Aposel 11:3 - Telefol

³ “Kabo, intaben o ageta no tamapta, tinum kaal ukan kelin-tem imi am kutam kal bom-nilipta, isino ninggil iman une-silip a? Boyo amem o, agelip e,

Aposel 11:3 Iomraidhean Croise

Matyu 9:11

Kale Falosi milii iyo utamipta e, Yesus iyo tam kanupmin tinum isino iman unan-bilip kalaa age-nilip e, Yesus imi okumop man imi daga-nilip e, “Ipmi kafalemin tinum beyo, intaben o ageta tal tamata, takis mani kwaamin tinum sino kuguup mafak waafulin tinum migik sino ninggil ton-bomta iman uyo dagaap unan-bilip a? Bemi ko kanu-be boyo mafak o,” agan-kalip e,

Luk imi tebe Yesus imi sang dola kosa uta ko 15:2

Kale Falosi so e minte ulo utamsip tinum so iyo tebe Yesus iyo titul weng baga-e-bom-nilip e, “Tinum beyo tinum kuguup mafak waafusip bilip imi duup ke-bom-nalata, isino iman unan-nuuba o,” agan-bilip kalaa age-nalata,

Jon imi tebe Yesus imi sang dola kosa uta ko 18:28

Kale kutim mililep kota Juda kasel imi kamogimal iyo Yesus iyo dep no Kayafas imi am afalik uyo kupka-nilip e, duptamo no kiyap Pailat imi weng telelmin am daalip kale, aget fuguno-nilip e, “Pasova umi iman tigi-bom unan-kalin am uyo mep so tulu kuta, kiyap beyo God imi ilak dolin binim kale, nuyo tam imi am tam unon-temup uyo, imi tang dugu-nulup e, no Pasova umi iman tigi-bilip uyo fala-numup o,” age-nilipta, kupkaa tam sep kugol bom-bilipta,

Aposel 10:23

Kale Fita iyo bogobe-nala e, “Mitam tilipta, ninggil suumta o,” agelata, tam tamipta, ninggil silip nala e, tam Fita iyo kan kela e, ninggil iso unip kale, Yesus imi ilak dosip Jopa kugol nin tinum maak iyo Fita iso ninggil unip ko.

Aposel 10:28

Fita iyo bogobe-nala e, “Ipkil Juda kasel numi kuguup uyo utamsip kale, nuyo yagalami tinum miit maak iso alop nin min, no atamup alop ton siit-nulupta, dupkaa telemin min boyo amem kuta, God iyo kafalepne bogopne-nala e, ‘Kabo yagalami tinum miit migik imi sang uyo bogo-nalap e, “Amem kale, felep-namuta, tinum bemi mep so yang unon-temaali o,” agan-kalin ba o,’ age-maansa kale,

Aposel 10:32

mep Jopa kugol tinum maak alba bemi win uyo alop Fita e minte Saimon no kale, beyo kong kaal telelmin tinum maak iso alop albip kale, bemi win uyo asegim Saimon no kale, bemi am uyo yol ok daang diim kugol albu kale, kabo tinum maak imdalap no-nilip Fita iyo bogobelipta, Konilius kapmi finang talak o,’ agela e bole,

Aposel 10:48

mangkal ninggil imi bogobe-nala e, “Ibo Yesus Krais imi win uyo kufo-nilipta, ok sam ugolin o,” agelata, ok sam ugo-nilip e, kota bogobe-nilip e, “Kabo nuso sinan unom ilugo-nalapta o,” agelipta, siit ilugo-se ko.

1 Korin 5:11

Kale weng ko dola kobe-sii bomi magam uyo kalbu kale, kanube tinum iyo maak tebe-nala kek kek iyo baga-e-bom-nala, “Niyo mitam Kristen kebi o,” agan-boma nala iyo tebe unang digin tinum digin kuguup uyo kufak daga-bom min, ipkumal imi mufekmufek uyo tingine-bom min, men amem aman duga-e-bom min, weng mafak baga-bom min, ok mafak unan-bii ilum ilum ke-bom min, bisop bogo ipkumal imi mufekmufek uyo daga-e-bom min kema umdii, Kristen ibo yang tamip iso tiinemin ba e minte, iso dagaap unan-kalin ba no ko.

Galesia 2:12

bomi magam uyo ki; Jems iyo tebe Kristen Moses imi ulo fomtuup waafulin tinum iip maak maak iyo imdala ti-silip kale minte, bilip imi tilin-tem bom-bilip uyo, Fita iyo yak unang tinum miit maak imi tem iina iman uyo unan-nuubipta kuta minte, kota tinum bilip iyo tal tamip e, kota Fita iyo bilip imi atul uta finano-nalata, ilami kuguup tambal ko age tinum miit maak iso iman unan-nuuba boyo kupka-nalata, maak so tam tama isino iman uyo une-nama binim kela e,

2 Jon 1:10

Kale tinum iyo maak ipmi finang tal-nala Krais imi weng kwep tilin-tem ke-nala weng migik uta kwep tala umdii, ibo beyo weng umobe dep mitam ipmi am daagamin ba ko.