2 Korin 2:9 - Telefol

⁹ Kale siin uyo niyo ibo im-kuguta itamita e, nimi weng uyo alugum waafulip kalaa agelan o age-nilita, suuk kon tem weng kwek uyo bogobe-nili e, “Ibo tinum bemi fengmin uyo yan kebelipta o,” agebi ko.

2 Korin 2:9 Iomraidhean Croise

2 Korin 10:6

nuyo telela ko-nulupta, ipmi fen-bulup kale, kanube ibo nimi weng ipmi bogobe-nili, “Titil weng uyo bisop baga-emin imi kobelipta o,” ageli boyo tinangku tele waafulip, minte tinum iyo maak ita nimi weng boyo tinangkulaali o agela umdii, beyo bomi yan uyo atin aget iluum afek uyo kobelan-temup ko.

2 Korin 2:3

Kale siin uyo niyo suuk kon maak uyo dola kobe titil weng uyo tol kup bogobeli utabip ko. Kale niyo ipmi finang uyo no tilin-tem bom-silita, ipmi aget uyo fupkela ko-nilip e minte, kuguup mafak uyo kupkaa no ke-nilipta, kuguup tambal uta kup ke-bilipta, nimi no tolon-temi uyo, niyo ipmi kuguup mafak uyo maak utam-nili aget iluum tebepne-numu kale minte, niyo no ipmi kuguup tambal bota utam-nilita, niyo deng tebeman o agan-bii ko. Kale niyo no utamita e, ibo nimi aget mafak kupkanemin uyo ilumano kupkabip kalaa age-nilita, bota niyo deng tebeman-temi kale minte, atin nimi utabi uyo, alugum ipkil mungkup boyo deng tebeman-temip no kalaa agan-bii ko.

2 Korin 2:4

Kale siin umi suuk kon ko dola kobebi boyo, nimi aget tem uyo iluum afalik tebepneluta, ame-bom-nilita, dola kobebi kale, niyo suuk kon kobe-sili ibo aget iluum tebepmuk o age-nilita, dola kobebaali kale minte, kopmita, ibo utamipta e, beyo numi aget uyo fomtuup kobe-nalata, ipmi God imi ilak dugamin uyo titil fagaa tambaliim bom-bilipta o agan-be kalaa agelin o ageta dola kobebi ko.

2 Korin 2:8

Kale nimi nugumal ibaa. Niyo bogopmita, kamano koyo ibo kuguup tambal boyo tinum be kafale-bom-nilip e, “Nuyo kapmi aget uyo fomtuup kopkebup o,” agelipta, utamak o ageta ko.

2 Korin 8:2

Mufekmufek mafak kwiin tagang uyo mitam Masedonia kasel imi diim abe-bom im-kugu-bulu bong fagamip kuta, utamipta e, God ita kup kalaa age-nilipta, God imi deng kup tebemip kale, utamipta e, Kristen unang tinum Provins Yuudiya albip iyo atin mufekmufek uyo duumatanbip kalaa age-nilipta, mani uyo afeta-bii ko dong dogobelum o agansip kale, bilip imi mufekmufek uyo katip kuta, tagaal tebe-nilipta, misiim kobe-silip ko.

2 Korin 8:24

ninggil bilip imi no tilip boyo, ibo tinum ninggil bilip iyo dong dogobe tiin mo-nilipta, mani uyo afeta-bii ko kopmip kulep no Yuudiya kasel kopmipta bole, yang abiip maak maak imi Kristen unang tinum igil ipmi Yuudiya kasel imi i-filin daasip boyo utamipta, Fol ninggil iyo Korin kasel imi kuguup bomi tok bagan-nuubip boyo fen dam kalaa agelin o ageta ko.

Filipai 2:12

Kale minte atin ki nalami nugumal ibaa. Siin ipso bom-bili uyo, ibo nimi weng uyo tinangku waafu-silip kale minte, kamano kogal mungkup imkaa talbi kuso nimi weng uyo suun waafu-bom-bilipta o ageta ko. Kale God iyo ipmi iibak tem kwegal suun kup ogok kem-nuuba kale, imi aget uyo, “Bilip imi aget tem kufu-e-bilita, kanubelan-temup kalaa agan-bilip e, nagal dong daga-e-bilita, titil fagaa bagang-kale no ke-nilipta, nimi afak tem iinom-nilipta, nimi aget fuguno, bota kanumin o agan-bii uta kup waafu-bom-nilipta o,” agan-nuuba kale, ibo, “Nugo ba kale, Aatum God ita kup o,” agan-bom fomtuup ogok tubu-bom kwep unanbu top daalipta, ipmi kuguup alugum uyo Yesus imi ipmi ilim bo-se uyo tiiluk o ageta ko.

Filipai 2:22

Kale minte Timoti beta dong dagane-bala alop ulim ke-bomta God imi weng tambal uyo baga-em-nuubup kale, beyo tinum tambal kale, bemi kuguup uyo utamsip ko.

2 Tesalonaika 3:14

Ipmi iibak tem kutam uyo unang tinum ogok kemin binim dok ita ninggil numi suuk kon tem weng kek uyo tinangkulaalip umdii, bilip iyo tele itama-bom-nilipta, yang imi mep so unemin ba kale, igil utamipta, imkabip kalaa ageta fitom tebebeluta, kanupmin kuguup boyo kupka-nilipta, kuguup tambal uta kup waafulin o ageta kale minte,

Filemon 1:21

Kale niyo utamita e, kabo nimi Onesimus imi sang bogopkeli boyo aafen tambaliim kup waafu-nalap e minte, maak so ke no kelan-temap kalaa age-nilita, suuk kon koyo dolke-bii ko.