2 Timoti 2:18 - Telefol

¹⁸ kanupmin tinum bilip iyo God imi tuluun weng uyo uk kugan ko bogo-nilip e, “God imi mangkal ninggil numi ifola fenamin uyo ki, siin meng tulup kota, God iyo numi sinik uyo kufobela fen-suu kale, son-temu nala dogobeta numi dam uyo kufola fenan-temaalu o,” age-nilipta, unang tinum iip maak maak imi Yesus Krais imi ilak dugamin uyo kufak dagan-bilip ko.

2 Timoti 2:18 Iomraidhean Croise

Matyu 15:13

kota Yesus iyo do weng katip maak bogobela ko. “Unang tinum iyo mufekmufek nimi Aatum abiil tigiin kayaak imi ilanggiip albu ulutap kale minte, mufekmufek san iip maak maak boyo yagal ula tebelu e minte, al bota ugol tebelu no kesu kale, iyo tebe-nalata, al uyo foga kulula unon-temu kale, kamogal bilip iyo al kulutap kesip kale,

Matyu 22:29

Yesus isiik imi weng uyo yan kebe-nala e, “Ibo God imi suuk kon tem weng uyo tele dagaa kulin-tem ke-nilip e minte, tele utamipta, God beyo atin titil kup tebesa kalaa agelin-tem ke no kesip atamta, ipmi aget uyo mafak fugun-bilip kale,

Luk imi tebe Yesus imi sang dola kosa uta ko 8:13

“Minte san iip maak maak uyo segela daak tuum tip diim abe bigin tebe asok datanu kale, mungkup ulutap tinum iip maak maak iyo God imi weng tolong do-nilip e, ‘Aafen o,’ age deng tebeman-temip kuta, san kolap bigin tebelan-temu kuta, timtim binim ulutap kale, God imi weng uyo waafulan-temip kuta, fomtuup kwep yak iibak tem daalan-temaalip ko. Kale God imi ilak uyo waafu-bom-silip Saatan tal im-kuguman-tema uyo, kupkaa yang iinon-temip ko.

Aposel 5:39

God yagal kufola umdii, ibo bagang-kaleta bilip iyo fegelepman-temaalip binim kale, fegelepmum o agelip umdii, bomi tem ilep ibo God iso dinan-kalon-temip tap o,” age Gamaliel iyo kam agan-kala ko. Kale kamok kamok iyo Gamaliel imi weng boyo tinangku-nilipta,

1 Korin 11:19

Kale ipmi bigi ko yang una meng una ke-silip boyo mafak kuta, bomi mufekmufek tambal maak albu kale, ibo ilo ko-silip bomi tem ilep ku-tele utamipta e, waanta fen God imi unang tinum aligaap kalaa age utaman-nuubip ko.

1 Korin 15:12

Numi weng suun kup ipmi kupka-em-nuubup uyo ki, “Yesus Krais iyo kaana dubalip God iyo tebe dufola asok fen tigi mo-se o,” age baga-em-nuubup umi weng uyo kulbu kuta minte, iip maak maak ibo, intaben o age-nilipta, bogo-nilip, “Tinum unang nuyo kaan-nulupta, dogobeta asok fen tigi molan-temaalup o,” agan-bilip a?

Kolosi 3:1

God tebe Krais dufola fen tigi mo-se ulutap ke-nalata, ibo telela imola suun nin unang tinum ke-silip kale, ibo abiil tigiin umi mufekmufek umi aget kup ugel kalaga-bom-nilipta o ageta kale, iit abiil tigiin uyo Krais iyo kamok miton ke-nalata, God imi sagaal ipkuk diim kal alba ko.

1 Timoti 1:19

kapmi Krais imi ilak dugamin uyo fomtuup waafu-nalap e minte, tam kuguup bo tol kup tebesu kalaa age utamsap uta kup fomtuup waafuu no ke-bom-nalapta o ageta ko. Kale tinum iip maak maak iyo utamipta, kuguup bo tol kup tebesu kalaa age utamsip kuta, umik ugobe kupka-nilipta, sip umi no yol ok kumun tem umi tuum afaligen diim sek mo fegela tebebu ulutap ke imi Krais imi ilak dugamin uyo mafaganu kupkabip kale,

1 Timoti 6:10

boyo dok uta ba kale, tinum imi tuumon aget min, tisol kwaamin aget kup ugaa kwaalin kup kemin boyo yak alugum kuguup mafak mafak umi magam uyo kulbu kale, tinum iip maak maak iyo ise tuumon aget kup ugaa kwaagamin bota tebe-nuluta, imdep yang tem tililuta, ilimi God imi ilak dugamin uyo kupka-nilipta, fagaa kwep mek kaal diim saan-bom-nilipta, aget iluum kiim uyo kugan tebesip ko.

2 Timoti 2:14

Kabo weng kaa bogopkeli koyo ku-nalap Kristen unang tinum imi aget bo kufu-e-balapta, aget fugun-bom-nilipta o ageta kale minte, God imi tiin diim uyo kabo titil weng uyo bogobe-nalap, “Ibo kanumin weng kanumin weng umi kalan uta wengaal digin-kalin ba o,” age baga-emal o ageta kale, wengaal digin-kalin bota tebe-nuluta, tinum iyo maak kuntuk mobelan-temaalu kale, bota tebe tinum kanupmin wengaal digin-bilip ipkumal tal tolong dugan-bilip imi aget tem uyo kufak daapman-temu ko.

Taitas 1:11

Kale bilip iyo kuguup mafak kafalepman agin binim uta tuumon umi aget uta fugun-bom-nilipta, boyo kafale-bomta, tuumon uyo kwaa-e-bom-nilip e, tinum ulimal iip maak maak imi God imi ilak dugamin uyo kufak daga-bom no kem-nuubip kale, kabo bilip imi weng bagan-bilip boyo fegele-balap sining age kup-kaga-bom-nilipta o ageta ko.

Hibru 3:10

Kale kanu-bilipta, niyo unang tinum kulip iyo olsak afaligen uyo kupka-e-bom-nilita, niyo Moses iyo bogobe-nili, ‘Suun bagane-bom-nilip, “Kabo numi kamogim ba o,” agan-bom-nilip e minte, “Nuyo kapmi kuguup uyo waafulan-temaalup o,” agan-bom no kemsip o,’ age-sii kale,

Jems 5:19

Nimi nugumal ibaa. Ibo ko tele tinangku-silipta. Kanube ipmi tinum iyo maak God imi ilep tol uyo kupkaa yang iina ipkum maak ita tebe asok dep meng God imi ilep tol uyo daala umdii,

1 Jon 2:19

Siin mangkal ninggil numi bom-nulup uyo, mangkal maagup ke aget aa bubul aa maagup kesaalup kale, aget alop ke-silip bilip iyo, nugulumi miit maak o age-nilipta, nuyo imkaa unbip kale, bilip iyo nulumi atuk nimnam, mangkal maagup albup kuta, nuyo imkaa unbip bota, utamupta e, numi atuk ba kalaa agebup ko.