1 Timoti 1:15 - Telefol

¹⁵ Kristen numi weng baga-bom-nulup, “Yesus Krais iyo malaak kafin diim malaak-nalata, fengmin unang tinum numi ilim uta bolan o age-nalata, malaak ti-se o,” agan-nuubup boyo ki atin aafentap kale, unang tinum imi tinangku alugum kubaget daa waafunamin umi weng uyo kulbu kale, alugum nuyo fengmin kuta, niyo utamita e, nugumal imi fengmin uyo katip minte, nimi fengmin uyo kwiin kiim kalaa agan-bii kuta,

1 Timoti 1:15 Iomraidhean Croise

Matyu 1:21

biilan-temu uyo, man dolan-temu beta tebe-nalata, alugum ilami tinum unang imi fengmin uyo takan kebelata, waalanan-temip kale, kabo bemi win uyo bogobe-nalap, ‘Dong dogobela waalanamin tinum o,’ age-nalapta, Yesus o agelal o,” age-nalata, ensel iyo bogobela ko.

Matyu 18:10

Kale Yesus iyo bogobe-nala e, “Nugumal ibaa. Nimi weng kaa bogobelan-temi koyo tinangku-silipta. Ipmi aget uyo fuguno-nilip, ‘Unang tinum God imi ilak dugamin katip katip ke-bilip iyo win binim o,’ agelan-temip kuta, di ipkil utamin. Bilip imi tiin molin tinum ko age ensel iyo nimi Aatum God imi miit tem kugol bom-nilip e, bilip imi sang uyo suun kup God iyo baga-em-nuubip kale, ipmi aget uyo fuguno, ‘Bilip iyo win binim o,’ agan-kalin ba kale, ibo tele utama-bom-nilipta o ageta ko.

Matyu 18:11

[Mo Tibil imi Man niyo tal unang tinum yang Saatan imi miit tem iinom maagalo kesip ita kulep meng God imi miit tem tolan o age-nilita, ti-sii ko.]

Matyu 20:28

Kale Mo Tibil imi Man niyo kafin diim koyo bisop tal ton-bom-bilita, tinum ita nimi ogok uyo kenemin o ageta tisaali kale, niyo tal-nilita, fomtuup ogok ke-bom unang tinum iyo dong daga-eman o ageta ti-sii boyo ki, niyo tal-nilita, waasi iyo imkali tebe nangkolip kaanan-temi bota unang tinum kwiin tagang imi ilim uyo bobelita, bilip iyo God imi man ke suun nin o ageta ti-sii kale, ibo nimi unang tinum dong daga-e-bii ulutap ke-bom-nilipta o,” age Yesus iyo baga-ema ko.

Matyu 9:13

ulutap mungkup, niyo tal unang tinum bogo-nilip, ‘Nuyo fengmin binim kale, tol kup unang tinum o,’ agan-bilip bilip ita dong daga-e-bilita, imi aget uyo fupkela ko God imi ilak uyo dolin o ageta tisaali kale, niyo tal unang tinum bogo-nilip, ‘Nuyo fengmin unang tinum o,’ agan-bilip bilip ita dong daga-e-bilita, imi aget uyo fupkela ko God imi ilak uyo dolin o age-nilita, ti-sii ko. Kale weng ko baga-e-bii boyo ipkil God imi suuk kon tem weng uyo fen-bom tiki-bom-nilipta, weng bomi magam uyo tele utamin o ageta ko. Weng atuk uyo bogo-nala e, ‘God niyo fomtuup bogo-nili, “Ibo ulo uyo tinangku dimduum uyo ano fuu kupkanemin o,” aganbaali kale, niyo bogo-nili, “Ibo unang tinum imi i-filin-bom kuguup tambal kupka-emin o,” agan-bii o,’ agesa o,” age Yesus iyo bogobela ko.

Mak imi tebe Yesus imi sang dola kosa uta ko 2:17

Yesus iyo weng boyo tinangku-nala e, kota Falosi iyo do weng maak bogobela, “Tam tinum tambal albip iyo dokta imi finang uyo unon-temaalip kale minte, fen tinum mafak albip ita kup dokta imi finang uyo unon-temip kale, ulutap mungkup, unang tinum bogo-nilip, ‘Nuyo fengmin binim kale, tol kup unang tinum o,’ agan-bilip ita niyo tal dong daga-e-bilita, imi aget uyo fupkela ko God imi ilak uyo dolin o ageta tisaali kale, unang tinum bogo-nilip, ‘Nuyo fengmin unang tinum o,’ agan-bilip bilip ita niyo tal dong daga-e-bilita, imi aget uyo fupkela ko God imi ilak uyo dolin o ageta ti-sii o,” agan-kala ko.

