Aposel 17:7 - Telefol

⁷ kamaa kota tal Jeson imi am e tilip telela tiin mola siinan-nak-bilip kuba. Kale Sisa beyo Rom kasel imi king kamok miton kale, alugum Kristen iyo Sisa imi weng uyo kwaasule-bom bogo-nilip e, ‘Sisa beyo fen king ba kale, king migik maak alba kale, bemi win uyo Yesus o,’ agan-kalip o,” agelip e,

Aposel 17:7 Iomraidhean Croise

Luk imi tebe Yesus imi sang dola kosa uta ko 10:38

Yesus so minte imi okumop man sino ninggil iyo asok dagaa kulep no abiip maak tamip e, unang maak bomi win uyo Mata uta, “Suguul ke tilip o,” age imdep no am daalu e,

Luk imi tebe Yesus imi sang dola kosa uta ko 23:2

bisop baga-bom weng mafak mafak uyo baga-e-bom bogo-nilip e, “Nuyo tinum keyo tolong umo-bulupta, bisop weng uyo Juda kasel numi unang tinum iyo uget taga-bom bogobe-nala, ‘Ibo takis mani uyo kulu Rom kasel imi kamok King Sisa Juda kasel ipmi tiin molin iyo kupka-emin ba kale, nita God imi ulaa nimdula kamok kesi tinum kale, niyo ipmi king o,’ agela kalaa age-nulupta, dep kapmi finang tulup o,” agelip e,

Jon imi tebe Yesus imi sang dola kosa uta ko 19:12

Pailat iyo weng boyo tinangku-nala e, weng umaak tolanu kalaa ageta dupkali unak o agelata, Juda kasel iyo ol-bom-nilip e, “Tinum iyo maak bogo-nala, ‘Niyo king o,’ agelan-tema iyo Rom kasel ipmi King Sisa imi waasi kebelan-tema kale minte, kanube kabo beyo dupkalap una umdii, kabo Sisa imi duup ba kale, waasi kebelan-temap no o,” agelip ko.

Aposel 16:21

alop bilip iyo Juda kasel imi kuguup uyo kafale-bilip kuta; Rom kasel nuyo tinangku-nulup waafulan-temup boyo felepman-temaalu o,” agelip e,

Aposel 17:5

Kuta Juda kasel iyo titine-bom-nilip e, no daal tibin man bisop bomip tinum imi finang no-nilipta, tinum mafak mafak iyo kulep tal-nilip e, unang tinum kwiin tagang iyo afeta-bii ko-nilip e, abiip tinum iyo wit saane-bilipta, no Jeson imi am umi faal uyo degel degel kulupmip unu kupka-nilipta, tamta, alop iyo fen tiine-bom itamta kulep imdala tam abiip unang tinum imi sagaal diim abelin o age-nilipta, fen tiinemip kuta,

Aposel 17:8

tinum unang iso abiip umi kamogimal so iyo tinangku-nilip e, aget yamyam uyo fugun-bom-nilip e,

Jems 2:25

Kale ulutap kale, sugayok uyo ilep unang Rahap uyo Josua imi im-kugumin tinum alop kulula no waasi abiip tamip iyo tiin mo-suluta, mililanuta, imdalu ilep migik ilep bilii unipta, God iyo bogo-nala e, “Rahap boyo tol unang kelu o,” agesa ko.

1 Fita 2:15

God imi aget fugunin uyo ki, ipmi kuguup tambal waafulan-temip bota tebe unang tinum aget fugunin tambal utamin binim imi tebe bisop ipmi umik tem weng baga-e-bilip iyo kafalebelu utam-nilipta, ibo kuguup tambal kup ke-bilip kalaa age-nilipta, kupkaa weng binim kelin o age God imi aget fugunin uyo kam agan-nuuba ko.