Aposel 25:23 - Telefol

²³ Kale silip nala e, Agripa so Benaisi so migim iyo ilim tambal so ket kon so uyo tii-bii tal bilipta, ilami tinum igil kuguup tambal tambal uyo king imi kupka-emip kale, migim iso waasi dinan-kalin tinum imi kamogimal so abiip bomi tinum kamok kamok so iyo tam weng telelmin am uyo tam tamip e, Festus iyo weng kobela waasi dinan-kalin tinum iyo Fol iyo dep tal daalip e,

Aposel 25:23 Iomraidhean Croise

Mak imi tebe Yesus imi sang dola kosa uta ko 6:21

Kale Herodias uyo Jon beyo dogobeta angkoli kaanak o agan tebesu nala e, kota Herot imi ogen dosu umi aget fugunin am uyo daanu e, Herot iyo ilami dong daga-emin tinum so, ilami waasi dinan-kalin tinum imi tiin molin so, Provins Galili kasel imi kamok kamok so iyo olabela tal Herot imi am kutam kal iman un-bom deng tebe-bilipta,

Aposel 12:21

Herot imi am kwep daaba kota, daanu e, unang tinum iyo tala tala kelip e, Herot iyo king imi ilim tambal uyo migi-nalata, king imi tonamin baan diim uyo ton-nalata, weng afalik weng timitim uyo baga-e-bom bom-balata,

Aposel 25:13

Kale Festus iyo abiip Sisaria kugol bii ilugolata, King Agripa so Benaisi so migim iyo no, Festus imi weng umobelum o age-nilipta, tal Sisaria tal-nilipta,

Aposel 26:30

Kale kam agela e, kota king so kiyap so Benaisi so tinum unang iso tonbip so iyo fen mo

Aposel 9:15

Kamogim isiik bogobe-nala e, “Kabo unaal a. Beyo nimi ogok kenemin tinum kale, nagal ulaa dulita, beyo no unang tinum asit kek kek so bilip imi kamok king maak maak so Israel kasel so imi finang no-nalata, nimi sang uyo baga-emak o age-nilita, ulaa duli kale,

Jems 1:11

Kale ataan mitam tolon-temu uyo, ataan mimin dubaga-nulu e, at ket uyo fuulu datan kaan-nulu e, degep daak abe-nulu e, umi dong uyo mafagabu ulutap kale, kanube tinum mufekmufek soyaap yagal mungkup ogok kem tal-bom kaana e minte, imi mufekmufek uyo maagalo ke no kelan-temu ko.

1 Fita 1:24

Ulutap kale, God imi suuk kon tem uyo bogo-nulu kano, “Tam singsong kon boyo datanan-nuubu e minte, bomi ket ugol datan biila malaak iine-bom no kem-nuubu kale, unang tinum bilip iyo singsong kon ulutap e minte, alugum bilip imi mufekmufek tambal ugol mungkup singsong ket ulutap no kale, kuun albip kuta,

1 Jon 2:16

Boyo dok uta ba kale, kafin diim komi kanumin kanumin kuguup uyo, ibulup bom abumin min, sa dagamin min, mufekmufek utam naknak saanin min, ilami mufekmufek tok bagamin min boyo Aatum ita kufolata, tisaalu kale, kafin diim komi tinum igil kufolipta, mitam tebesu kale,