Aposel 3:23 - Telefol

²³ Kale unang tinum iyo God imi profet ko age weng kem baga-emin tinum bemi weng uyo tinangkamin binim kelan-temip iyo God tebe ilami unang tinum imi iibak tem kugol ulaa imdu-nalata, anolata, binimanan-temip o,’ agesa ko.

Aposel 3:23 Iomraidhean Croise

Mak imi tebe Yesus imi sang dola kosa uta ko 16:16

kanube unang tinum dok ita te tam nimi ilak uyo do ok sam ugolip umdii, God iyo tebe bilip iyo dong dogobela ilimi fengmin kuguup uyo kupka-nilipta, waalanan-temip kale minte, kanube dok ita nimi ilak uyo dolin-tem kelip umdii, God iyo tebe unang tinum bilip iyo fomtuup yega dobe-nalata, kaal fuyap uyo kobelan-tema ko.

Jon imi tebe Yesus imi sang dola kosa uta ko 12:48

Kale tinum iyo waantap ita niyo umik ugopne nimi weng uyo kwaasulamip umdii, afungen am daanan-temu uyo, nimi weng bogobe-sii uta tebe im-kugu inolu kaanan-temip kuba.

Jon imi tebe Yesus imi sang dola kosa uta ko 8:24

Ibo bogobe-nili, ‘Ibo ilipmi fengmin iluum uyo kabiluta, kuso kaanan-temip o,’ ageli kale, ibo, beyo God imi Man ulaa daala ti-se ita kalaa nagelin-tem kelip bole, ibo fengmin so kaanan-temip o,” agela e,

Aposel 2:41

waantap ita Fita imi weng uyo tinangku-nilip, “O,” agelip umdii, bilip iyo ok sam uyo ugolip kale, am ko daanbu kota, unang tinum ilimi kup 3,000 ita Yesus imi ilak uyo do-nilip e, mitam Yesus imi ilak dolin imi iibak tem e ti-silip ko.

Hibru 10:39

nuyo Krais imi dupkaa yang maagalo ke win binim kemin unang tinum ba kale, nuyo ilami ilak do suun nin unang tinum kemin iyo nuta ko.

Hibru 12:25

Kale ibo tele utama-bom-nilipta. Ibo kamano tinum kaa weng bagan-be boyo tolong tem uyo kati imi weng uyo kwaasulemin ba ko. Kale sugayok kota kafin diim koyo God iyo Israel unang tinum iyo titil weng uyo kobe-se kuta, imi weng uyo kwaasule-bii-silip atamta, dogobeta bilii unom-nilipta, ilimi fengmin bomi yan kepman-tema uyo uk kugan kosaalip binim kale, kamano koyo God iyo abiil tigiin kal bom-nalata, nuyo titil weng uyo kupka-e-be kale, kanube beyo umik ugobelup umdii, dogobeta numi fengmin umi yan kepman-tema uyo uk kugan kolan-temaalup binim kale, boyo atin binim ko.

Hibru 2:3

kamano kota asok God iyo, nuyo dong dogobe ulaa imdulan o agan-be boyo atin mufekmufek kwiin kiim kale, boyo tebe ensel imi kanube-silip boyo kubaganuta, uta uta kesu ko. Kale kanube nuyo God imi kanupmin kuguup boyo umik ugobelup umdii, nuyo dogobeta fengmin umi yan kemin boyo uk kugan ko bilii unon-temup a? Boyo uk kugan ko bilii unon-temaalup binim kuba. Kamaki kutop uyo Kamogim yagal numi sang uyo bogo-nala, “Bilip iyo imdep meng nalami miit tem daalan-temi o,” agelata, unang tinum iyo imi weng uyo tinangku-nilipta, bilip iyo tebe nuyo bogobe-nilip e, “Ise Yesus imi weng baga-emsa boyo atin dam o,” age-silip ko.

Revelesen 13:8

Kamaki God imi kafin komi telela kolin-tem som-nala uyo, unang tinum iyo kalip ita nimi unang tinum kepnelan-temip kalaa age-nala e, imi win uyo suuk kon tem kal dola ko-nala e, kalip ita nisino suun kup nan-temip kalaa age no kesa kale, Sipsip Man Yesus angkolip kaan asok fen tigi mo-se ita suuk kon boyo tiin mo waafusa kale, kafin kaa kutufosu komi unang tinum iyo dimduum bemi deng uyo tebe-bom aman duga-eman-temip kuta, God imi suun nin unang tinum bilip ita kup dimduum bemi deng uyo tebe-bom aman duga-eman-temaalip ko.

Revelesen 20:15

Kale God imi yega duga-eman-tema boyo, unang tinum waantap ita imi win uyo God imi suun nin unang tinum kelan-temip imi suuk kon tem kwek uyo albaalu kalaa agela umdii, bilip iyo alula kulala daak suun at kenamin umi tem iinon-temip ko.