Aposel 22:14 - Telefol

¹⁴ bogopne-nala e, ‘Numi olal imi God iyo bogopne-nala e, “Fol beta ulaa dulita, nimi aget fugunin uyo utam-nala e minte, Tol Kup Tebesa Tinum beyo atam-nala e minte, imi bon tem weng uyo tinangku no kelak o age-nilita, ulaa duli o,” age bogopnela kale,

Aposel 22:14 Iomraidhean Croise

Jon imi tebe Yesus imi sang dola kosa uta ko 15:16

Kale ipta niyo ulaa nimdu-nilipta, ‘Beyo numi tiin molin o,’ agesaalip kale, nita ibo ulaa imdu-nilita, imdep ogok kemin umi diim daalita, kuguup tambal kanumin ko age ipmi dum uyo abulipta, nin kup buluta o age-nilita, ulaa imdu-sii ko. Kale kanube-sii bole, ibo nimi win tolop diim Aatum iyo mufekmufek sang dagalan-temip uyo, kobelan-tema ko.

Aposel 13:17

Tinangku-silipta. Israel kasel numi God iyo sugayok uyo numi olal iyo dil molata, fital no Isip kugol bom-bilipta, dong daga-e-balata, imi tinum miit uyo afaligen koluta bii, God ilami titil uyo ku-nalata, imtamolata, Isip uyo kupkaa

Aposel 22:15

kabo God imi weng uyo unang tinum alugum imi baga-e-bom-nalap e minte, alugum tiin fala utabap so tinangkubap so umi sang uyo baga-e-bom no keman-temap ko.

Aposel 22:18

Kamogim iyo atamita, bogopne-nala e, ‘Jerusalam kasel bilip iyo kapmi nimi sang baga-e-balap uyo tinangkulan-temaalip kale, yuut imkaa Jerusalam uyo kupkaa unaal o,’ agela e,

Aposel 24:14

“Kuta nimi sang maak bogopnelip uyo aafen kale, niyo kalip imi bogo-nilip, ‘Tinum milii bilip iyo nuyo imkaa yang iin-silip o,’ agan-nuubip bilip imi tinum iyo kalbi kale, niyo Kristen bilip imi kuguup uta ku-nilita, Juda kasel numi olal imi God imi ulotu uta ke-em-nuubi kale minte, Moses imi ulo dola kosa so God imi profet ko age weng kem baga-emin tinum imi weng dola kosip so uyo alugum aafentap kalaa age-nili e minte,

Aposel 26:16

kabo fen yaan uyo tele molal a. Niyo bogopke-nili e, “Kapta nimi bon tem kiit fen-bom-nalapta, kaa nitamap umi sang so, bii-nili kafalepkeli nitamaman-temap umi sang so uyo unang tinum imi baga-emal o agelan o,” age-nilita, tal kafalepkeli nitamap kale,

Aposel 5:30

Kale ipkil bogobelipta, waasi iyo tebe Yesus iyo dep yak at diim kal dubiit mo angkolip kaanata, dubalip bom-bala e bole, numi olal imi God iyo tebe dufolata, fen tigi mo-bom-salata,

Aposel 7:52

Kale sugamiyok uyo ipmi olal iyo tebe alugum God imi profet ko age weng kem baga-emin tinum bii-silip iyo kuguup mafak mafak uyo kupka-emsip kale, maagup iyo maak dupkasaalip binim ko. Kale dok ita olal imi bogobe-nilip, ‘Biilan-temu uyo, Tinum Tol Kup Tebesa iyo tolon-tema o,’ agesip iyo anolipta, kaansip kale, kota Tol Kup Tinum Yesus beyo tal-bom-balata, ibo mungkup dupkem daalip waasi imi sagaal diim abelata, angkolip kaan-se kale,

Aposel 9:15

Kamogim isiik bogobe-nala e, “Kabo unaal a. Beyo nimi ogok kenemin tinum kale, nagal ulaa dulita, beyo no unang tinum asit kek kek so bilip imi kamok king maak maak so Israel kasel so imi finang no-nalata, nimi sang uyo baga-emak o age-nilita, ulaa duli kale,

Aposel 9:17

Kale Ananayas iyo daage tam am tam-nala e, sagaal kwep yak Sol imi dubom diim daabe bogobe-nala e, “Nugum Sol kabaa. Kapmi ilep kugol tal-bom-nalap Kamogim Yesus atabap beta bogopne-nala e, ‘Kabo no Sol iyo sagaal togobelapta, imi tiin uyo tambalanepmu e minte, God imi Sinik Tambal iyo tebe imi diim abe kuntuk mobe no kelak o,’ age-nalata, nimdala tili o,” agan-kala ko.

