2 Jon 1:10 - Telefol

¹⁰ Kale tinum iyo maak ipmi finang tal-nala Krais imi weng kwep tilin-tem ke-nala weng migik uta kwep tala umdii, ibo beyo weng umobe dep mitam ipmi am daagamin ba ko.

2 Jon 1:10 Iomraidhean Croise

Aposel 15:23

suuk kon umi weng uyo kam age-nilip e, “Nugumal ibo nuubip aga? Yesus imi kalaan tinum so kamogimal migik so Kristen nuyo suuk kon koyo asit kek kek abiip Antiok kasel min, Provins Siria kasel min, Provins Silisia kasel Kristen ke-silip ipmi dola kobelum o agan-bulup kale,

1 Korin 16:22

Unang tinum waantap ita, Kamogim Yesus imi aget uyo kopmaali o agela umdii, beyo maagalo kelan-tema ko. Numi Kamogim kabaa. Kabo talaal o ageta ko.

1 Korin 5:11

Kale weng ko dola kobe-sii bomi magam uyo kalbu kale, kanube tinum iyo maak tebe-nala kek kek iyo baga-e-bom-nala, “Niyo mitam Kristen kebi o,” agan-boma nala iyo tebe unang digin tinum digin kuguup uyo kufak daga-bom min, ipkumal imi mufekmufek uyo tingine-bom min, men amem aman duga-e-bom min, weng mafak baga-bom min, ok mafak unan-bii ilum ilum ke-bom min, bisop bogo ipkumal imi mufekmufek uyo daga-e-bom min kema umdii, Kristen ibo yang tamip iso tiinemin ba e minte, iso dagaap unan-kalin ba no ko.

2 Tesalonaika 3:14

Ipmi iibak tem kutam uyo unang tinum ogok kemin binim dok ita ninggil numi suuk kon tem weng kek uyo tinangkulaalip umdii, bilip iyo tele itama-bom-nilipta, yang imi mep so unemin ba kale, igil utamipta, imkabip kalaa ageta fitom tebebeluta, kanupmin kuguup boyo kupka-nilipta, kuguup tambal uta kup waafulin o ageta kale minte,

2 Tesalonaika 3:6

Nugumal ibaa. Kamogim Yesus Krais imi win tolop diim titil weng koyo kobelan-temup kale, utamin o ageta ko. Ipmi iibak tem kutam uyo Kristen unang tinum iip maak maak bilip iyo numi weng uyo tinangkamin binim ke-bom-nilip e minte, ogok kemin binim daal kup tebe-bom no ke-bilip kale, kanupmin unang tinum bilip iyo alugum imkalip bisop nin o ageta ko.

Taitas 3:10

Kale kanube kabo utamapta, tinum iyo weng mafak umaak kufola Kristen tinum unang iyo wengaal digin-bom begela una tala kelum o angbip kalaa agelap umdii, weng kem uyo kobe yakyak ke-bii ilep alop min fagalapta, kwaasulala umdii, dupkaa yang iinemin ko.

2 Jon 1:11

Kale minte ibo kanupmin tinum beyo weng umobe dep mitam am daalip umdii, ipmi kanubelip boyo imi ogok mafak dong dogobelip ulutap kelan-temu ko.

3 Jon 1:10

no tolon-temi uyo, imi kanum-nuuba boyo kupkem daabelan-temi ko. Kale bisop bogo-nalata, nuyo mafak baga-em tiinan-nuuba bota kup ba kale, beyo Krais imi unang tinum fital telemin iyo, “Suguul ke tilip o,” agan-kalin binim ke-bom-nala e, unang tinum imi, “Suguul ke tilip o,” age imdep tam am daalum o agan-bilip iyo, “Waago o,” agela kupkalip im-kaga-bom-nala e, bogo-nala e, “Ibo ipkumal Kristen unang tinum imi iibak tem uyo kupkaa tam iinin o,” agan-bom no kem-nuuba ko.