1 Timoti 1:12 - Telefol

^12-13 Siin uyo niyo numi Kamogim Yesus Krais imi win uyo kufak daga-e-bom-nili e, agan-bom-nili e, Kristen iyo waasi ke-e-bom kuguup mafak mafak uyo kupka-e-bom no ke-bii-sii kuta, Krais iyo titil uyo kopne-nalata, utamata e, Fol beyo tii nimi ogok boyo keman-tema kalaa age-nalata, nimdep daalata, ogok kem-nuubi kale, niyo, “Misam o,” agan-nuubi kale, kanu-bii-sii boyo ilep tambal uyo utamin-tem ke-nili e minte, imi ilak uyo dolin-tem ke no ke-bom kuguup mafak boyo kanu-bom bom-bilita, utamata e, kanu-be kalaa ageta ni-filin daa-nalata,

1 Timoti 1:12 Iomraidhean Croise

Matyu 20:4

bogobela, ‘Ibaa. Ibo no nimi sok dum ilang kugol ogok ke-bilip bii, kwiinuta, ogok ulumi tii tisol uyo kobelan o,’ agela e,

Aposel 16:15

uso ulumi am maagup nin so bilip iyo ok sam ugu-nilip e, Lidia boyo numi bogobe-nulu e, “Ninggil ibo nimi kuguup uyo utamipta, aafen Kamogim Yesus imi ilak uyo dobu kalaa nagelip umdii, ibo tal nimi am kagal bom-nilipta o,” ageluta, nuyo, “Suguul o,” age nota bii-sulup ko.

Aposel 9:15

Kamogim isiik bogobe-nala e, “Kabo unaal a. Beyo nimi ogok kenemin tinum kale, nagal ulaa dulita, beyo no unang tinum asit kek kek so bilip imi kamok king maak maak so Israel kasel so imi finang no-nalata, nimi sang uyo baga-emak o age-nilita, ulaa duli kale,

Aposel 9:22

Kale Sol iyo Juda kasel Damaskus kugol nin iyo titil fagaa tol dupkop daabe bogobe-nala e, “God imi ulaa dula kamok kesa tinum iyo Yesus beta o,” age-nalata, baga-emin kup ke-balata, tinangku kumang mo-nilipta, weng amonolip ko.

1 Korin 15:10

nimi kanube bom kaa albi boyo, God iyo ni-filin daa dong dogopnelata, mitam ilami kalaan tinum ke-sii kale, God imi ni-filin daala mitam ilami kalaan tinum ke-sii uyo dum ito-suu kale, nimi God imi weng ku unang tinum fomtuup ulaa kupka-emin uta tam so kelu e minte, Krais imi kalaan tinum migik imi fomtuup ogok kemin uta malaak so ke no ke-suu kuta, ogok boyo nagal kanum tebesaali kale, boyo God imi titil uta kupkane-bom-nalata, yagal, “Boyo kanumal o,” agan-balata, kanum tebesi ko.

1 Korin 3:5

Kale ibo aget uyo tele fugunolin. Ipmi aget fugunin uyo, Apolos beyo waantap ita, e minte Fol niyo waantap ita no kalaa age-nilipta, milii bagaa kulep yak maak imi tem una mek nimi tem tala ke-bilip a? Alop nuyo iit so kelin ba kale, alop nuyo God imi ogok kemin tinum nuta kale, Bisel iyo alop nuyo ogok uyo kobe kobe kelata, ogok boyo alop nuyo ke-bom-nulupta, ibo dong daga-e-bulupta, Krais imi ilak uyo do-silip kale,

1 Korin 7:25

Kale ibo suuk kon uyo dola kopne-nilip kano, unang tinum kapket albip imi sang uyo dagabip kale, Kamogim Yesus iyo bomi sang umaak bogosaala kalaa age-nilita, nalami aget fugunin uta ku bogobelan o ageta kale, Bisel iyo ni-filin daa-nalata, telela namolata, mitam weng baga-e-bilita, Kristen unang tinum iyo nimi weng bagan-bii umi deng uyo tebe-bom waafusip kale, ibo tinangku-silipta

2 Korin 4:1

Kale ninggil nuyo utamupta e, God iyo numi bet bubul kobe-nala e, nuyo ulaa imdu no ke-nala e, dong dogobe bom-balata, imi bet bubul diim ilep ogok ke-bulup kalaa agebup kale, mufekmufek mafak mitam numi diim aban-bo uyo, titil faga-bom taban-bulup kuta minte,

Galesia 3:26

Kale ibo waantap ita Yesus Krais imi diim kal feba-silip umdii, ipta atin God imi man ke-bomta albip ko.

