2 Timoti 2:19 - Telefol

¹⁹ Kale God imi weng boyo tinum am kun mola kupkoban-nulu am uyo waafunabu ulutap kale, God imi weng boyo dogobeta sisagano-numu binim e minte, God iyo kupka-nama binim no kale, God imi weng uyo bogo-nulu e, “Kamogim iyo imi unang tinum iyo tele itamsa o,” age-nulu e minte, maak uyo bogo-nulu e, “Alugum unang tinum iyo dok ita bogo-nilip, ‘Nuyo Kamogim imi unang tinum o,’ agan-kalip umdii, bilip iyo kuguup mafak uyo umik ugobe kupkalin o,” age felep yak am kun umi diim to weng dola kosa boyo kam agesu ko.

2 Timoti 2:19 Iomraidhean Croise

Matyu 24:24

Kale nimi weng kaa bogoli koyo dok uta ba kale, bisop bagamin tinum iyo tebe-nilip e, God imi ulula ilami ilak doiin unang tinum ibo bisop bogobe-nulupta, ipmi aget fugunin uyo kufak daabelupta, yang iinin o age-nilipta, ipmi finang uyo teleman-temip kale, maak iyo tal bogobe-nala e, ‘Niyo God imi ulaa nimdula kamok kesi tinum Krais o,’ agela e, minte maak iyo tal bogobe-nala e, ‘Niyo God imi profet ko age weng kem baga-emin tinum o,’ agela no keman-temip kale, iyo mirakel ko age kuguup ugulumi migik migik uyo kafaleman-temip ko.

Matyu 28:19

niyo, ibo nimi ogok kemin tinum kelin o age-nilita, ulaa imduli kale, ibo no kafin kaa kutufosu bomi tinum migik migik iyo alugum nimi weng uyo kwep no baga-em tiine-bilipta, mitam-nilip nimi daang uyo begepne nimi ilak uyo fomtuup dugamip kalaa age-nilipta, ibo tebe Aatum God sino ilami Man nisino ilami Sinik Tambal sino ulimal maagup numi win tolop diim ok sam uyo uga-e-bom-nilip e,

Matyu 7:23

niyo bogobe-nili e, ‘Ibo God imi weng uyo waafu-nimip binim kuguup mafak uta waafusip kale, ibo nimi unang tinum ba e minte, ibo niyo itamsaali no kale, nimkaa daaginin o,’ agelan-temi o,” age Yesus iyo ilami okumop man imi bogobela ko.

Matyu 7:25

kota wep sino atii sino ke-buluta, ok fagan mitop abuta, am uyo dalata kwep unon agin kuta, am uyo tambaliim kup de-se kale, fomtuup kafin uyo waafuu mosu ko.

Mak imi tebe Yesus imi sang dola kosa uta ko 12:16

maak dep no daabelip e, bilip imi daga-nala e, “Yak tuumon diim sinik so win so kwep yak daasip koyo waami sinik so win so uta albu o?” agela e, “Boyo Sisa imi sinik so win so o,” agelip e minte,

Mak imi tebe Yesus imi sang dola kosa uta ko 13:22

Kale nimi weng kaa bogoli koyo dok uta ba kale, bisop bagamin tinum iyo tebe-nilip e, God imi tinum ulula ilami ilak dolin ibo bisop bogobe-nulupta, ipmi aget fugunin uyo kufak daabelupta, yang iinin o age-nilipta, ipmi finang uyo teleman-temip kale, maak iyo tal bogobe-nala e, ‘Niyo God imi ulaa nimdula kamok kesi tinum Krais o,’ agela e, minte maak iyo tal bogobe-nala e, ‘Niyo God imi profet ko age weng kem baga-emin tinum o,’ agela no keman-temip kale, iyo mirakel ko age kuguup ugulumi migik migik uyo kafaleman-temip ko.

Luk imi tebe Yesus imi sang dola kosa uta ko 13:27

asok bogobe-nala e, ‘Niyo itamta, fengmin unang tinum ibo nimi unang tinum kalaa agesaali kale, nimkaa daaginin o,’ agon-tema ko.

Luk imi tebe Yesus imi sang dola kosa uta ko 6:48

kanube tinum beyo am tambal dinan-kalin tinum ilatap kale, no am kun uyo ugan-bii kulep tal to kupka-nala e, kafin uyo faga-bala unanbu daak kafin tem iinu kupka-nala e, am kun kulula unanbu daak unu kupka-nala e, am uyo de kola ulimal am iinom sina-bilip e, ok fagan mitop abuta, am uyo dalata kwep unon agin kelu kuta, am uyo tambaliim kup de-se kale, am uyo fomtuup kafin uyo waafuu mosu ko.

