Aposel 20:19 - Telefol

¹⁹ Juda kasel iyo bantap weng tegen-bom-nilip e, dufak daalum min, angkolum o agan-bii kwiin tagang faga-nilip e, weng mafak so kuguup mafak so uyo kupkane-bilipta, bong fagan-bii-sii kuta, niyo Kamogim Yesus imi bon tem kiit fenin man kale, nalami tok uyo bagamin binim ke-bom nimi kaal ilak dugamin binim ke-bom-nili e minte, nugumal Juda kasel tebe Kamogim Yesus imi umik ugobebip umi kalan uta aget mafaganepneluta, ame-bom no ke-bom-nilita, suun kup Kamogim Yesus imi weng uta fomtuup baga-e-bii-sii kale,

Aposel 20:19 Iomraidhean Croise

Luk imi tebe Yesus imi sang dola kosa uta ko 19:41

Yesus iyo tal abiip miton Jerusalam mep so tal abiip boyo utam-nala e, kota abiip kasel imi i-filin-bom-nala e, aman-bom

Jon imi tebe Yesus imi sang dola kosa uta ko 12:26

Aa mungkup, tinum waantap ita, nimi ogok uyo tubulan o agela umdii, beyo nimi daang begepne-nalata, dogap dogap kal nan-temi uyo, nisino bom-balata, nimi Aatum iyo bemi win uyo kufopman-tema o,” agela ko.

Aposel 17:13

Kale Juda kasel yang abiip Tesalonaika kugol nin bilip iyo tinangkulipta e, “Fol iyo no abiip Beria kugol mungkup imi weng uyo baga-e-be o,” agan-bilip kalaa age-nilipta, fot tebelum o age-nilipta, talta Beria kasel iyo fomtuup weng baga-e-bom-nilip e minte, wit saan-e-bom no ke-bilipta,

Aposel 17:5

Kuta Juda kasel iyo titine-bom-nilip e, no daal tibin man bisop bomip tinum imi finang no-nilipta, tinum mafak mafak iyo kulep tal-nilip e, unang tinum kwiin tagang iyo afeta-bii ko-nilip e, abiip tinum iyo wit saane-bilipta, no Jeson imi am umi faal uyo degel degel kulupmip unu kupka-nilipta, tamta, alop iyo fen tiine-bom itamta kulep imdala tam abiip unang tinum imi sagaal diim abelin o age-nilipta, fen tiinemip kuta,

Aposel 20:3

kayop asuno dakan ke-nala e, kota sip tem ilep tol kup Provins Siria unon o agan-bom bom-salata, “Juda kasel iyo bantap weng tegen-bom-nilip e, ‘Angkolum o,’ agan-bilip o,” agelip tinangku-nalata, imi aget uyo fuguno-nala e, “Sip tem ilep uyo kupkaa kafin diim ilep no asok Masedonia usiik no abe-nilita, Provins Siria unon o,” agela kale,

Aposel 20:31

ipkil tele utama-bom-nilipta a. Kale niyo tiin ak tele-bulu ame-bom-nilita, ibo alugum maagup maagup kafale-bom weng kem baga-emin kup ke-bom mililep so taap so kota waafu-bii, atol asuno dakan ke-sii kale, bomi aget uyo fugun-bom-nilipta o ageta ko.

Aposel 21:27

Kale tinum kalbinim imi ifin am ban kal uyo binimanan o agan-suluta, Juda kasel migik Provins Esia ilota talbip iyo utamipta, Fol iyo ulotu am miton kutam kal alba kalaa age-nilipta, ipkumal iyo wit saane-bilipta, sagaal togobe aafu-nilip e,

Aposel 27:23

niyo God imi tinum kale, beyo aman duga-em-nuubi kale, kamano mililep kota bemi ensel iyo tal nimi mep so kugol mo

Fol tebe Rom kutam imi suuk kon dola kobesa uta ko 1:1

Nugumal ibo nuubip aga? Kale niyo Yesus Krais imi ogok kemin tinum Fol nita kale, God yagal, kalaan tinum o age ulaa nimdu-nalata, “Kapta God imi weng tambal uyo kupka-emal o,” nage-se kale, suuk kon koyo nugumal ipmi dola kobelan o ageta ko.

Fol tebe Rom kutam imi suuk kon dola kobesa uta ko 1:9

niyo God imi ogok uyo titil faga-bom-nilita, suun kup weng uyo ilami man imi sang tambal uyo kupka-emin kup ke-bilita, God iyo niyo nitamsa kale, niyo bisop bogobelan-temaali kale, ipmi win uyo suun kup kufu-bomta beten uyo aman duga-e-bom no kem-nuubi kale,

Fol tebe Rom kutam imi suuk kon dola kobesa uta ko 12:11

daal uyo tebemin ba kale, aget tambal uyo fugun-bom dital faga-bom Bisel imi ilak uyo duga-bom-nilip e, God imi Sinik ita dupkalipta, tebe ibo dong daga-e-balata, God imi deng uyo tebe-bom-nilip e, Bisel imi ogok uyo fomtuup waafu-bom-nilip e,

2 Korin 2:4

Kale siin umi suuk kon ko dola kobebi boyo, nimi aget tem uyo iluum afalik tebepneluta, ame-bom-nilita, dola kobebi kale, niyo suuk kon kobe-sili ibo aget iluum tebepmuk o age-nilita, dola kobebaali kale minte, kopmita, ibo utamipta e, beyo numi aget uyo fomtuup kobe-nalata, ipmi God imi ilak dugamin uyo titil fagaa tambaliim bom-bilipta o agan-be kalaa agelin o ageta dola kobebi ko.

