1 Timoti 3:7 - Telefol

⁷ Tinum iyo dok ita God imi ilak dolin binim bilip imi tiin diim uyo win mafak kup baga-emin tinum umdii, bemi ulaa dulap God imi unang tinum imi tiin molin tinum kelan-tema uyo, an-togon-bilipta, fitom tebebelu e, Saatan tebe yuut dep yang iinon-tema kale, tinum dok ita win tambal baga-emin tinum ita kup ulaa dulal o ageta ko.

1 Timoti 3:7 Iomraidhean Croise

Mak imi tebe Yesus imi sang dola kosa uta ko 4:11

Yesus isiik bogobela, “Siin uyo God iyo unang tinum ilami daam tem mitam tilip tiin molan-tema umi sang uyo alugum baga-emsaala kale, atuk uta kup kale, kamano koyo God yagal ipmi aget tem uyo bam daabela ipkil utamipta e, Yesus imi do weng ko baga-e-be bomi magam uyo tam God imi daam tem unup tiin molan-tema umi sang uta kalaa age utabip kuta minte, unang tinum God imi ilak dolin binim kesip iyo niyo tebe do weng uta kup baga-em-nuubi ko.

Aposel 10:22

bogobe-nilip e, “Konilius iyo waasi dinan-kalin tinum ilimi kup 100 imi tiin molin tinum kale, beyo fen tinum tambal e minte, God imi deng tebemin tinum no kale, alugum Juda kasel iyo bemi tok uyo bagan-nuubip kale, amsinta God imi ensel maak tal bogobe-nala e, ‘Weng kwaalap no Fita imi diim abeluta, tal kalapmi am tal-nalata, imi weng umaak bogopkelata, tinangkulal o,’ kagelata, Konilius iyo imdala tulup o,” agelip ko.

Aposel 22:12

“Kale God imi ilak dolin tinum maak bemi win uyo Ananayas kale, beyo Moses imi ulo uyo tele waafusa kale, alugum Juda kasel Damaskus kugol nin iyo bogo-nilip e, ‘Beyo tinum tambal o,’ agan-nuubip kale,

Aposel 6:3

nugumal ipkil ipmi tinum iyo fen-bomta, waantap waantap ita win tambal bogobelip alba min, God imi Sinik tambal tebe dong daga-e-bala ogok tambal ke-be min, kuguup tambal utamsa kalaa agelip umdii, ita ban kal ululipta, nugol tinum ban kal bilip imi bogobelupta, kanupmin ogok boyo waafulin o ageta ko.

1 Korin 10:32

Kristen unang tinum ibo utamipta, ipmi intap intap kuguup kanumip uyo, ipkumal kek kek igil utam-nilip e, God imi miit tem uyo kupkaa yang unon-temip kalaa agelip uyo, kanupmin kuguup boyo ibo kanumin ba kale, Juda kasel so e minte tinum miit migik so God imi tinum unang so imi aget uyo fugun-bom-nilipta o ageta ko.

1 Korin 5:12

Kale kam age-sii boyo, tinum mitam God imi ilak dolin-tem albip imi itafi-bomta, boyo dogobeta kanu-bilip kalaa agan-kalin boyo nimi ogok aga? Umbae. Boyo God yagal tebe imi kuguup uyo im-kugulata, tambal bele, mafak kanu-bilip kalaa agan-kalon-tema kuta, Kristen unang tinum ipmi iibak tem kutam umi im-kugumin boyo atin ilipmi ogok kale, ko mungkup God imi suuk kon tem uyo bogo-nulu, “Ibo tinum mafak ipmi iibak tem albip bilip iyo fot tebelip daaginipta o,” agesu ko.

2 Korin 6:3

Kale unang tinum iyo ninggil numi kuguup kanu-bom God imi ogok ke-bulup bomi kalan uyo God iyo umik ugobe-nimip o age-nulupta, nuyo kuguup mafak uyo maak kem-nuubaalup kale,

2 Korin 8:21

Kale numi aget fugunin uyo, nuyo Bisel imi tiin diim uta kup tol kuguup boyo kemin ba kale, unang tinum imi tiin diim ugol mungkup kuguup tambal uyo ke-bom no ke-bom-nulupta o agan-bulup ko.