Luk imi tebe Yesus imi sang dola kosa uta ko 15:2

Kale Falosi so e minte ulo utamsip tinum so iyo tebe Yesus iyo titul weng baga-e-bom-nilip e, “Tinum beyo tinum kuguup mafak waafusip bilip imi duup ke-bom-nalata, isino iman unan-nuuba o,” agan-bilip kalaa age-nalata,

Luk imi tebe Yesus imi sang dola kosa uta ko 19:10

Mo Tibil imi Man niyo tal, unang tinum God imi umik ugobe maagalo kesip ita dong dogobe imi ilim uta bobeli waalanin o age-nilita, fen ti-sii o,” age Sakius imi bogobela ko.

Luk imi tebe Yesus imi sang dola kosa uta ko 5:32

ulutap mungkup, niyo tal unang tinum bogo-nilip, ‘Nuyo fengmin binim kale, tol kup unang tinum o,’ agan-bilip ita dong daga-e-bilita, imi aget uyo fupkela ko God imi ilak uyo dolin o ageta tisaali kale, niyo tal unang tinum bogo-nilip, ‘Nuyo fengmin unang tinum o,’ agan-bilip bilip ita kup dong daga-e-bilita, imi aget uyo fupkela ko God imi ilak uyo dolin o ageta ti-sii o,” agela ko.

Jon imi tebe Yesus imi sang dola kosa uta ko 1:12

ilami tinum iip maak maak ita, “Nuta o,” age-nilipta, imi weng uyo tinangku aget fupkela ko imi ilak dolipta, yagal dong dogobe imdep meng daala mitam God imi man aligaap kebe-silip ko.

Jon imi tebe Yesus imi sang dola kosa uta ko 1:29

Silipta; Jon iyo Yesus atamata e, nimi finang talan-be kalaa age-nala e, unang tinum bogobe-nala e, “(Numi kuguup uyo kong man ko age sipsip man ita an-bulupta, imi isak uyo singkam daa-nuluta, numi fengmin uyo takan ke-emin kale, ulutap kale,) yang betamin. Yang beyo God imi kong sipsip man ilatap kale, beta alugum kafin diim kasel numi fengmin uyo takan kebe ilim bobelan-tema tinum umdii yang ku tala ko.

Jon imi tebe Yesus imi sang dola kosa uta ko 12:47

Kale kanube tinum iyo maak nimi weng uyo tolong dolip kuta, boyo waafulaalup o agelan-temip uyo, niyo im-kugulan-temaali kale, nimi kafin diim komi ti-sii uyo, niyo unang tinum im-kuguman o ageta tisaali kale, niyo unang tinum imdep meng daali waalanin o ageta ti-sii ko.

Jon imi tebe Yesus imi sang dola kosa uta ko 3:36

Unang tinum God imi Man bemi ilak dobip bilip iyo suun nin unang tinum kebip kale minte, waantap ita, “Waago o,” age, “Imi weng tinangkulaali o,” agelip umdii, bilip iyo suun nin unang tinum kelan-temaalip kale, son-temu uyo, God tebe kaal fuyap uyo kopma ogen abin so utaman-temip ko.

Aposel 11:1

Biita Yesus imi kalaan tinum so Yesus imi ilak dolin Provins Yuudiya albip so ninggil iyo tolong dolipta e, “Juda kasel nuta kup ba kale, asit kek kek unang tinum maak igil mungkup God imi weng uyo tinangka-bom no ke-bilip o,” agelipta, tinangkulip kale,

Aposel 11:18

Kale Yesus imi kalaan tinum bilip iyo tinangku-nilip e, bilip imi fitom binim weng Fita imi baga-e-bilip uyo kupka-nilipta bole, God imi deng uyo tebe-bom bogo-nilip e, “Kanubelu bole, God iyo tebe asit kek kek unang tinum igil mungkup bogobe-nala e, ‘Ipmi aget uyo fupkela ko mitam suun kup nin unang tinum kelin o,’ agan-be o,” age-silip ko.

