Aposel 12:6 - Telefol

⁶ Pasova umi iman unan-bilip bii binimanu kota, Herot iyo aget fuguno-nala e, “Amsapta Fita iyo dep tilipta, yega dobelita, angkolip kaanak o,” age-nalata, bom-balata, mililep kota Fita iyo kalabus am kutam kal alba kale, waasi dinan-kalin tinum alop iyo ain sok ko age sen alop uyo kulu-nilip e, anung uyo waasi dinin imi binang kun diim kup-dii-nilip e minte, anung uyo kwep yak Fita imi binang kun diim de ko no ke-nilipta, waasi dinin alop maak ita keng agaal una agaal una kelip e minte, Fita ita iibak kagal agaal una no kelip e minte, waasi dinan-kalin tinum migik ita minte kalabus am umi amitem uyo bigi no kelip bom-balata bole,

Aposel 12:6 Iomraidhean Croise

Matyu 28:4

waasi dinin amitem bigibip tinum iyo atamipta e, ensel iyo kanubela kalaa age-nilip e, fomtuup finan-bom-nilip e, bumban keng keng kem tolom-nilip e, tiin buul ino kululu daak kafin diim abe-nilip e, tinum kaanbip ilitap kelip ko.

Aposel 12:5

Kale Fita iyo kalabus am kutam kal bom-balata, bigi-bilip kuta, Kristen unang tinum iyo tigin-bom-nilipta, God imi aman duga-e-bom-nilip e, “Kabo Fita beyo dong dogobelapta o,” agan-kalip ko.

Aposel 21:33

kamogim iyo tal Fol imi bogobe-nala e, “Kabo sok de kamolan-temi o,” age-nala e, waasi dinan-kalin tinum imi bogobe-nala e, “Ibo sen ko age ain sok alop umaak kulu-nilipta, de dolin o,” age-nala e, kota Juda kasel iyo daga-nala e, “Keyo waanta a? Intaben nuba o?” agela e,

Aposel 28:20

Kale sugayok uyo God iyo Israel kasel imi bogobe-nala e, ‘Niyo tinum ulaa duli kamok kesa iyo daali no ibo dong dogopma waalanan-temip o,’ agesa kale, niyo God imi ulaa dula kamok kesa tinum imi sang baga-em tiinan-nuubi kale, bomi kalan uta ain sok ko age sen uyo ku de namolipta, nimi diim uyo nuubu kale, bomi sang uta bogobelan o age-nilita, weng kwaali no tuluta, ibo tilipta, baga-e-bii o,” age-nalata, Fol iyo baga-ema ko.

Aposel 5:23

“Nuyo nota kalabus am umi faal uyo tambaliim kup nagat mo ilo-nilip e minte, tinum iyo amitem uyo bigibip kalaa age-nulupta, faal uyo bitolup kuta, nuyo tinum iyo maak atamin-tem o,” agan-kalip ko.

Efesis 6:20

Niyo God imi bon tem tinum ko age weng tambal kwaala tulu tinangku unang tinum imi kupka-emin tinum kuta, bomi kalan uta niyo sok de namolip albi kale, niyo ilami weng tambal kupka-emin bomi ogok so kale, ibo God iyo aman duga-e-bilipta, yagal dong dagane-balata, finanin uyo kupkaa titil fagaa mo-nili baga-e-bilita o ageta ko.

2 Timoti 1:16

Kale Onesiforus iyo nimi kalabus am katam albi boyo fitom binim, tal nitama-bom dong dagane-balata, nimi bubul aa aget aa uyo tambaliim kup bii-sii kale, niyo Bisel iyo dagaga-bilita, yagal inal o age Onesiforus sino imi kalel man sino iyo bet bubul kobelata o ageta aman duga-e-bii ko.

Hibru 13:6

Age-se kale, nugol nulumi aget tem uyo titil kup faga-bom-nulupta, bogo-nulup e, “Bisel iyo dong daganeman-tema kale, niyo finanbaali kale, tinum iyo dok ita tebeta niyo intap intap nupnelan-temaala binim o,” agan-bom-nulupta o ageta ko.