Kolosi 4:5

Kale ibo, unang tinum Krais imi ilak dolin-tem imi tiin diim uyo intap intap nulum o agelip uyo, aget uyo tambaliim kup fugun-bom atin tambal kup ke-bilipta o ageta kale, ibo, ilep uyo albu kalaa agelip uyo, bisop uyo nin ba kale, Krais imi sang uyo unang tinum iyo baga-e-bomta bom-bilipta o ageta ko.

1 Tesalonaika 5:22

utamipta, weng boyo mafak kalaa agelip umdii, atin alugum boyo kup-kaga-bom no kemin ko.

1 Timoti 3:6

Kale kanube tinum te tam kamaa God imi man keba iyo Kristen unang tinum imi tiin molin tinum kela umdii, beyo, “Nita kup o,” agan-bom kutaang tebeman-tema tap kale, kanuma umdii, God iyo tebe Saatan sugamiyok kanubela kaal fuyap kobesa ulutap ke tinum be kaal fuyap uyo kobelan-tema kale, kamaa Kristen keba iyo ulaa dugamin ba ko.

1 Timoti 5:14

unang kaluun miining unang iip maak maak iyo Krais imi ilep uyo kupka-nilip e, Tinum Mafagim ko age Saatan imi ilep uta abo dulu-silip kale, nimi aget fugunin uyo, “Unang kaluun miining unang bilip iyo asok tinum migik dulu man faga-bom ilimi am kutam iyo tiin mo no keman-temip bota felepmuta, kanuman-temip kale, kanu-bom-nilipta o,” agan-bii kale, kanuman-temip uta, waasi iyo tebe bilip imi kuguup mafak umaak kanu-bilip kalaa age utam-nilipta, weng mafak umaak Kristen nuyo kupka-eman-temaalip binim ko.

1 Timoti 6:9

tinum iyo dok ita mufekmufek kwiin tagang kwaamin umi aget kup kola umdii, beyo intaben intaben uyo tebe dup-kugulan-temu uyo daak abe kumen mumal tem iinin tap kela e minte, kuguup mafak uyo tebe imi aget tem kufak daabelu ilum ilum bom bomi aget kup ugel kala no ke-nala e, uk kugan ko-nala e, atin mafaganan-tema kale,

2 Timoti 2:26

Siin uyo Saatan iyo abil fo-balata, bilip iyo ye-buluta, imi weng kup tinangkan-nuubipta kuta, kanube bilip iyo God imi dam weng uyo tinangku bam daalipta, dam kalaa agelip umdii, bilip iyo Saatan imi abil uyo kupkalan-temip ko.

Taitas 2:5

fenga kolum o angbip uyo aget uyo tele fuguno kupka-bom-nilip e minte, sa dagamin binim ke-bom-nilip e minte, imagal min, man iyo tele tiin mo-bom-nilip e minte, ipkumal iyo telele-bom-nilip e minte, imagal imi weng uyo tambaliim kup tinangka-bom no ke-bomta bom-bilipta o ageta kale, kanu-bilipta, kek kek iyo itam bogo-nilipta, “God imi weng boyo fen tol ba kale, ibo bisop bagan-nuubip o,” agon-temaalip ko.

Taitas 2:8

kafalemap uyo, weng tambal tuluun weng uta kup baga-e-bom ke-balapta, tinum waasi kepkelan agin iyo fitom tebebelu uyo, dogobeta nuyo itafilan-temaala ko.

3 Jon 1:12

Unang tinum kwiin tagang iyo bogo-nilip e, “Demitrius iyo tinum tambal o,” agan-bom-nilip e minte, alugum nuyo utamupta e, fen beyo God imi tuluun weng uyo waafuba kalaa agan-bom no ke-bulup kale, nagal mungkup imi win uyo kufu-e-bom no ke-bomi kale, kapkal nimi kam agan-bii boyo utamapta e, dam kalaa agebap ko.