Aposel 3:26

Kale God iyo ilami bon tem kiit fenin man iyo ulaa du daala malaak numi finang ti-se kale, beyo alugum Juda kasel isiik dong dogobe-nilita, fupkela imolita, imi fengmin uyo kupkalin o age-nalata, daala numi finang usiik tal-nalata o,” age Fita ita baga-ema ko.

Fol tebe Rom kutam imi suuk kon dola kobesa uta ko 11:14

nimi aget fugunin uyo, ise ogok bota ke-bom-nilita, bomi tem ilep nalami tinum miit Israel kutop imi aget fugunin uyo kufu-e-bilita, iip maak maak iyo asit kek kek ibo itamipta, God sino tambaliim albip kalaa age-nilipta, bomi kalan uta titine-bom-nilipta, God imi finang unum o agelipta, dong daga-e-bilita, God iyo imdep meng daalak o agan-bii ko.

Fol tebe Rom kutam imi suuk kon dola kobesa uta ko 5:6

Kale bemi numi aget kupka-emin boyo kanumin kale, siin nuyo titil fagalin-tem bom-sulupta, God iyo, kota felebelu nimi Man beyo kaanan-tema kalaa agelata, Krais iyo kuguup mafak waafusup numi ilak uta do-nalata, kaan-nalata, imdep meng God imi miit tem uyo daa-se ko.

1 Korin 15:9

Krais imi kalaan tinum imi win uyo tebe nimi win uyo kubaganu nimkaa imi win uta uta kesu kale minte, niyo God imi unang tinum iyo ifak dagan-bii kula-sii kale, unang tinum iyo bogopne-nilip, “Fol beyo Krais imi kalaan tinum o,” nagan-kalon-temip boyo felep-naman-temaalu kuta,

Efesis 3:8

nugumal God imi unang tinum imi tiin diim uyo niyo atin win binim ke kubagansi kuta, God ilami atin ogok tambal bota kopnelata, tinum miit migik iyo God imi weng tambal boyo baga-e-bom-nili e minte, bogobe-nili, “Krais iyo ki atin ipmi ilak uta o age-nalata, mufekmufek bisel maak ko kanube-se o,” agan-bom no kem-nuubi kale,

1 Timoti 1:19

kapmi Krais imi ilak dugamin uyo fomtuup waafu-nalap e minte, tam kuguup bo tol kup tebesu kalaa age utamsap uta kup fomtuup waafuu no ke-bom-nalapta o ageta ko. Kale tinum iip maak maak iyo utamipta, kuguup bo tol kup tebesu kalaa age utamsip kuta, umik ugobe kupka-nilipta, sip umi no yol ok kumun tem umi tuum afaligen diim sek mo fegela tebebu ulutap ke imi Krais imi ilak dugamin uyo mafaganu kupkabip kale,

1 Timoti 3:1

Kale numi weng baga-bom-nulup, “Tinum iyo, Kristen unang tinum imi tiin molin tinum kelan o agela umdii, boyo tambaliim o,” agan-nuubup boyo ki atin aafentap kale,

1 Timoti 4:9

Kale ise weng boyo aafentap kale, boyo tii alugum unang tinum iyo tinangku-nilip e, aget alop tagamin ba kale, aafen kalaa age-nimip ko.

1 Timoti 6:13

Kale God iyo alugum tigitanin mufekmufek umi mam kupka-emin tinum e minte, Yesus Krais iyo kiyap Pontius Pailat imi tibit diim weng tol weng tambaliim bogobesa tinum no kale, God so Yesus Krais sino ulim imi tiin diim weng kem koyo kopkelan-temi kale,

2 Timoti 2:11

Kale Yesus Krais imi sang kaa bogopkelan-temi koyo fen dam kale, tinangku-salapta. Nuyo imi kaan-se ulutap ke nugol mungkup kaan-sulup kale, mungkup nuyo imi fen tiin kafan alba ulutap kelan-temup kale,

Taitas 3:8

Kale weng kaa bogobeli koyo fen dam weng bogobeli ko. Niyo ki, bomi sang uyo kabo bilip iyo weng uyo fomtuup bogobe-nalap, “Unang tinum God imi ilak dolin ibo telel-bom-nilipta, kuguup tambal kup waafuu kwep tebe-bilipta o,” agan-bom-nalapta o agan-bii ko. Kale kanupmin weng kem baga-eman-temap boyo tambaliim kale, unang tinum iyo dong dogopman-temu kale,

Hibru 7:25

Kale beyo suun kup nin tinum kale, bemi win tolop diim unang tinum tal God imi mep so e tilip iyo kamano kaso son-temu kuso uyo suun beyo tii ulaa imdep meng daa daa ke-bom-nalata, God imi aman duga-e-balata, unang tinum kulip iyo dong daga-e-boma ko.