Fol tebe Rom kutam imi suuk kon dola kobesa uta ko 1:1

Nugumal ibo nuubip aga? Kale niyo Yesus Krais imi ogok kemin tinum Fol nita kale, God yagal, kalaan tinum o age ulaa nimdu-nalata, “Kapta God imi weng tambal uyo kupka-emal o,” nage-se kale, suuk kon koyo nugumal ipmi dola kobelan o ageta ko.

1 Korin 11:23

Kale weng kaa ipmi kobelan-temi koyo Kamogim Yesus ilami bon tem weng kopnelata, siin uyo ibo bogobe-sii kale, am ko mililan-bom-sulu Judas tebe Kamogim Yesus dep no daala yak waasi sagaal diim abelan-tema umi mililep kota, Kamogim Yesus iyo bret maak ku

1 Korin 15:3

Kale nimi weng siin ku-sii boyo atin ki kwiin kiim kale, ko ipmi kobe-sii kale, boyo sugami God imi suuk kon tem umi bogosu uyo ki, Yesus Krais imi kaan-nala numi fengmin takan kebe-se umi sang uta bogo-nulu e minte,

1 Korin 15:8

Boyo itaman yakyak ke-bii binimanu kupka-nalata, aaltam kota tal nalami diim uyo e tala atam-sii kale, boyo niyo tinum umik tem dufal daalip teleba ilatap ke-nilita, nita afungim atam-sii kale,

1 Korin 9:1

Tinum iip maak maak iyo bogo-nilip e, “Fol imi tebe God imi weng baga-emin bomi tisol kulugaman-tema boyo mafak o,” agan-bom-nilip e minte, “Beyo Krais imi kalan tinum ba o,” agan-bom-nilip e, “Beyo numi Kamogim Yesus iyo tiin fala atamsaala o,” agan-bom no ke-bilip kuta, nimi sang bagan-bilip boyo bisop bagan-bilip ko. Niyo Kamogim Yesus imi ogok uta kup ke-bilita, ibo bota utama-bom-nilipta, mitam Kristen kem tebesip ko.

2 Korin 5:21

Kale Krais beyo fengmin binim kuta, God yagal tebe nulumi ilak uta do-nalata, numi fengmin uyo alugum afeta ko kulupma yak Krais imi diim abeluta, beyo fen fengmin tinum ilatap ke-nalata, kaan-se kale, God imi aget fugunin uyo, bilip iyo fengmin unang tinum kuta, kanubelita, iyo Krais imi diim kal feba-nilipta, mitam nimi tiin diim kagal tol unang tinum kelin o age-nalata, God yagal tebe boyo kanube-se ko.

Galesia 1:12

niyo tinum imi diim kal umaak kusaali e minte, tinum iyo maak tebe-nalata, weng boyo kafalepnesaala no kale, Yesus Krais yagal ki weng boyo kafalepne-se ko.

Galesia 1:15

Kuta sugayok uyo aben uyo namolin-tem bom-sulu kutop kal God iyo ulaa nimdusata kale, ilami aget fugunin uta kup olapnelata, meng tamita, imi ogok uyo kopnelata, waafuu kwep tebesi kale, God imi aget fugunin uyo,

2 Timoti 1:1

Timoti kabo nuubap aga? Niyo Yesus Krais imi kalaan tinum Fol nita ko. Kale siin uyo God iyo weng kwep daa-nala e, “Dok ita nimi Man imi diim febala umdii, beyo suun kup nan-tema o,” agesata, ilami aget fugunin uta ulaa nimdu-nala e, “Kabo nimi weng kwep daa-sii boyo unang tinum iyo baga-emal o,” agelata, kalaan tinum kesi ko.

Taitas 1:1

Tatias kabo nuubap aga? Niyo Fol God imi bon ten kiit fenin tinum e minte, Yesus Krais imi kalaan tinum no kale, nimi ogok uyo ki, God imi tinum dil mosa ita dong daga-e-bili te tam ilami ilak uyo do imi tuluun weng uyo utam-nilip e minte, God imi kuguup tambal uyo waafuu no kemin umi ogok uta waafusi ko.

1 Fita 2:22

Krais iyo maak fenga ko min, bisop weng umaak bogo min kemin binim tinum kuta, tinum igil tebe-nilipta, kaal fuyap uyo kobe-silip ko.

1 Jon 2:1

Nimi mulup tan ibe. Ibo fengam-nimip o age-nilita, weng koyo ipmi dole-bii kuta, tinum iyo maak fenga kola umdii, numi kalaan tinum Yesus Krais iyo numi ilo unom-nalata, Aatum God iyo bogobe-nala e, “Tinum bemi yuum tem diin-sii kale, Aatum kabo bemi fengmin uyo kupkabelapta o,” agan-nuuba kale, Yesus beyo atin tinum tambal kale, yagal numi fengmin uyo, takan kebelita, balkat age tambaliim nin o age-nalata, kaanta numi fengmin uyo mobe-se kale, numi fengmin uta kup ba kale, alugum kafin kaa kutufosu komi unang tinum imi fengmin usino ko.