Jon imi tebe Yesus imi sang dola kosa uta ko 10:14

“Kale niyo sipsip tiin molin tinum tambal kale, Aatum iyo nitama e minte, nagal atami no kesup kale, ulutap kale, nagal nalami sipsip bilip iyo itami e minte, igil nitamip no kesup kale, niyo sipsip bilip iyo dong dogobe-nilita, nalami kaal sigim ke-nilita, kaanan-temi ko.

Jon imi tebe Yesus imi sang dola kosa uta ko 13:18

“Nagal ibo tele itam-nilita, ulu-sii kale, nimi weng bogo-nili, ‘Maagup ita tambal ba o,’ ageli boyo ki, alugum ipmi sang bogolaali kale, ipmi tinum maagup imi sang uta kup bogoli ko. Kale God imi suuk kon tem weng uyo bogo-nulu e, ‘Tinum nisino iman unan-bomup beta tebe asok nimkaa nimi waasi keba o,’ agesu kale, weng boyo ki tol mitam tolon-temu kale,

Jon imi tebe Yesus imi sang dola kosa uta ko 3:33

waantap ita imi weng uyo tinangku waafulip umdii, boyo iyo bogo-nilip e, “Aafen kale, God iyo tuluun weng bagan-nuuba o,” age-silip ko.

Aposel 11:26

duptamo tal abiip Antiok e tala kale, alop iyo Yesus imi ilak dolin unang tinum iso bom-nilipta, God imi weng tambal uyo unang tinum kwiin tagang imi kafale-bii, atol maagup kelip ko. Kale kamaki uyo Antiok kasel unang tinum isiik weng kufo-nilipta, Yesus imi ilak dolin unang tinum iyo, Kristen o age-silip ko.

Aposel 15:17

kanube-nilita, Juda kasel ba kale, tinum migik migik min, asit kek kek maak, ‘Nimi o,’ age ulusi bilip ita Bisel nimi fen-bom-nilipta, nitamin o age-nilita, kanubelan-temi o,” age-nalata,

Aposel 9:14

alugum Yesus imi win kufo aman duga-emin unang tinum iyo sok de imolan o age-nalata, tinum amem ko age pris imi kamogimal imi bogobelata bole, “O,” age-nilipta, suuk kon uyo dola kobelipta, kaa talba o,’ agelipta, tinangkubi o,” agela e,

Fol tebe Rom kutam imi suuk kon dola kobesa uta ko 11:2

Kale God ilami unang tinum sugayok ulusa iyo fot tebesaala kale, nuyo Elaija imi sang God imi suuk kon tem albu bomi aget uyo fugunolum. Elaija iyo God iyo aman duga-e-bom Israel kasel imi kuguup mafak kanu-bilip umi kalan uta bubun-bom bogobe-nala e,

Fol tebe Rom kutam imi suuk kon dola kobesa uta ko 12:9

Kale ipmi ipkumal aget kopmum o agelip uyo, ibo atuk atuk ke-bomta ipkumal imi aget uyo kupka-emin ba kale, ipkumal imi aget uyo alugum fomtuup kobe-nilip e, kuguup mafak mafak uyo atin umik ugobe-nilipta, ibo atin kuguup tambal umi diim kal feba-nilip e,

Fol tebe Rom kutam imi suuk kon dola kobesa uta ko 15:20

Kale nimi ko yakyak kem tebesi boyo, nota abiip maak maak Krais imi win tinangkulin binim bilip iyo maak albip kalaa age-nilita, bilip ita niyo Krais imi weng tambal boyo kupka-eman o agan-bom-nilita, yakyak kem tebesi kale, niyo nugum imi ogok kufo bong fogo telela-bom atuk kupkaba boyo nita te yak imi ogok atuk kupkaba boyo binimanu kupkalita, nimi win uyo kufunemin o agan-nuubaali kale,

Fol tebe Rom kutam imi suuk kon dola kobesa uta ko 15:9

Krais imi aget fugunin uyo, tinum asit kek kek iyo God imi i-filinin bota utam-nilipta, imi tok uyo bagamin o agan-be kale ki, God imi suuk kon tem uyo Devit iyo bogo-nala kano, “Niyo kapmi win uyo tinum asit kek kek imi diim uyo kufu-bom-nili e minte, kapmi tok uyo aseng kelu kwaaman-temi o,” agela e minte,

Fol tebe Rom kutam imi suuk kon dola kobesa uta ko 8:28

Kale nugol utamsup kale, God ilami aget fugunin uta, unang tinum iip maak maak bilip iyo olabelata, meng God ilami miit tem meng-nilipta, kulip imi aget uyo God imi kobe-silip kale, intaben intaben mufekmufek bilip imi diim mitam tulu umdii, God yagal dong daga-e-balata, tambaliim nuubip ko.