Galesia 3:28

Kale God iyo tinum unang iyo itama-bomta, keyo Juda kayaak kalaa minte, maak beta tinum miit migik kalaa agan-bom-nala e minte, keyo sok de dolip ogok kemin tinum kalaa minte, maak beta yagal ilami aget kup fugunin kup nin tinum kalaa agan-bom-nala e, mungkup keyo tinum kalaa minte, bota unang kalaa agan bom no ke-bom iliba imkan-nuubaala binim kale, alugum ibo Krais imi diim kal feba-silip kale, ibo yagalami yagalami ba kale, atin maagup ko.

Filipai 2:11

bogo-nilip e, “Yesus Krais beyo numi kamok miton o,” age-nilip e, Aatum God imi tok uyo bagaman-temip ko.

Filipai 4:13

Krais iyo titil kopne dong dagane-be kale, imi titil diim ilep uyo tii kale, alugum mufekmufek uyo kanum-nimi ko.

Kolosi 1:25

Kale God yagal ulaa nimdulata, niyo mitam Krais imi unang tinum imi ogok kemin tinum ke-bom-nilita, ibo dong daga-em-nuubi kale, God ilami weng uta alugum kupka-e-bilita, ibo atin tele utaman-nuubip ko.

1 Timoti 1:1

Timoti kabo nuubap aga? Niyo Yesus Krais imi kalaan tinum Fol nita kale, numi ilim bomin God so minte numi fen-bulup tolon-tema Yesus Krais so ulim igil ulaa nimdu-nilipta, ogok koyo kopne-silip ko. Kabaa. God imi weng bogopkeli fomtuup tinangku-nalap yak Krais imi ilak do-salap bota, nalami man ilatap ke-salap kale, suuk kon koyo dola kopkelan o age-nilita, dolke-bii ko. Niyo Aatum God so numi Kamogim Yesus Krais so dagaga-bilita, ulim iyo tebe kabo ka-filin-bom telelke-bilipta, kapmi aget tem uyo bilili age-bom-nalapta o agan-bii ko.

1 Timoti 1:11

Kale fen tuluun weng ko bogopkeli boyo God imi weng tambal umi atuk uta kale, God imi aget fugunin uyo, “Fol imi kobelita, ita ku-nalata, unang tinum iyo kupka-emak o,” age-nalata, kwaap-nama mek nimi diim abe-suu kale, God beyo atin tambal e minte, deng tebemin umi magam uyo kulba no kale, yagal tebe-nalata, ilami weng tambal boyo kopne-se ko.

1 Timoti 6:13

Kale God iyo alugum tigitanin mufekmufek umi mam kupka-emin tinum e minte, Yesus Krais iyo kiyap Pontius Pailat imi tibit diim weng tol weng tambaliim bogobesa tinum no kale, God so Yesus Krais sino ulim imi tiin diim weng kem koyo kopkelan-temi kale,

2 Timoti 2:2

alugum unang tinum kwiin tagang imi kupka-e-bili weng tinangkamsap boyo ku tinum migik migik imi kupka-e-balapta, igil utam tambaliim kup tiin mo-bom-nilipta, ku unang tinum iyo kafalemin o ageta ko.

2 Timoti 4:17

Nimkaa daaginip kuta, Kamogim Yesus iyo mep ko nisino mo-bom nimi bigi-bom-nala imi titil uyo kupkane-balata, niyo titil faga-bom-nilita, imi weng tambal uyo tii kupka-e-bilita, alugum tinum miit migik yang kugol albip iyo tinangku-silip kale, niyo waasi bon tem diin-sii kuta, God iyo nimkasaala kale, ulaa nimdula waalan-sii kale,

Taitas 1:4

Tatias kabo fen nalami man ilatap kale, kapso niso God imi ilak uyo dosup kale, niyo Aatum God sino numi ilim bo-emin tinum Yesus Krais sino ulim iyo dagaga-bilita, iyo tebe kabo telelke-bilipta, kapmi aget tem uyo bilili agepkeluk o ageta ko.