1 Jon 3:5

Kale ibo utamsip kale, Yesus Krais imi tal kafin diim e ti-se uyo ki, kafin diim kasel numi fengmin takan kepman o age-nalata, ti-se kale, Yesus beyo atin fengmin binim ko.

1 Jon 3:8

tinum maak fengmin kuguup uyo waafu-bom fenga-be umdii, beyo Tinum Mafagim imi man iyo kulba ko. Kamaki magam tem kutop uyo Tinum Mafagim iyo fengam kwep tal kaa diibela kale, suun fengmin kup kemin tinum beyo Tinum Mafagim imi man iyo kulba ko. Kale God imi Man iyo utamata e, Tinum Mafagim iyo kanu-em tebesa kalaa age-nalata, no kafin diim daak-nilita, Tinum Mafagim imi ogok mafak uyo ilo kobe som, kupkan kebe no kelan o age-nalata, malaak keman-se ko.

1 Jon 5:11

God imi weng kam agesa umi weng miton uyo kulbu kale, God imi aget uyo ki, suun nin unang tinum kelin o age-nalata, imi Man daala tal at diim kaan-nalata, numi ilim uyo bolata, kota mitam imi suun nin unang tinum ke-sulup ko.

Revelesen 21:5

Kale God iyo ilami baan diim kal ton-bom weng maak bogo-nala e, “Ibaa. Tinangku-silipta. Kamano kota niyo alugum mufekmufek boyo telela koli migik kelan o angbu o,” age-nala e minte, iyo fupkela nimi bogopne-nala e, “Weng kaa tinangkulap boyo fen tuluun weng kale, kabo utamapta, alugum bilip iyo bogobelap tolong do-nilip utamipta e, fen kalaa agelan-temip kalaa age-nalapta, tinum bemi weng boyo kwep yak suuk kon tem kal dola kolal o,” age-nala e,

Revelesen 22:6

Kale ensel iyo bogopne-nala e, “Suuk kon tem weng kaa bagan-bo koyo fen tuluun weng kale, alugum iyo boyo tinangku, aafen kalaa agelin o ageta kale, Bisel God iyo imi Sinik Tambal iyo daala no Yesus imi profet ko age weng kem baga-emin tinum imi dong dogobelata bole, God imi weng uyo baga-em-nuubip kale, mungkup kamano kota God ilami ensel niyo nimdala talta ilami ilak dolin unang tinum iyo bogobe-nili e, ‘Kanupmin mufekmufek uyo, kota mitam tolon o angbu o,’ age-nilita, kafalem tili ko.

Revelesen 5:9

Kota alugum bilip iyo kamaa aseng maak kwaa-bom-nilip e, Sipsip Man Yesus bemi bogobe-nilip, “Kabo kangkolipta, kaan-nalap kapmi isak tambal boyo singkam daa tebe-nuluta, tinum miit maak maak sino, tinum miit yagalami weng migik bagamin sino, abiip maak maak unang tinum sino, tinum miit yagalami kaal migik migik sino alugum bilip imi unang tinum iip maak maak imi fengmin uta mobe-nalapta, ilim bobe-nalap imdep meng God imi miit tem daabelapta, bilip iyo mitam kalapmi kamaa tinum miit ke-silip kale, kamano koyo God imi pris ko age tinum amem imi siin kanumsip ulutap ke-nilipta, numi God imi ogok uyo ke-bilip kale, biilan-temu uyo, bilip ita tebe kafin kaa kutufosu komi unang tinum iyo alugum tiin molan-temip kale, boyo kapta felep-kamuta, kanube-nalapta, suuk kon fufala kosu uyo ku-nalapta, at dan uyo tagaa kupkan ke-nalapta, suuk kon uyo tiila kolan-temap o,” age mufekmufek tinum ke dimduum ke kelin kalbinim sino kamok kamok ilimi kup 24 so bilip ita deng tebe-bom Sipsip Man imi win uyo kufu-emip ko.