3 Jon 1:7 - Telefol

⁷ Kale bilip imi abiip uyo kupkaa God imi ogok waafuu kwep tiinan-bilip uyo, Yesus Krais imi ilak dosaalip binim imi mufekmufek dong daga-emin kopmum o agelipta, “Waago o,” age kupkaa bisop tiinan-bii talbip ko.

3 Jon 1:7 Iomraidhean Croise

Jon imi tebe Yesus imi sang dola kosa uta ko 15:21

Kafin diim kasel iyo Aatum nimdala ti-sii iyo atamsaalip e minte, ibo nimi okumop man kepnebip kale, nimi win tolop diim uta o age-nilipta, iyo ibo kuguup mafak mafak kwiin tagang uyo kupka-eman-temip ko.

Aposel 20:33

Kale nitamipta e, tinum beyo imi mani min, ilim umaak tingine-bom dagan tiinan-bii-sii kalaa nagesip aga?

Aposel 20:35

alugum nimi kanumin kanumin telela-bii kupka-sii boyo ibo kafale-bom bogobe-nili e, ‘Ipso niso titil faga-nulupta, ogok ke-bom-nulupta, unang mafak ilin umolip min, mufekmufek duumatanip min iyo dong daga-emum o,’ age-nilita, kafalebeli utam-silip kale, Kamogim Yesus yagal bogo-nala e, ‘Kanube tinum maak mufekmufek maak ipkum imi misiim kobela umdii, tinum kobela kula beyo deng tebeman-tema kale minte, tinum kobela beta deng afaligen kup tebeman-tema o,’ age-se kale, ipso niso bemi weng bogo-se bomi aget uyo fugun-bom-nulupta o,” age-nalata, Fol iyo kam agan-kala ko.

Aposel 5:41

am uyo kupkaa tam abiip unip kale, ninggil iyo fitom binim kale, aget fugun-bom-nilip e, “Suguul ke God iyo nuyo itamata, bilip iyo tii Yesus imi win uyo kufu-bom kamok kamok imi bogobelan-temip kalaa age-nalata, dong dogobelata, kanubelup o,” age-nilipta, deng taban-bom-nilip e minte, “Bilip imi kuguup mafak numi kobe-nilip numi win kufak daabelip boyo katip o,” agan-bom no kem unsip ko.

Aposel 8:4

Kale Yesus imi ilak dolin unang tinum sigin-bii ko-silip iyo abiip maak maak uyo no bom-nilipta, God imi weng uyo unang tinum imi baga-e-bom tiinemip ko.

Aposel 9:16

nagal kafalebe-nilita, ‘Kabo nimi ogok uyo ke-bom-nalap e minte, nimi win uyo kufu-bom no keman-temap umi kalan uta kaal fuyap min kuguup mafak kupkakeman-temip min uyo utamaman-temap o,’ age bemi kafalebelan-temi o,” agela ko.

1 Korin 9:18

Kale, niyo bomi tisol uyo dogonupmin tisol uta kulan-temi a? Nimi tisol uyo ki, God imi weng tambal kupka-emin bomi tisol ko age mani uyo kwaaman agin kuta, boyo maak kwan-nuubaali kale, God imi weng tambal ku-nili bisop kupka-e-bii bomi deng taban-bii bota nimi tisol umdii kulbu kale, bota kup tii o agan-bii ko.

2 Korin 12:13

Kale nimi kuguup abiip maak maak imi Kristen unang tinum imi kanu-e-bii-sii ulutap ke-bom-nilita, ibo kanu-e-bii-sii kale, nimi kuguup ko abiip maak maak imi kanu-e-bii-sii boyo maak duumatanuta, ibo maak imkasaali binim kuta ki, ipmi diim uyo kuguup maagup maak uta kup kobesaali kale boyo ki, niyo tebe-nilita, fen ipmi mani uyo maak kusaali ko. Kale ibo bogopne-nilip, “Kapmi tebe numi mani umaak kulin-tem ke-salap boyo kuguup mafak o,” agan-bilip aga? Agelip bole, ibo nimi kuguup mafak, “Numi kobe-se o,” agan-bilip boyo kupkapnelin o ageta ko.

2 Korin 4:5

Kale kanube God imi weng kaa kufum talan-bulup koyo, nuyo nulumi win kufu-bomta nulumi sang baga-bulupta, win kufu-emin o age-nulupta ba kale, numi weng bagan-bulup boyo, “Yesus Krais beyo numi Kamogim o,” agan-bom-nulup e, bemi sang uta kup bagan talan-bulup kale, iyo nuyo imdala tal, ipmi dong daga-emum o ageta talan-bulup kale, nuyo saak ipmi ogok ke-emin tinum ko.

Filipai 2:9

Kale Aalap God iyo Man iyo atamata e, kanubela uyo felepmu kupkala kalaa age-nalata, dufola tigi mola dep tam isal katop tele te top una dupka-nala e minte, kamogim miton ke win tibin kela dupkaa no ke-se kale,

Kolosi 1:24

Krais imi unang tinum ibo ilami dam ulutap kesip kale, kamano koyo ipmi dong daga-e-bii bomi kalan uta niyo kaal fuyap uyo kugan-bii kuta, bomi deng uyo taban-bii ko. Krais imi siin bogopne-nala, “Kapmi tebe nimi tinum unang imi dong daga-eman-temap uyo, kaal fuyap uyo kugaman-temap o,” age-se uyo kugan tebesi kuta, binimanin-tem albu ko. Kale kamano koyo dong daga-e-bom kaal fuyap uyo kugamin kup kwep tibi ko.

3 Jon 1:8

Kale Krais imi unang tinum nugol bilip iyo dong daga-e-bulupta, bilip iyo God imi tuluun weng baga-emin umi ogok bo waafuu kwep tebe-bom-bilipta o ageta ko.

Revelesen 2:3

tinum bilip iyo tebe ibo itamipta e, bilip iyo Yesus imi ilak uta dosip kalaa age-nilipta, kuguup mafak kupka-e-bilip kuta, ibo nimi kuguup uyo kupkasaalip binim kale, sining age-bom-nilip e, dital fagaa nimi kuguup uyo waafuu kanum tebesip kalaa age itamsi ko.