Fol tebe Rom kutam imi suuk kon dola kobesa uta ko 9:11

Kale God iyo tinum ulamin umi kuguup bomi aget uyo fuguno-nala e, “Tinum imi kuguup tambal kanu-be bota utamta, ulaa dulan-temaali kale, nalami aget fugunin uta, beta olabelan-temi kalaa age-nilita, ulaa dulita, unang tinum iyo nimi kuguup uyo utamin o,” age-nalata kale, afaang man iyo ogen uyo fogolu mitam fito kuguup tambal min, mafak min uyo kemin-tem bom-silipta,

1 Korin 1:2

alop nuta, suuk kon koyo God imi unang tinum abiip afek Korin kutam albip ipmi dola kobelum o ageta kale, God yagal tebe ibo olabelata, yak Yesus Krais imi diim kal feba-nilipta, ilami unang tinum aligaap kelip e minte, God iyo abiip maak maak umi unang tinum iyo olabela igil mitam ilami tinum unang ke no ke-nilipta, numi Kamogim Yesus Krais imi win tolop diim beten uyo kem-nuubip kale, beyo imi Kamogim e minte nulumi Kamogim no ko.

1 Korin 8:3

fen kanube tinum iyo maak God imi aget kup kobela umdii, bota God iyo utamata e, beyo nalami man kalaa agelan-tema ko.

2 Korin 7:1

Kale fen nimi duubal ibe. God imi weng ko kwep daa-nala, “Niyo ipso bom-nilita, ipmi aalap kebeli e minte, ipta nimi man kepne no kelan-temip o,” age-se boyo numi diim kal albu kale, nuyo kuguup mafak tebe numi kaal sino aget tem so kufak dagamin boyo alugum kwaalup unu kupkaa atin tambaliim kup bom-nulup e, God imi atul uta finan-bom atin kuguup tambal uta kup suun waafu-bom-bulupta o ageta ko.

Galesia 4:9

Kuta kamano koyo ibo God iyo atam-silip kuta, ipkil tele atamsaalip kale, God yagal ibo itam-nalata, ulaa imdulata, atam-silip ko. Kale intaben o ageta ibo asok alula yang kafin diim komi sinik mafak mafak imi afak tem iin-silip a? Bilip iyo titil binim e minte, bilip iyo ogok tambal umaak kem-nuubaalip binim kale, ibo intaben o ageta, no tamupta, bilip iyo asok sok de imolin kelipta, imi ogok uyo ke-emum o age-nilipta a?

Efesis 2:20

Ipso nuso nuyo God imi am delin tap ke-se kale, iyo tebe-nala e, ilami kalaan tinum so weng kem baga-emin tinum so nuyo imdep daa am kun molin tap ke-nala e minte, Yesus Krais ita am duu dol molin ke no kesata minte, kota ipta talagol fukolin tap ke no ke-se ko.

Efesis 3:15

Alugum abiil tigiin kasel so alugum kafin diim kasel nuso nuyo tinum yagalami miit maak kela kela kesup kuta minte, Aatum God beyo alugum numi miit kayaak iyo kulba kale,

Efesis 4:30

Kale ibo ipkumal iyo weng mafak uyo kupka-e-bom God imi Sinik Tambal iyo aget iluum uyo kupka-emin ba ko. Kale God imi Sinik Tambal ko ipmi diim alba beyo God tebe ipmi faal fagak kobe-se ulutap kale, ibo bo utamipta, nuyo aafen God imi unang tinum iyo kalbup kalaa age, son-temu uyo, God iyo sok talaa imdalata, nuyo iluum binim kelan-temup kalaa agelin o ageta ko.

1 Timoti 3:15

kanube yuut no tilin-tem keli uyo, kapsino alugum God imi mulup tan iso ibo utamipta e, dogonupmin kuguup waafulan-temup uyo felepman-temu kalaa agelan-temip kale, God imi mulup tan kesip bilip iyo suun kup nin tinum God imi unang tinum bilip ita kale, Kristen unang tinum iyo God imi tuluun weng uyo ipkumal iyo baga-e-bilipta, senganan-nuubu ko.

1 Timoti 6:19

bomi kanumin boyo kapmi, son-temu nala iman maak fuu-bom tigi-bom deng tebeman-temi o age-nalap mufekmufek uge kupkan-nuubap ulutap kale, mufekmufek so kasel iyo, son-temu nala suun nin unang tinum ke-nulupta, deng tebemum o age-nilipta, kanupmin kuguup tambal boyo waafuu kwep tebeman-temip ko.

