Aposel 1:9 - Telefol

⁹ Kale bomi sang uyo baga-e-bala bom atamamip e, God tebe dugola dufo dep tam una e, iip tebe dubalu e, atamin-tem kelip ko.

Aposel 1:9 Iomraidhean Croise

Mak imi tebe Yesus imi sang dola kosa uta ko 16:19

Kale Kamogim Yesus iyo weng uyo baga-e-bii binimanu kupkala e, kota God iyo tebe duptamo iit abiil tigiin daala e, te God imi sagaal ipkuk ilo kamok imi baan diim keng kal tona ko.

Luk imi tebe Yesus imi sang dola kosa uta ko 21:27

Kale bilip imi ilep migik ilep te yang iinon-temip kota, Mo Tibil imi Man niyo iip tem ku-tele talanbu talan-bilita, alugum unang tinum iyo kiit fen nitamipta, titil kiim uyo ku imi dong uyo tiin bulusii kup sigin-bii talan-be kalaa age nitaman-temip ko.

Jon imi tebe Yesus imi sang dola kosa uta ko 6:62

Agelip bole, kanube di ipkil nitamipta e, Mo Tibil imi Man niyo asok tam nalami suun nin umi abiip bii kupkaa ti-sii uyo una kalaa agelip umdii, intaben o agelan-temip a?

Aposel 1:11

bogobe-nilip e, “Galili tinum ibaa. Intaben o ageta suun kup bomta, abiil tigiin uyo kiit fenin kup albip a? Yesus ko imkala God tebe dep tam abiil tigiin una beyo biiluta, kanube atamip tam una kulutap, asok malaak talata, ibo ataman-temip kale, kupka-nilip unin o,” agelip ko.

Aposel 1:2

God iyo tebe dep tam abiil tigiin un-se umi sang uta dola kobe-sii kale, dep tam unin-tem som-nalata, God imi Sinik Tambal tebe Yesus iyo dong dogopmata, weng uyo ilami kalaan tinum ulu-se bilip imi kobe bogobelata bole, God tebe dep tam un-se kale, kamano kota komi sang uyo suuk kon maak uyo dola kopkelan o agan-bii ko.

1 Tesalonaika 4:17

kota tiin kafan albup nuta God iyo tebe afeta ko-nalata, imdep tam-nalata, unang tinum kaansip imi tigi molip sino kwego dego kelata, iit abiil tigiin umi iip tem kutam kal tala tala ke-nulupta, Kamogim iyo abu daalupta, imdep tam daalata, isino suun kup nan-temup ko.

1 Timoti 3:16

Kale God imi kuguup umi magam uyo kwiin kiim kale, siin uyo tinum iyo tele utamsaalip binim kuta, kamano koyo umi magam uyo kulbu botam. Bomi magam uyo Yesus Krais ita kale, Kristen nuyo bogo-nulup e, “Beyo mitam fen tinum kem ke-nala e, kemana e, God imi Sinik iyo kafalebela utamupta e, tinum beyo fen tol kup tebesa kalaa agelup e, ensel iyo atamip e, imi sang uyo yak abiip maak maak kelu e minte, kafin diim kasel unang tinum iyo imi ilak uyo do no kelipta, God iyo tebe duptamo tam abiil tigiin un-se o,” age bagan-nuubup ko.

Revelesen 1:7

Ibaa. Beyo, iip tem kutam-tele tolon o angba kale, tolon-tema kota, alugum unang tinum so alugum bemi angkolip kaan-se so iyo atam-nilipta, alugum kafin kaa kutufosu komi tinum miit maak maak iyo bemi atul uyo finan-bom-nilipta, fomtuup ameman-temip kale, tuluun mitam tolon-temu ko.

Revelesen 11:12

Kale profet alop bilip iyo tolong dolipta, abiil tigiin ilo weng maak tulu uyo bogobe-nulu e, “Alop ibo mitam tilin o,” agelu kalaa age-nilip e, alop imi yaan uyo kota kufo yak abe-bilip e, imi waasi iyo kiit fen itama-bilip e, iip tem ilep tam abiil tigiin unip ko.

Revelesen 14:4

Kale unang tinum kulip iyo sa dagamin binim e minte, tinum unang digin, unang tinum digin iyo ifak daga-emin binim no kebip ilitap ke-nilipta, bilip iyo atin tambal kup bomip kale, atin God imi ilak uyo fomtuup dosip kale, God imi Sipsip Man bemi dogap iina uyo, igil iso yakyak kemip ko. Kale kafin diim komi unang tinum imi iibak tem kalagal God iyo tebe bilip ita ulu kulep meng tolata, Yesus iyo kaan-nalata, bilip imi ilim uyo bobe-se kale, kamaki iman duung kobe, “Bo kapmi kop-kamup o,” age kupka-emin ulutap kale, 144 tausen (144,000) bilip ita God so Sipsip Man so ulim iyo kamaki uyo bilip isiik kulu, nulumi aligaap o age-silip ko.