ok sino uyo kufak daalan-temip o age ulusa imi fomtuup ola bogobe-nala e,
Sanasan