Aposel 19:20 - Telefol

²⁰ Kale titil fagaa kanu-bilip e, Kamogim Yesus imi weng boyo sengan abe-bulu e, unang tinum kwiin tagang iyo Yesus imi ilak dugan-bii-silip ko.

Aposel 19:20 Iomraidhean Croise

Aposel 12:24

Kuta Kamogim Yesus imi weng uyo baga-em tiine-bilip sengan kwep abe-buluta, abiip kwiin tagang iyo tinangkamsip ko.

Aposel 13:12

Kale kiyap beyo mufekmufek mitam tulu boyo utam-nala e, Kamogim Yesus imi sang Fol so Banabas so alop tebe kafale-bilip uyo tinangku-nalata, kumang mo-nala e, Yesus imi ilak uyo dola ko.

Aposel 19:10

atol alop dakan kela kale, Kamogim Yesus imi sang uyo yak Provins Esia umi abiip maak maak kem tiine-buluta, alugum Juda kasel so Grik kasel so Esia kugol nin iyo tolong dugamip kuta, milii iyo tinangka-bala e minte, milii iyo tinangkamin binim ke-bala no kemsip ko.

Aposel 6:7

Kale God imi weng uyo senganu kale, Jerusalam kasel kwiin tagang iyo Yesus imi ilak uyo do ilami unang tinum kelip e minte, pris ko age tinum amem amem kwiin tagang iyo Yesus imi ilak uyo duga-bom no kemsip ko.

2 Tesalonaika 3:1

Numi duubal ibaa. Weng maak uyo bogobelum o ageta kale, ibo suun kup numi win uyo God imi dagaga-bilipta, nuyo dong daga-e-balata, Kamogim Yesus imi sang uyo unang tinum kwiin tagang iyo baga-e-bulupta, weng tambal uyo yuut no abe yak abiip maak maak ke-buluta, unang tinum kwiin tagang iyo ipmi God imi weng tinangku deng tebe dagaa ku waafu-silip ulutap ke-bom-nilipta o ageta ko.