Hibru 11:10

Kale Abraham iyo son-temu nala no abiip afalik nan-tema umi aget uta fugun-bom-nalata, fen-nuuba kuta, abiip afek bomi aget fugun-nuuba uyo ugulumi migik kale, God maagup ita kup abiip afek telelamin bomi aget uyo fuguno, kanubelan-temi kalaa age-nalata, yagal telela kosa kale, ise abiip afalik boyo suun abiip ko.

2 Fita 3:14

Kale atin duubal ibe. Mufekmufek boyo mitam tolon-temu o age-nilipta, fen-nuubip kale, ibo dital faga-nilip e, alugum kuguup mafak mafak boyo kupkek kupkek ke-bom-nilipta, kuguup tambal uta kup ke-bom-nilipta, ibo God so aget maagup bubul maagup ke-bilipta, God yagal utamata e, ibo tambaliim albip kalaa age-nala itamak o ageta ko.

1 Jon 2:19

Siin mangkal ninggil numi bom-nulup uyo, mangkal maagup ke aget aa bubul aa maagup kesaalup kale, aget alop ke-silip bilip iyo, nugulumi miit maak o age-nilipta, nuyo imkaa unbip kale, bilip iyo nulumi atuk nimnam, mangkal maagup albup kuta, nuyo imkaa unbip bota, utamupta e, numi atuk ba kalaa agebup ko.

Revelesen 17:8

Kale boyo yol ok kumun tem umi dimduum ita siin uyo kamok ke unang tinum iyo tiin mo-bii-se kuta, kamano koyo kamok ke tiin mobaala kale, unanbu daak kafin umi tem kiim kalo kosu kulagal alba kale, siit ilugo-nalata, asok kulaak ilo mitam bom-salata, God iyo tebe atin angkola binimanan-tema ko. Kale sugamiyok God imi kafin komi telelalin-tem som-nala uyo, itamata, tinum milii kafin diim ko nan-temip bilip iyo nimi tinum kelan-temaalip kalaa age-nalata, imi win uyo suuk kon tem uyo dolebesaala binim kale, iyo imi suun abiip uyo isino nan-temaalip binim kale, kanupmin unang tinum iyo utamipta, yol ok kumun tem umi dimduum iyo asok mitam tala kalaa age-nilipta, kumang molan-temip ko.

Revelesen 2:13

“‘ “Kale nagal utamsi kale, ipmi abiip tinum bilip iyo Saatan ilami man aligaap ke-bom-nilipta, ibo kuguup mafak uyo kupka-em-nuubip kuta, ibo nalami man diil ilatap kepne-bom nuubip kale, siin uyo nimi tinum maak Antipas beyo Saatan imi abiip ko age Pegamum kugol ipso bom-nala e, nimi weng uyo kup-kagamin binim unang tinum iyo baga-emin kup ke-bom waafuu kwep tebesata, bilip iyo tebe ipmi tiin diim kugol angkolip utam-silip kuta, ibo bogo-nilip e, ‘Kanubelip kale, nuyo bemi ilak dosup boyo dupkalum o,’ nagesaalip ko.

Revelesen 21:14

Kale daam umi afak tem uyo tuum afalik afalik ulumi kup tuluun kal kale, tuum bomi diim uyo win maak dolasip uyo Sipsip Man imi kalaan tinum tuluun kal imi win uta dola dola kesip kalaa age utami ko.

Revelesen 22:4

kota bilip iyo God imi tibit kun umdii utaman-temip kale minte, God imi aget fugunin uyo, kek kek iyo itamipta, God ilami unang tinum kalaa agelin o age-nalata, ensel iyo bogobelata, igil God imi win uyo God ilami unang tinum imi tibit kun diim kal dolebelan-temip ko.

Revelesen 3:8

“‘ “Niyo ipmi kanumin kanumin kanum-nuubip uyo utamsi kale, boyo ipmi titil uyo katip kuta, ipkil nimi weng uta fomtuup waafu-nilipta kale, ‘Nuyo Yesus imi tinum ba o,’ agesaalip kale, niyo ipmi tibit diim ilo umi faal uyo bitobebi kale, tinum iyo dok ita bagang-kale-nalata, faal boyo ilo-nama binim kale, faal bomi magam uyo ipkil utamin. Niyo ogok kwiin tagang uyo ipmi kobelan-temi kale, ‘Tal-nilipta, ogok kemin o,’ age-nuluta, kam agan-bo ko.