1 Timoti 5:14 - Telefol

^14-15 unang kaluun miining unang iip maak maak iyo Krais imi ilep uyo kupka-nilip e, Tinum Mafagim ko age Saatan imi ilep uta abo dulu-silip kale, nimi aget fugunin uyo, “Unang kaluun miining unang bilip iyo asok tinum migik dulu man faga-bom ilimi am kutam iyo tiin mo no keman-temip bota felepmuta, kanuman-temip kale, kanu-bom-nilipta o,” agan-bii kale, kanuman-temip uta, waasi iyo tebe bilip imi kuguup mafak umaak kanu-bilip kalaa age utam-nilipta, weng mafak umaak Kristen nuyo kupka-eman-temaalip binim ko.

1 Timoti 5:14 Iomraidhean Croise

Fol tebe Rom kutam imi suuk kon dola kobesa uta ko 14:13

Alugum numi im-kugu-bom-nala yegeman-tema tinum iyo God ita kale, nuyo numi duubal imi kuguup kanu-bilip boyo aget mafak uyo kupka-emin ba kale, nuyo aget fuguno-nulup e, “Nuyo intaben intaben nu-bulup uyo, kafale-bulup duubal iyo utam-nilip yang fengamin ba o,” agan-bom-nulupta o ageta ko.

2 Korin 11:12

Kuta ipmi tinum bogo-nilip, “Nuyo Yesus imi kalaan tinum o,” agan-nuubip kulip iyo ilimi win uta kufu-bom ipmi bogobe-nilip, “Fol ninggil imi kuguup kanu-bilip kulutap uyo kem-nuubup o,” agan-kulum o agan-bilipta minte, niyo utamita e, kulip iyo ogok ke-bom tisol kwan-bilip kalaa age-nilita, tebe-nili imi aget kanupmin fugun-bilip bomi ilep uyo namdabelan o age-nilita, nimi tisol kwaamin binim bisop God imi ogok kem-nuubi boyo kupkalan-temaali kale, kanube kemin kup ni ko.

1 Timoti 2:8

Kale nimi aget fugun-bii uyo kulbu kale, “Kabo bogobelapta, unang tinum iyo dogap dogap kugol ulotu kemip uyo, tinum fen mo-nilip beten kelan-temip bilip iyo fengmin binim, olsak binim, wengaal digin-kalin binim, tambaliim tol kup bom-nilipta, God iyo aman duga-e-bilipta o,” agan-bii ko.

1 Timoti 4:3

kanupmin tinum bilip iyo tebe-nilip e, unang dalamin tinum dalamin kuguup boyo, ‘Amem o,’ agan-bom-nilip e minte, unan-kalin iip maak maak uyo, ‘Amem o,’ agan-bom no keman-temip o,” age-nalata, God imi Sinik ita bogosa ko. Bilip iyo kam agan-kalon-temip kuta, siin uyo God iyo bogo-nala e, “Unan-kalin bo telela kolita, waantap ita Krais imi ilak do nimi tuluun weng uyo utamip umdii, bilip iyo unan-bom niyo, ‘Suguul o,’ agan-bom-nilipta o,” age nalata, telela ko-nalata, nuyo kobesa ko.

1 Timoti 5:11

Kale minte fen miining unang umi imak kaana umi win uyo dolemin ba kale, boyo dok uta ba kale, umi aget uyo fuguno, asok tinum migik dulan o agelu umdii, boyo Krais imi ogok waafubu uyo umik ugobe kupkaluta,

1 Timoti 6:1

Kale unang tinum bisop sok de imolip tinum maak imi ogok kemin iyo alugum fugun-bom-nilip e, “Numi tiin molin beta kup kale, nuyo imi weng uyo waafuu kanuman-temup o,” agan-bom-nilipta o ageta kale, kanuman-temip uta, tiin molin beyo utamata e, ogok kemin bilip imi kuguup boyo tambal kalaa age-nalata, God imi win uyo kufak daga-eman-temaala e minte, “Kristen imi kuguup boyo mafak o,” agan-kalon-temaala no ko.

Taitas 2:5

fenga kolum o angbip uyo aget uyo tele fuguno kupka-bom-nilip e minte, sa dagamin binim ke-bom-nilip e minte, imagal min, man iyo tele tiin mo-bom-nilip e minte, ipkumal iyo telele-bom-nilip e minte, imagal imi weng uyo tambaliim kup tinangka-bom no ke-bomta bom-bilipta o ageta kale, kanu-bilipta, kek kek iyo itam bogo-nilipta, “God imi weng boyo fen tol ba kale, ibo bisop bagan-nuubip o,” agon-temaalip ko.

Taitas 2:8

kafalemap uyo, weng tambal tuluun weng uta kup baga-e-bom ke-balapta, tinum waasi kepkelan agin iyo fitom tebebelu uyo, dogobeta nuyo itafilan-temaala ko.

Hibru 13:4

Kale unang digin tinum digin kemin boyo tambaliim kale, alugum ibo boyo atin tele tiin mo-bom-nilipta o ageta kale, kalel so imak so iyo bisat kebina tala kemin ba kale, tambaliim kup imak tiin mola kalel tiin mola ke-bom-nilipta o ageta kale, binim umdii, son-temu uyo, tinum unang sa dagamin so minte tinum digin unang digin bomi kufak dagamin so bilip iyo God iyo tebe bomi yan uyo kupka-eman-tema ko.