Aposel 23:19 - Telefol

¹⁹ Kale kota kamogim iyo man iyo sagaal kegal aafuu duptamo yang asit kweng iinom-nala e, bantap bogobe-nala e, “Kabo, intaben sang uta bogopnelan o age-nalapta o?” age dagala e,

Aposel 23:19 Iomraidhean Croise

Mak imi tebe Yesus imi sang dola kosa uta ko 10:51

kota Yesus iyo bogobe-nala e, “Kabo, niyo intaben nupnelak o ageta olne-balap o?” agela e minte, tinum tiin bigibesu isiik bogobe-nala e, “God imi weng kafalemin kabaa. Nimi tiin koyo telela kopnelap tambalanepneluta, mufekmufek uyo utamaman o ageta olan-bii o,” agela e minte,

Mak imi tebe Yesus imi sang dola kosa uta ko 8:23

Yesus iyo tinum tiin bigibesu iyo abiip uyo kupkaa sagaal kegal aafuu duptamo yang tiginal kweng iinom-nala e, tiin tem uyo mok togobe sagaal togobe-som-nala e, daga-nala e, “Kabo kek fen mufekmufek umaak utamap bele ki?” agela e,

Mak imi tebe Yesus imi sang dola kosa uta ko 9:27

Yesus iyo daak sagaal kegal aafuu dufola fen mola ko.

Jon imi tebe Yesus imi sang dola kosa uta ko 18:12

Kale Rom imi waasi dinan-kalin tinum so imi kamogim so Juda kasel kamogimal imi un tubulin so iyo Yesus aafu-nilip e, sok de dolip ko. Atol bomi diim kota pris ko age tinum amem maak Kayafas iyo tinum amem imi kamok miton ko age hetpris ke-bom-salata kale, bemi alol iyo Anas kale, waasi dinan-kalin tinum iyo Yesus iyo duptamo no Anas imi am daalip ko.

Aposel 17:19

bilip iyo Fol iyo dep no kamok kamok imi weng bagamin baan diim Areopagus daa bogobe-nilip e, “Kabaa. Nuyo kapmi kamaa weng maak unang tinum imi baga-e-bom kafale-balap bomi weng uyo bogobelapta, tinangku utamum o agan-bulup kale,

Aposel 23:18

waasi dinan-kalin tinum imi tiin molin iyo dep no kamogim imi bogobe-nala e, “Fol sok de dobip beyo olapnela no tami e, bogopne-nala e, ‘Mep man tinum maat keyo, kapmi kamogim imi weng maak bogobelan o agan-be kale, kabo dep no daalapta, bogobelak o,’ agelata, dep tili o,” agela ko.

Aposel 23:20

bogobela ko. “Juda kasel imi kamogimal iyo weng tegen-bom bogo-nilip e, ‘Amsapta nuyo no waasi dinan-kalin tinum imi kamogim imi bisop bogobe-nulupta, Fol imi kuguup so weng so umi sang uyo maak so bogopmata, tele utamum o age bogobelupta, kamok kamok imi finang dep malaak talak o,’ agan-bilip kuta,