2 Korin 3:5

Kuta minte kalaan tinum nuta kup fen bagang-kale-nulup God imi ogok uyo waafu-numup binim kale, nulumi win uyo kufumin binim kale, God ita titil uyo kupka-e-be kale, imi ogok uta kup tambaliim kup tele waafuu kwep talan-bulup ko.

2 Korin 7:5

Kale siin uyo nuyo no Provins Masedonia un-sulup uyo, anang kutam uyo nuyo ton fungo keman agin kuta, maak kemsaalup binim kale, kuguup mafak ugulumi migik migik uyo tal numi diim abe-buluta, nuyo tinum migik so wengaal digin-kalin uyo bom-bulu e, aget afek fugun-bom no kemsup kuta minte,

Galesia 1:10

Kale kamano weng ko bagan-bii koyo baga-bilita, tinum ita, nimi weng boyo tambaliim o agelin o age-nilita a? Umbae. Kanu-bilita, God ita, nimi kuguup uyo tambaliim o agelak o age-nilita kuba. Boyo kanu-bilita, tinum ita nimi deng uyo tebemin o age-nilita a? Umbae. Boyo kanube kam age-nilita, kanum tebesi nimnam, boyo niyo Krais imi ogok ke-emin tinum kesaali ko.

Efesis 6:7

Kale ipmi bisop sok de imolip tinum maak imi ogok ke-bilip uyo ki, aget tambal kup fugun-bom ogok ke-bom-nilipta o ageta kale, ibo, “Nuyo tinum imi ogok ke-e-bulup bota aga o?” age mafak mafak ke-emin ba kale, ipmi Kamogim Yesus Krais imi ogok tambaliim kup fomtuup waafulan-temip ulutap ke ogok uyo tambal kup ogok kemin ko.

Filipai 3:18

Kale weng bogobelan-temi koyo suun baga-em-nuubi kale, niyo aget iluum ku ameman o agan-bom-nilita, asok bogobelan o agan-bii kale, nuyo tinum kwiin tagang imi kuguup uyo utamupta e, Krais at diim kaan-se imi sang bo tinangkulaalup o agan-bomta kanum-nuubip kalaa agesup ko.

Kolosi 3:24

Kale ibo Kamogim Krais imi ogok waafulin tinum kale, son-temu nala ogok binimanan-temu uyo, Kamogim iyo ipmi tisol siin telela kwep daabesa uyo atin kup kopman-tema kale, bomi aget uyo fugun-bom-nilipta o ageta ko.

1 Tesalonaika 1:9

Kek kek bilip iyo suun kup baga-bom-nilip e, “Fol ninggil imi kamaki Tesalonaika kasel Kristen ipmi finang no ti-silip uyo, ibo imi weng uyo tinangku waafu-nilip e, men amem uyo umik ugobe-nilip e, ipmi aget fugunin uyo fupkela ko fen God suun kup nin imi ilak uta duga-bom-nilip e minte,

2 Timoti 1:4

Kale niyo kamkaa tolon o agan-sili kapmi tiin ak malaak abu kamkaa ti-sii umi aget uta fugun-bom-nili e minte, atin ki no katam-nilita, fomtuup deng tebeman o agan-bom no ke-bii kale,

Jems 1:2

Nimi nugumal Kristen ibaa. Nugol utamsup kale, mufekmufek mafak uyo tal im-kugu-nuluta, nuyo, uk kugan imolu numi God imi ilak dobup uyo waafulum o agelup umdii, titil fagaa taban-bon-temup ko. Kale kanube kanumin kanumin mufekmufek mafak ipmi diim abelu umdii, ipkil boyo deng kup taban-bomta o ageta ko.

1 Fita 1:6

Kale kanube God ita mufekmufek mafak kupkala kamano koyo mitam tele-bulu ibo aget iluum uyo kugan-bilip umdii, boyo kuun kale, ibo titil fagaa kaal fuyap boyo uta-bala-bom-nilip e, God tebe ipmi imdep no ilami abiip daalan-tema bomi deng uta tebe-bom no ke-bom-nilipta o ageta ko.

2 Fita 1:1

Nugumal nuubip aga? Niyo Saimon Fita Yesus Krais imi ogok kemin tinum e minte kalaan tinum no nita suuk kon koyo ipmi dola kobelan o ageta kale, Yesus Krais beyo numi God e minte, beta numi ilim bo no ke-se kale, bemi aget fugunin uyo, maak beta win tibin e minte, maak beta win tibin binim no agan-bom-nalata, kanubesaala binim kale, alugum nuyo atin ki maagup dong dogobelata, ibo Krais ilami kalaan tinum numi tambaliim kup God imi ilak do-sulup ulutap ke-silip kale, suuk kon koyo alugum ipmi finang kwaabeli no tuluk o ageta ko.

Revelesen 7:15

Kale Bisel God iyo itamata, tambaliim kelip kalaa age-nalata, ululata, ilami tiin diim uyo suun kup mililep so daanin so uyo bigi mo-bom-nilipta, God imi ogok ke-e-bom siin pris ko age tinum amem imi ulotu am miton umi ogok kemsip ulutap ke-e-bilipta, Bisel ilami baan diim tonba beyo tinum unang kuso suun kup bom-nalata, bugu tiin moba ko.