Aposel 2:41 - Telefol

⁴¹ waantap ita Fita imi weng uyo tinangku-nilip, “O,” agelip umdii, bilip iyo ok sam uyo ugolip kale, am ko daanbu kota, unang tinum ilimi kup 3,000 ita Yesus imi ilak uyo do-nilip e, mitam Yesus imi ilak dolin imi iibak tem e ti-silip ko.

Aposel 2:41 Iomraidhean Croise

Jon imi tebe Yesus imi sang dola kosa uta ko 14:12

“Kale niyo ibo dam bogobelan-temi kale, tinangku-silipta. Niyo Aatum siinon-temi bota, tinum iyo maak utamata, God iyo titil uyo kupkane-balata, boyo kanuman-temi kalaa agela umdii, Aatum yagal dong daga-e-balata, beyo nimi mirakel ko age kuguup ugulumi migik migik kanum-nuubi uyo yagal kanu-bom-nalata bole, ogok afalik keman-tema boyo nimi ogok kem-nuubi boyo kubaganu kupkapnelan-tema kale,

Jon imi tebe Yesus imi sang dola kosa uta ko 21:11

Fita ita tam bot tem tam-nala e, aniing abumin men abu kobu uyo tisii kuptamo ok kan tem ilep una kale, aniing abumin men kulaak uyo aniing kiim kiim ulumi kup 153 kale, aniing boyo kwiin tagang kuta, aniing abumin men boyo balatalin-tem kelu ko.

Aposel 1:15

Kale am asuno umaak kelip binimanu e, kota tala tala kelip bilip iyo 120 min kalip ita kale, Fita ita iibak tem kal mo weng bogobe-nala e,

Aposel 13:48

Kale asit kek kek unang tinum iyo weng boyo tinangku-nilipta, deng kup tebe-bom-nilipta, Kamogim Yesus imi sang bagan-bilip umi tok uyo bagamip kale, unang tinum waantap ita God tebe ulaa imdu-nalata, “Bilip iyo suun nin tinum kelan-temip o,” agesa umdii, Yesus imi ilak uyo dolip kale,

Aposel 2:37

Kale unang tinum iyo tinangku-nilip e, bubul fuyap tebebeluta, Fita so e ipkumal Yesus imi kalaan tinum ninggil so imi bogobe-nilip e, “Nugumal ibaa. Nuyo dogonupman-temup o?” agelip e,

Aposel 2:47

God imi ifup tebe-bom no ke-bilipta, alugum unang tinum migik iyo bilip imi deng uyo tebemsip ko. Kale suun am maagup daan daan kemsu uyo, unang tinum iyo Kamogim Yesus ilami ilak dolipta, yagal tebe dong dogobela imi fengmin uyo kupkalip kalaa age-nalata, telela imola mitam unang tinum isiik Yesus imi ilak do-silip imi iibak tem iine-bilipta, mitam sengan kwep talan-bii suu ko.

Aposel 27:37

Kale sip tem kutam imi tinum tebesup nuyo 276 nuta tebesup ko.

Aposel 3:23

Kale unang tinum iyo God imi profet ko age weng kem baga-emin tinum bemi weng uyo tinangkamin binim kelan-temip iyo God tebe ilami unang tinum imi iibak tem kugol ulaa imdu-nalata, anolata, binimanan-temip o,’ agesa ko.

Aposel 4:4

Kuta unang tinum kwiin tagang iyo alop imi weng uyo tinangku-nilipta, Yesus imi ilak uyo dolip kale, tinum kwiin tagang iyo mitam talta kem unanbu topta afaligenan ko-suu umi tikimin ulumi kup uyo ki 5,000 uyo kalbu ko.

Aposel 7:14

Josep iyo weng kwaala yang imi aalap Jekop imi diim abelu e, Jekop so alugum ilami man so man ilop so ilimi kup 75 iyo olabe-nala e, ‘Aatum ulimal ibo nimi finang tilin o,’ agela e,

Fol tebe Rom kutam imi suuk kon dola kobesa uta ko 13:1

Kale God yagal gavman bilip iyo imdep daasa kale, bilip iyo igil mitam tebesaalip kale, alugum gavman imi ogok boyo God imi sagaal diim ilep mitam talan-nuubu kale, alugum tinum iyo gavman imi weng uyo tinangka-bom-nilipta o ageta ko.

1 Tesalonaika 1:6

Nugumal ibo God imi weng tinangku-silip uyo, ibo ninggil numi kuguup tambal waafusup bota dagaa ku-nilipta, waafu-silip kale, ipmi kuguup waafu-silip boyo Kamogim Yesus imi kuguup tambal uta waafu-silip kale, kek kek iyo tebe ibo kuguup mafak uyo kupka-e-bilipta, kaal fuyap kwiin kiim uyo suun kup utaman tebesip kuta minte, God imi Sinik Tambal ita tebe dong daga-e-balata bole, ibo aget iluum umaak tebebesaalu binim suun kup deng taban tebesip ko.

1 Fita 3:20

God tebe ko sinik bilip imi sok de imola tebesip bomi magam uyo, sugayok Noa tebe God imi weng uyo unang tinum bilip iyo kupka-e-balata, God imi weng uyo kwaasulemip utam-nalata, God iyo tebe bilip iyo kaal fuyap uyo yuut yan kebelin-tem imka-nalata, bilip iyo fen-salata, Noa iyo sip ko age bot afek uyo dinan-bom-nala e minte, kota God imi sang uyo unang tinum iyo baga-e-bom no kemsa kuta, unang tinum iip maak maak ifaan kal kalip ita kup tam sip tem uyo tam unipta kale, God iyo ok uyo kwaala tebe inolu kaanin-tem kelipta, unang tinum God imi weng kwaasule-bilip ita ok uyo tebe anoluta, kaansip ko.

Revelesen 16:3

Kale tam ensel maak yagal mungkup imi tet uyo kwep tam sing daa kwaala daak yol ok kumun tem unuta, yol ok uyo mitam isak ok ke-nulu e minte, tinum kaana imi isak ulutap ke no kelu e, alugum yol ok kumun tem aniing min albip iyo kaanip ko.