Aposel 28:1 - Telefol

¹ Kale waalan-nulup e bole, tinangkulupta, mek ok daang kun diim umi kafin umi ok kan tem abelup boyo bogo-nilip, Malta o agan-nuubip kalaa agelup kale,

Aposel 28:1 Iomraidhean Croise

Aposel 13:6

Kale Provins Saiprus bomi abiip alugum uyo baga-em tam tam no abiip Pafos diibe-nilipta, tinum maak atamip kale, tinum beyo usong ke-bom-nala e minte, bisop bogo-nala, “Niyo God imi profet ko age weng kem baga-emin tinum o,” agan-kalin e minte, Juda kayaak no kesa kale, bemi win uyo Ba-Jisas ita kale, Grik kasel tebe bemi win migik uyo, Elimas o agan-nuubip kale, beyo Provins Saiprus umi kiyap miton imi duup ko. Kale kiyap Segius Paulus beyo tele utamsa tinum kale, beyo, God imi weng uyo tele tinangkulan o age-nalata, Banabas so Sol so alop imi olabelata, tilip kuta, Elimas bemi aget fugunin uyo ki, “Kiyap beyo Yesus imi ilak uyo do-nama o,” age-nalata, yuut tal tinum alop iyo fegelebe-nala e, “Ibo Yesus imi sang umaak kiyap beyo bogobe-nimip o,” agela kale,

Aposel 16:10

Ilam uyo dola e bole, ninggil so Luk niso nuyo utamupta e, God iyo numi olabe-nala e, “Ibo yak-nilipta, nimi weng tambal uyo Provins Masedonia unang tinum imi kupka-emin o,” agela kalaa age-nulupta, yuut kan ke-nulupta, sip umaak utam-nulupta, Provins Masedonia unum o age-nulupta, kan ke unup ko.

Aposel 27:1

Kale kiyap Festus beyo aget fuguno-nala e, “Fol sino tinum migik maak sok de imosip so bilip iyo imdali sip tem ilep Provins Itali tono Rom unin o,” age-nalata, ilami waasi dinan-kalin tinum bogobelata, sok de imosip bilip iyo alugum kulep no Julius imi sagaal diim tobe-nilip e, “Kabo tiin mo imdep unaal o,” agelip kale, Julius beyo Rom kasel imi King Sisa imi waasi dinan-kalin tinum Sisa imi weng kwep una tala kemin tinum imi kamok ita ko.

Aposel 27:26

sip uyo nuyo imdep yak ok daang kun diim umi kafin maak ku daa-nuluta, kan tem kugol diinan-temu o,” agan-kala ko.

Aposel 27:39

Kale ataan uyo tagaa daanu e, sip umi ogok kemin tinum bilip iyo kafin boyo utamip kuta, siin uyo utamsaalip kale, tiin uyo kwaalip yak ok kan tem abelu utamipta e, (yol ok uyo faga-bom-nulu e, tuum amdu uyo maak ugaa kwep kega kega ke-nulu e, iibak maak fola kwep met daalin boyo) ok diniing diim tambal maak albu kalaa age-nilip e, sip uyo kwep yak ok diniing diim ku daalum o age-nilipta,

Aposel 27:44

milii ok aamin binim ipta at min, sip fegel fegel tebelu umi anung uyo kulu-nilipta, waafu-bom-bilipta, ok tebe at sino tinum ipso imtamo yak ok kan tem daa no keluk o,” agelata bole, kanube-nulupta, yak ok kan tem unom waalanup ko.